هذي اول مشاركة لي في هالمنتدى
(والله اللي يسمعني يقول من كثر مواضيعي عاد...كلها اربع مواضيع)
المهم ما علينا لا تخجلوني في اول مشاركة لي لاني منزلتها من القهر اللي فيني وفي نفس الوقت ابغاكم تفرفشون شوي....
بقول لكم السالفة باختصار :
القصة وما فيها ان ولدي نسي الجكيت حقه في الروضة, فقال ابوه كلمي المديرة وخليها تعطيه وتوصي الابلة عليه لانه ما يعرف يكتب..يعني لاتعطيه واجب كتابة لانه صغير وما يعرف يمسك القلم
قلت له طيب يصير خير
المهم عيالي راحوا من هنا وانا شلت السماعة من هنا ودقيت على الروضة وردت علي المديرة
وكلمتها على سالفة الجكيت وقالت ابشري انا باعطيه الجكيت
وبعدين جيت اقول لها على موضوع الواجبات وبغيت اقول الله يعافيك وفي نفس الوقت بغيت اقول الله لا يهينك
(طبعا ماني عارفة ليش دماغي غير رايه)
قام لساني ضرب الفيوز عنده ودمج الكلمتين مع بعض وصارت
(الله لا يعافيك)
والله يا بنات اني قلتها بكل وضوح لدرجة المديرة انصدمت وتنحت وصارت زي هذا
وانا صار وجهي عشرين لون وماعد عرفت ارقع
اصلا وش ارقع وش اخلي
المهم قلت لها الله لا يهينك قولي لابلته لا تعطيه واجب كتابة لانه توه صغير
قالت طيب ما راح نضغط عليه
وقفلت الخط وانا احس ريقي نشف من الاحراج
وتمنيت وقتها انه يصير فيني زي ذا المسكين
(امزح ...عاد لا تصدفون ما وصلت للدرجة هذي)
والله يا بنات اني اعلم اختي باللي صار واقول لها والله ان كانه لسان ثاني اللي نطق الكلمة مو لساني:icon36:
يعني سبحان الله ماني عارفة كيف طلعت مني وبدون ارادة
طبعا السالفة صرت قبل يومين
وذلحين يا حلوات انا كتبت لكم ابغاكم تقولون لي لو كنتم مكاني كيف بتتصرفون؟؟
وياليت اللي عندها موقف شبيه صار معها تتحفنا فيه
يمكن اقدر انسى اللي صار معي
وسلامتكم
وهذي لكل وحدة ترد فيكم
