المتزوجة اللي زوجها يخونها، شو تكون ردة فعلج ؟

انا رايي انها ما تبينله انها حاسه بشي وتعيش حياتها طبيعية لانه اذا عرف انها تعرف بخيانته احتمال يتمادى ويكون الموضوع عادي عنده
فعلا هذي افضل طريقه لحل مثل هذي المشاكل

انا من رايي انها 1 تبين انها ما تدري لان المواجههالحين يمكن تدمر اكثر من انها تبني
2تستعين بالله وتدعوا الله وتنطرح بين يديه وتستغفرة وتطلب منه ان يصلح حاله فهو مقلب القلوب وحدة سبحانه
انا معك ميه بالميه بكل الي قلتيه


بدال ماتنصحينها تبتعد عنه في الفراش لايجيبلها امراض تقولين خاصة الفراش!!!!!!!!!!!!
استغرب من ردود البنات في موضوع الخيانه وكأن الموضوع عادي ومافي مشكله انا في نظري خيانه يعني طلاق مافي بعدها تفكير كل المشاكل ممكن يكون لها حل الا الزنى ماله حل الا الانفصال هذا رأيي ........

لا ياختي الزواج مو بهاالسهوله الوحده تتطلق من زوجها
وبعدين الخيانه مو بشرط انها تطورت للزنا الله يكفينا يمكن زله يمكن شكوك ماهي متاكده يمكن شافت شي واولته مو بشرط زنا واحنا عموما الحريم لونشوفه يطالع قلنا خاين
وانا معك لو كانت علاقه تطورت للفراش اكيد تحاولين الاصلاح وماتسكتين عليها واذا ماهجد ولعن الشيطان وقتها طلاق الله يبعدنا عنه
يابنات ترى الطلاق مؤلم مرررره بالنسبه للحرمه

طبشورة مكسورة



مشكوووورة اختي الغالية على الرد بس السالفة ما وصلت لحد الزنا والعياذ بالله هيه شاكة فيه لانها من فترة تلاحظ مسجات ومش دايما ويرد على المسجات فصديقتي شاكه انه يخونها بس ما توصل لدرجة الزنا

SARAB911

تسلميييين عزيزتي على رايج وانا معاج في الشي هيه من النواحي مش مقصرة معاه وهو بعد وايد مهتم فيها ويراعيها ومش مقصر معاها في شي بس سالفة المسجات اللي معذبتنها شوي اما تيلفون ويتكلم ما مسكت عليه شي لحد الان

بيكاتشو

اشكرج الغالية على الرد بس السالفة ما وصلت لحد الزنا لانها واثقة وعارفه الاماكن اللي يروحها الزوج
ليان الامل

عجبني ردج عزيزتي صدق الوحده مش على اي زله تطلب الطلاق لانه المجتمع الخليجي ما يرحم المطلقة الله يصلح بين كل زوج وزوجته ويبعد عنم بنات الحرام

شلون تقدر تكتم في قلبها

لو انا منها قتلته

يا بنات والله هذي مشكلة الكثير مننا

انا انصحها انها ما تواجهه .. تدرون ليش؟؟؟

لاني مرة حصلي نفس موقفها لاحظت على زوجي انه يكلم وحدةمن وراي هذا غير المسجات

وطبعا عملت نفسي ما ادري بس كنت ذكية....في كل مرة اجيب له قصص خيالية عن صديقاتي

وخيانة ازواجهم وراي في الموضوع... اقول لصديقتي والله لو مكانك كان فضحته وطربقت الدنيا عليه

وكرهته عمره وحياته وبعدين اترك له البيت

ومرة اقول سمعت الحديث عن الرسول صلى اله عليه وسلم<من زنا , يزنى به ولو بجداره>

يزنى: بضم الياء... اي انه ربي يردها في اهله حتى وان كان في جدار بيته<من عظم الموقف>

واللله يابنات كان يرتبك ويخاف مني ... بس لازم يكون ردك ديني حركي فيه النزعه الدينيه ولو من بعيد

من غير ما تبيني... وكان حريص اني ما اعرف

ولكن مرة حصل نفس الموقف... وصارحته وخاصمته.. قام قالي <طيب ايش عندك؟؟؟>

عشان كده اقول لا تصارحيه بس لمحي من بعييييييييييييد

والله يوفقكم