موالـــيد ديوانية الأحباء في الله .... حــياكم الله

مرحبا بنات

سامحوني على الانقطاع

انا في محنه ومحتاجه دعواتكم تكفون وربي انتم مثل خواتي

اليوم رحنا موعد لزوجي الدكتوره قالت لنا خبر روعناااااااااااااا

قالت احتمال عند زوجي مرض مزمن وصعب شفاءه والله لا يقدر الله لايقدر الله لايقدر في خطر على حياته

وتقول انها مو متاكده الحين راح تتاكد بعد شهر وتصورا الرعب اللي عشناه ذيك اللحظه

وربي انها اهون على زوجي وان اشد منه

دعواتكم تكفون حتى اهلي واهله ماعلمناهم وربي عايشين بحيره

وحاسه بخوف يقطع قلب زوجي

تكفون ادعوله يخليه لي ولبنتي

واسفه اذا ازعجتكم بهمومي بس وربي احسكم مثل خواتي

راح تقل دخلاتي لكم

اعذروني

قلبي مسافر

الف سلامه عليه اول ماقريت كلامك ماهان علي الا ارد وادعي لك
يارب تشفيه وتعافيه من كل شر واذيه ويارب ياكريم يطلع كلام الدكتوره ماهو صحيح


شوفي الامير سلطان سوا كذا عمليه في امعائه وصحته تحسنت كثييير بالرغم من كل ماقيل

اتمنى انك تدخلي موقع شفاء ابحثي عنه في جوجل للشيخ السدحان فيه رقيه شرعيه للحفظ والاستماع

ويقول في موقعه ان اكثر الامراض اسبابها عين وموثقها بادله

اتمنى لك كل خير وطمنيني عنكم دايما


اخواتي
نفح ولولو وغنوه ورورو وعبقوره ودمعه والغاليات كلكم سلامي لكم :)

يالله قلبي قطعتي قلبي من الصبح الله يشافيه ويعافيه ويطلع كلام الدكتورة مو صحيح ويخليه لك وللجادل ويعطيه الصحه و طول العمر.....
هوني عليه ياقلبي لاتحسسينه بالضيق وان شاء الله يخيب كلام الدكتورة تراهم يروعوووون ويحطون لك اسوأ الاحتمالات قلوبنا معك ودعائنا الصادق لك وان شاء الله مايصير الا كل خيييييييييييييييييييييييير
طمنينا عليه قلبووووو ..وكلما حسيتي بضيق اشبكي النت وفضفضي لنا وراح تلاقين ان كلنا معك بالدعاء والمسانده ولاتخافين الله معكم وان شاء الله نسمع اخبار حلووووووة قريب
راعيه مبدأ هلا بك ياعيوني معنا ....

يابعد عمري ياقلبووووو قسم بالله انه ضاق صدري ضيقه مب طبيعيه

بس انتي لاتضيقين صدرك ابد انا متاكده ان كلامها كذب بكذب

بعدين ياعمري المرض المزمن مو معناها نهاية الحياة

معناها ان الانسان عايش وسعيد ومبسوط بحياته بس ياخذ علاج

شوفي انا عندك اكبر مثال للمرض المزمن الله يبعد عنكم كل مكرووه

واول مادريت ضاق صدري وزوجي انهبل وخلاص قلنا مانبي عيال ونبي نكمل حياتنا وبس

لكن الحياه مستمره وانا راح استمر على علاجي مدى الحياة بس الحمد لله

احمدي ربك ان ربي راحمنا ومقدم لنا العلاج تخيلي لو عندنا هالامراض بدون اطباء او ادويه

وانا متاكده ان كلام الطبيبه مب صحيح وانصحكم تروحون لطبيبه ثانيه وتشوفون وش تقول لكم

ترى لكل طبيب وجهة نظر

وهي دامها مو متاكده لو هي شاطره ماقالت لكم من الحين احتمال كان انتظرت وماقالت

يعني الحين يوم قالت وش استفادت تبي تغير مجرى الحياه ولا تبيكم تستعدون

الا ماعندها ماعند جدتي حطوها على جنب بس وروحوو لدكتور ثاني وتوكلوو على رب العالمين


والله يشفيه ويخليه لكم ويحفظه من كل شر ويبعد عنه كل مكروه
ويطمن قلبك عليه ويوسع صدوركم يارب