الموضوع مغلق

كريمات البشره من الشركة السويسرية ( paul de vartens)مارايك بها؟/// قديم

السلام عليكم ...

اشتريت مجموعه كريمات للعناية بالبشرة من شركة سويسرية تقول ان منتجاتها طبيعية

اسمها بول دو فارتنس

من جربت منتجاتهم ؟؟

تقول لنا هل استفادة منها ؟

هل لها اضرار؟

6 تعليق 7,677 مشاهدة

شاركي في النقاش

سجلي الدخول لإضافة تعليق.

التعليقات

6
  1. @toad_222

    اختي انا شريتها واستعملتها شهرين متواصلين لازالة الكلف وبالعكس زاد واصبح واضح والكل يسألن هل أنتي حامل ؟؟ يعني كان بالسابق خفيف وبعد الاستعمال لمنتجاتهم ظهر واضح وكبير واخذت لوشن وجل غسول لكن مالها أثر ايجابي !!!! والحين تركتها وبدأت استعمال الليمون وزيت اللوز وارى النتائج مرضية مع بدايتها
  2. @aof_1

    صاحبة الموضوع
    نقل لتجربة احد الاخوات

    حبيت نستفيد من تجاربكم في هذا الموضوع..
    فكل وحده تحكي لنا تجربتها لمنتجات شركة تجميل اذا حصل
    وتستفيد من تجاربنا ^_^

    المهم انا بحكي عن تجربتي لـلشركة السويسرية Paul de Vartens السيئة جداً ..!
    وهذا موقعهم الرسمي/ http://www.paul-devartens.com/

    المشكله إن اسعارهم غاليه واعلاناتهم جذااابه .. والنتيجة اسواء من المتوقع
    يعني تتوقعين على الاقل جزء من اللي يقولونه لك..! وتسيء بشرتك أسواء من السابق


    لمن جاتني المندوبة السورية وهي كاشفه وجهها وبالكاد لابسسه العبايه ومتمكيجه وبالنظارات الشمسيه
    احنا بالعاده ماندخل بيتنا هالاشكال ..!
    استغفر الله تجيب الشبهه ..جالسه أدعي ان محد من الجيران يشوفها وهي داخله أو خارجه من البيت ..لايتوقعون شيء والا شيء ..

    المهم دقت وحده على جوال المندوبة وكانت واقفه بتوريني كيف استخدم المنتجات ( طبعاً بعد مادفعت وسجلت الفاتوره ) ..
    وبتقول لها: "إنتي دافعه 3000 ريال وباقي لك 1000 ريال متى مابتجمعيهم دقي علي" .. طلعت الاخت موضحه لها انو علاجها بـ 4000 ..
    حزنتني .. وربي كسرت لي خاطري .. دافعه مبلغ كبيير على الاقل مو قدي .. مع اني دافعه كثيير لهالشركه.. ادعي ربي انها تعطي نتيجة ولو بالغلط ..><
    وعلى فكره ..
    * من شروط هالشركه إنو ماتقبل استعادة المبلغ بعد الدفع ..


    ولايفوتكم ..

    سألتني المندوبة ..
    تقول لي : [ شو الصابون اللي بتستعمليه ؟]
    قلت لها : [ صوابين متنوعه استعمل بالخيار والحليب .. وعندي صابون الفحم "هذا ممتاز" وصابون بالليمون]
    قالت لي: [بتطلع رغوه؟ ]
    قلت لها : [ إيوا] << أكيد أجل شرايك يعني ؟
    قالت لي : [ يوووو هاي سيئة كتير لأنها تحتوي على مواد كيميائية تتفاعل مع المويه وبتكون رغوة .. فالصابون اللي بستعمليه مو طبيعي 100% ] << بصراحه ماقد شفت صابون بدون رغوة .. يعني شرايك أقعد وسخه مااغسل بصابون ..!
    قلت لها : [أها]

    بتقول لي ان الشركه منتجاتها طبيعيه 100% وهذي اكبر كذبه لهم .. سيئة ومعدمه للبشره ولو كان صحيح كلامهم كان مامر يومين إلا وخرب المنتج لأن الطبيعي ماينحفظ إلا بمواد كيميائية ..


    المهم إني إحدى ضحايا الشركه ا.. وأحذر كل من يتعامل معها .. لأنها بتكلف كثييييير و نتيجتها غير مرضيه أبدن..!
    لها 3 اشهر بينبع .. فحبيت تستفيدون من تجربتي "/


    والحين راضيه على بشرتي تمام الرضا ..

    ومابتعامل مع هالاشكال أبد .. ولو فيه شركه منتجاتها كيميائية وعلى الاقل فاعليتها حلوه بتعامل معها .. ولاهمني



    قال طبيعيه قال ..!









    بانتضار مشاركاتكم .. : )


    وسلامتكم .. ري

    _________________

تابعي تجارب أخرى من هذا القسم.