ملف منتجات الرجيم لبنات الكويت

بنات اشرايكم نفتح ملف انحط فيه كل وحده شنو تستخدم منتجات خاصة بالرجيم من اكل من كريمات من اجهزة ويفضل من وين تشتريها

وراح ابدا بنفسي

بالنسبه للاكل طبعا الجمعيات مو امقصره

اشتري الجبن سلفايد كريم و سلايز جيز وايد حلو
البسكوت بسكوت
(جولون) اينن لايت بالنخاله وبدون لا ملح ولاسكر

المحلي الصناعي احسن شي كاندريل لانه ينحط حتى بالطبخ انا امعلمني عليه اخصائي تغذية بالمانيا قاللي انه اامن شي

كوفي ميت نستله الازرق اللايت مااستغني عنه بالكبتشينو
المربى في نوع بدون سكر صناعي اشتري من مركز سلطان راح اكتبلكم اسمه

يا الله كملوا على ما اتذكر الباجي:26:

13 تعليق 2,267 مشاهدة

0 0

شاركي في النقاش

سجلي الدخول لإضافة تعليق.

التعليقات

12

  1. @thlal_alkran

    يزاج الله خير يا راوند على هالموضوع الحلو

    انا ماخليت شي ما استخدمته بس ماكو اراده يومين وافج

    الحين ناويه على نص الشهر باشترك بنادي شامبيونز
    سنه علشان اضطر اسوي رياضه واتحسف واسوي رجيم

  2. @aaryb_1

    ظلال القرآن
    يزاج الله خير يا راوند على هالموضوع الحلو انا ماخليت شي ما استخدمته بس ماكو اراده يومين وافج الحين ناويه على نص الشهر باشترك بنادي شامبيونز سنه علشان اضطر اسوي رياضه واتحسف واسوي رجيم

    خوووووش موضووووع

    :)

    بالنسبة لمنتجات الريجيم

    ( 1 )
    لما طبقت الكيميائي...رحت ادور جبن خالي الدسم...
    وحصلته بمركز سلطان...وطعمه لذيييذ
    اسمه فيلادلفيا...في علبه...جنها روب
    بس انتبهي...ما تحصلونها بمركز الجمله



    ( 2 )

    لقيت بعد بمركز سلطان

    خبز خاص للريجيم..وتوست>>طلع شابوره
    المهم انه فيه اعشاب بحرية ..وصويا و....
    وكاتبين انه يصلح للريجيم وللسكري وللامساك
    وخالي تماما من الملح والسكر


    ( 3 )

    هم بعد بمركز سلطان
    :42:
    لقيت هوت تشوكليت...خاص للريجيم
    شحلااااته >>>شريته


    ( 4 )

    ......... بمركز سلطان
    زبدة...خالية تماما من الدسم..
    وحلا شي فيها انها سبراي...تهبل مع التوست>>>لاتطوووفج


    فيه محل...مخبز وحلويات وفطاير
    في حولي
    انصحج تروووحين له
    لقيت عنده خبز محمص...مقطع صغار صغار
    قالت لي الفلبينية انه للريجيم
    واحد مخلوط معاه بذرة الكتان..وواحد مخلوط معاه زيت الصويا
    طبعا اختج ما كذبت خبر...اخذت منه شووويه...اكلته وانا سايقه السيارة:22:
    طعمه لذيذ
    ولاحظت انه يحرك الامعاء


    و.........بعد عندي شغلات شكثررررر
    بس اتذكر ارجع لج

  4. صاحبة الموضوع
    ( عريب ) حبيبتي في انواع مضره ديري بالج من المحليات الصناعية وفي محليات ما تنحط مع الاشياء الساخنه تتفاعل الله يكفينا الشر

    بس اعجبتني سالفة الزبده السبراي بس اكيد ما اتسمن يا ويلج اذا سمنتني

    انا امس بادية رجيم طالب انشاء الله ينفع واقط 10 كيلو واصير سمبتيك عندي عروس شهر 3 بدلاتي لازم ادش مالي خلق مخاسير

  5. @thlal_alkran

    عريب شخبارج ؟؟؟

    عسى نزل وزنج

    وبعدين ما كملتي لنا موضوع السلكس سي مال البشره شريته وما استعملته كملي تكفين

تابعي تجارب أخرى من هذا القسم.