شاركي في النقاش

سجلي الدخول لإضافة تعليق.

التعليقات

3,000
  1. @slfy_1_1

    ام مودي وميمي
    يابنات امتي بتبدوء في الحفظ قولولي ؟
    كيف الحال يا عويله

    ام مودى وميمى من اليوم الحفظ حسب ما قالت ام محمد قالت توا نفتحوا موضوع الحفظ اليوم

    مرام كيف حالك وحال الصغار والكبار ما شاء الله بنيتك كبيره ربى يحفظهالك وتفرحى بيها وبالنسبه لصلاة ننصحك بمثل ما قال الرسول علموهم فى السابعه وضربوهم فى العشرة لو تكلمتى معها ونصحتيها ومصلتش اضربيها واحرميها من الهدايا ومن الطلوع لين ترضخ بدون ما تتراجعى وتسامحيها وهى مازال مبدتش اتصلى لان الوالدين محاسبين على تقصير ابناءهم كل راعى مسؤل عن رعيته
    تعرفى والله صدقتى نحس فيه راجلى عيى من دوتى وانا طول اليوم نشكى وكل ما نقول اه اينوض مخلوع ايقولى شنى توا ميبنيش انجيب توا لانه عنده امتحانات قالى صبرتى هالشهور كملى هالاسبوع
    وهدا الحال ياحنه

    نجيمه
    تعرفى الحال من بعضه حتى انا بديت ندوى هلبه اللى نحصل عليه يا حى عليه حى فى التليفون والا فى المسانجر لين ايقصوا عليا وايقولولى باهى توا باش ننفش ونسكت وبعد ما نصكر انحس فى روحى داويه هلبه لين نتحشم من روحى الله غالب علينا من هم الغربه


    عيونى اليوم قلت خلى نمشى نكتب واجبى بكرى باش ميتركمش لكن فيها فيها ولا شغل الطباعه تعرفى من بكرى وانا نكتب ماشاء الله هدا اللى ينفع بينا فى هالغربه
    شنى معاش فى رشيته كيكه حويجه

    مصباحى
    تعرفى اختى توا هى فى منشستر وبعد 3 اسابيع محوله الى مدينه تانيه قالت قريبه من مانشستر بلكش تطلع نفس المدينه توا نسالها شنى اسمها
  2. @slfy_1_1

    سلفية 1
    كيف الحال يا عويله ام مودى وميمى من اليوم الحفظ حسب ما قالت ام محمد قالت توا نفتحوا موضوع الحفظ اليوم مرام كيف حالك وحال الصغار والكبار ما شاء الله بنيتك كبيره ربى يحفظهالك وتفرحى بيها وبالنسبه لصلاة ننصحك بمثل ما قال الرسول علموهم فى …
    غاده سلمك نشاده حالى الحمد لله باهيه وعلى قولتك شكلى لين بنكمل شهرى
    خيرك هالايام مهبيه شويه وين النشاط والحيويه
  3. @mraaaaaam

    سلفية
    كيف حالك ان شاء الله باهية والله ضحكتينى لما قلتى على كثرة الدوة والله كنت هادية وما نحبش كثرة الدوة وليت على قولتك لين نتحشم وريقى لين ييبس من كثرة الدوة تعرفى لما نتكلم انى وصاحبتى قريب نتعاركوا عالدوة كل وحدة مليانة كلام تبى تقوله لا لما مسيت لليبيا معاش حصلوا فيا طريق وانى ديمة نفتفت عوضت الحرمان متاع الغربة خخخخخخ حتى اللى خاطمة من قدام الحوش قريب نوقفها ونهدرز معاها على ما فرحانة والله الغربة شكلها بتهبلنا يا واقى علينا وديمة قبل ما نتلاقا انى وصاحباتى نقول ما نيش مكثرة دوة يعنى بالعربى بنرزن نلقى روحى انى اللى نفتح فى المواضيع
  4. @g_libya

    مرااام

    الحمد لله نحن بخير .... وانا مكسدة بروحي في الحوش توا مافي حد معاي

    و المعاشات والله مانعلم بيهم
    لكن اظن( مش متأكدة ) زادوا الحد الادنى لمعاشات الضمان لـ 200 دينار ( هههههههه تذكرت قرايتي لما كنّا نقروا في مادة اموال عامة )

    سلفية
    ربي يعينك ... ويعين راجلك وان شاء الله تخليه يكمل امتحاناته وهو مرتاح
  5. @slfy_1_1

    G Libya
    مرااام الحمد لله نحن بخير .... وانا مكسدة بروحي في الحوش توا مافي حد معاي و المعاشات والله مانعلم بيهم لكن اظن( مش متأكدة ) زادوا الحد الادنى لمعاشات الضمان لـ 200 دينار ( هههههههه تذكرت قرايتي لما كنّا نقروا في مادة اموال عامة ) س…
    مرام يا هدرازه ياحنه زادوا المعاشات وغلو البنزينه وبصكروا الجمعيات وبنقصوا من العماله كل مكان للازم يستغى على حد معين من الموظفين وهادى الاخبار تلقيها فى موقع اللجنه الشعبيه اللى اصير كله والقرارت تلقيها فيه انا منخشلاش لكن راجلى اتابع فى الاخبار اول باول وجى اسمع عليا
    :hahaha:

تابعي تجارب أخرى من هذا القسم.