السلام عليكم يا حبيباتي
هي رجعتي.. كيفكن كلياتكن يا أحلى صبايا وكيف صاير الجو عندكن نحنا اليوم كان عنا مطر
الله يبعت الخير عبلادنا وكل بلاد المسلمين
Zanzoon كيفك ياروحي تكرم عيونك وهي سيرتي الذاتيه
سورية من الشام "الميدان" دارسه لغة عربية ودراسات إسلاميه
متغربه بمصر وصرلي عايشه هنيك شي 8 سنين مع أهلي
بس الحمدلله كل سنه منروح عاشام لأنو اختي الكبيره متزوجه وعايشه هنيك
أنا كنت كاتبه كتابي بس ماصار نصيب والحمدلله الله نجاني .. يلا بدك تدعيلي انو الله يرزقني بالزوج الصالح:26: :42: :26:
عم اشتغل والحمدلله الله رازقني بشغل كتير حلو
عم علم عربي للأجانب بمركز لتعليم اللغة العربية للناطقين بغيرها
والحمدلله مجبور خاطري بهالشغل وحاسه إنو رب العالمين معوضني فيه عن كتير شغلات وخصوصي انو اصحابه كتير اوادم ودينين واهم شي مافيه اختلاط.. الحمدلله رب العالمين
دخيلو رب العالمين شو كريم.. الله يديم علي هالنعمه:26:
samaa_egypt حبيبتي والله بدك ما تواخذينا ولو انت بالقلب الله يجبر بخاطرك ويبعتلك كل الخير كيفو يمان افندي
إن شالله صار هلأ أحسن وماعدتي تتعذبي معه وكيف معدته صايره الله يحميلك ياه
ومشان الجريب بظن لازم تاخديه على شي دكتور لأنو الصغار مو متلنا دغري بيتعبو
ومشان شعراتك لا تشكيلي ببكيلك .. الله وكيلك الحال من بعضه عمقول لحالي هدا ولساتني ماتزوجت ولا اجاني ولاد بقى شلون وقت اتزوج ويكون عندي ولاد
اتركيا لربك وبظن أكتر شي بيأثر عالشعر المي .. ومن فتره سمعت انو الوحده لازم من وقت للتاني تغير نوع الشامبو اللي عم تستخدمه .. وأنا هيك عمبعمل بس والله مالي عرفانه إذا هالحكي مظبوط ولا لأ
نايس سمايل تسلملي عيونك حبيبتي شو كلك ذوق الله يجبر بخاطرك ويهني قلبك.. نيال الشام بروحتك عليها
مابدي وصيكي بالدعاء وانت على سفر وديري بالك عحالك وسلملي عاشام وأهلها الله يحميها هي وأهلها بجاه الحبيب محمد
باقي البنات الحبابات سلامي لألكن حبيباتي كلياتكن وحده وحده والله ينول كل وحده يلي ببالها
يلا حبيباتي بخاطركن:26: :26:
مجلس السوريات الجديد عامر بذكر الله عزوجل
متابعة النقاش، صفحة 78