اخذي العلب الجاهزه لطحين اللقيمات واحلى شي هونج
واضيفي عليها 2 ملعقة نشا
طبعا الطريقه مكتوبه عالعلبه وانتبهي لا تزيدين الماء يعني اعجني اشوي اشوي لما يصير عندج عجينه ثقيله نوعا ما لان بعد الخمر راح تلين العجينه
وخليها تخمر
بعدها اسلقي بطاطه صغيره واعجنيها جيدا حتى تصبح عندج مثل الكريمه
واضيفيها على الخلطه واعجينها جيدا واتركيها ربع ساعه او نصف ساعه
ناخذ المقلاة عالنار ونضيف الزيت الغزير وبعدين لما يصير حار نخفف النار عالاخر
وبعدها جيبي ملعقتين وسط الاولى بليها بالماء وخذي من العجينه والثانيه نزلي او صبي منها بالزيت ان شاء الله قدرت اوضح هالخطوه لان اهني راح تطلع عندج القيمات شكلها مضبوط ومكوره وراح تلاحظين ان العجينه بالملعقه الاولى تنزل معاج بسهوله يعني كانج تدفعين العجينه من الملعقه الاولى بالزيت وراح تنفش وتتقلب بروحها بالزيت لان الزيت غزير
صفيها من الزيت جيدا وبعدها اسقيها بالشيره
وراح تطلع عندج مقرمشه ولذيذه وتظل فتره ما تلين
:cook:
شاركي في النقاش
سجلي الدخول لإضافة تعليق.
التعليقات
23- اخذي العلب الجاهزه لطحين اللقيمات واحلى شي هونج
يعني جاهزه بس البيتي افضل واوفر .......... مشكوره لكن طريقتط شغلانه فيها بطاطس ووووو...........
انا اقلك لقيمات غنادير طيبه جربيها - اشلون طريقة غنادير؟؟
- ام عزيزان
الله يعطيكي العافية ان شاء الله راح اجربها
بس مثل ما قالت الأخت لقيمات البيت أفضل وأوفر لأني ما ألاقي اللي يروح كل مرة عشان يشتري ..
قرقورة .. - تسلمين يا ام عزيزان ان بغيت اجاف مرة ثانيه واسوي لقيمات والله بستخدم طريقتك
ملييييت واناااا اسوي اللقيمات ولا تضبط تطلع لينه كنها عجيييين كرهتهااااا والله :(
بس والله وعد ان طق براسي اني اسوي اللقيمات بجرب طريقتك وياويلك مني لو ماطلعت تقرمش :( - مشكوره ويعطيك العافيه
ويا بنات لا تنسون ان سر نجاح اللقيمات في كيف تتحكمين ب درجة حرارة الزيت
واذا ضبطتي الزيت ضبطت اللقيمات
مواضيع مشابهة
تابعي تجارب أخرى من هذا القسم.