يا ريت اللي من ليبيا اتخش

دات الهمة
كيف حالك انتي والعويلة انشاءالله كويسين

قرين ستار

كيف حالك انتي وبنتك انشاءالله اكويسين

امواج البحر

سلمك نشادة والله هالصغار مايكبروا لين خلاص ، والله يعينك انشاءالله

السلام عليكم
كيف حالكم وحال صغاركم ولباس على المرضى يا رب بالشفاء العاجل
بالله عليكم ابعتولي طريقة العصيدة ما نعرفش انديرها

السلام عليكم ورحمة الله وبركاته

امواج

كيف حالكم ياحبيبة او حال الصغيويرة ان شاء الله بخير , يعطيك بزين انتي مش عصيدة ويارب يعطيك علي قاس نيتك
ام محمد
كيف حالكم او حال الصغيويرة ان شاء الله بخير

ليبيا قلبي

كيف حالك و ان شاءالله تكونوا بخير

سلفية

كيف حالك وحال الصغويره ان شاءالله تكونوا بخير , او وينك معش بنتي شكلك ماتكوني الا عملتيها
ربي ينوضك بالسلامه انتي والبنوته ان شاءالله

حياه حلوة

كيف حالك انتي واماليك ان شاءالله تكونوا بخير , وان شاءالله ربي ايوفقك
عيوني سهارئ

كيف حالكم ان شاء الله تكونوا بخير انتي والصغار

تقربصتي

كيف حالكم ياغالية وحال السنفورات ان شاءالله تكونوا بخير وغير كان تقوليلي شنئ معني اسمك بيش نبطل اتقصقيص؟ تعرفى ...انى اسمك ديما حايرة فيه وما نعرفش نقراه

غادة

كيف حالك انتي وخطيبك
مرام

كيف حالك وكيف حال الصغيويرة , ان شاءالله بخير
امشيمشة
كيف حالك او حال الصغار ان شاء الله تكونوا بخير
هناء

كيف حالكم او حال الصغويره ان شاء الله بخير

ام مودى وميمى
كيف حالك انتي والعويلة وشكرا لانك سهلتي علي الرد لاني ناسخة ردك وطايحة فية لان حقوق الطبع لمشيمشة
قود لايف

كيف حالكم او حال وليدك ان شاء الله مابيكمش او وينك مغطسة

ذات الهمة

كيف حالكم ان شاءالله تكونوا بخير و انشاء الله ربي يرزقك بعيل من حيث لا تحتسبي

ام الاء

كيف حالكم او حال ءالاء ان شاء الله بخير , وان شاءالله لاباس عليها وعين وطارت

اريام الحنين

كيفك وكيف الاولاد ان شاءالله تكونوا بخير

ليبية100 100

كيف حالكم او حال الصغيويرة ان شاء الله بخير

اللهم اشفي جميع مرضى المسلمين شفاءلا يغادر سقما
ومتعنا بنعمة الصحة والعافية

[ حقوق الطبع والنشر لمشيمشة لاني خانبة ردها ]

السلام عليكم ..جميعا وياسر من الكيف حالات ..؟؟هههههه الرسالة اللى فاتت خصصتها للكيف حالات
وهدى للتهدريز ...مع انكم خلاص وليتو اكسايدية ومعاش زى قبل بديتو اتغيبوا هلبة هلبة ...اليوم انى درت الغدى مكرونة فى الكوشة وقريب انحرقت وانى لاهية فى التفتفيت هدا ادهبتولى شيرتى وانى من قبل ماشاء الله عليا ...تعرفوا على الدوة نعطى اعيونى وكان نقعد يومين بلا دوة تنبت لى شجرة فى راسى ...لما جانى خوى هنايا انقولله خيرك ماتهدرزش ..؟ ايقوللى انتى مكفية واموفية ...ما خليتيلى فرصة باش ندوى ...ديما انقول يا بختهم الرزان ...ربى ان شاء الله ايثبت علينا العقل والدين
تعرفوا اهنايا ما فيش ليبيين هلبة ...قاعدة بروحى وخلاص ....يمكن فى الصيف ان شاء ربى انروحوا
امس بنتى النهار كله وهى راقدة من الساعة 3 وبعدين ناضت الساعة 3 فى اعقابات الليل وتبى الضى
وتبى من يلاعبها وانى النوم مستولى عليا ...انهز بيها لقيت نفسى راقدة وهى مازال بتهيج وتوا اونها راقدة اتكس فيه ما شاء الله ...وانى لما بنرقد فى الصبح ولا ما خلتنى وهى تنقنق ...لين نضت وخلاص قلتلها اقعدى فيها ولما انى نضت هى رقدت ...بنتى ما تبينيش نرقد هدى هى الحقيقة اللى اكتشفتها مؤخرا ....الله غالب
تعرفوا نبى نسألكم ...والنبى اللى تعرف طريقة الكعك الحلو اتقوللى عليها لكن نبيها بالطاسة مش بالكيلو ...{{ايساسى ومتشرط ....ههههههه}} غير عندى الأمونيا امكدسة وما عمرى درت بيها حاجة مش تنبلة ...لكن ما نعرفش اندير بيها حاجة ....انى ندير فى كيكات وبسبوسات لكن الحاجات متع التكعبير ما نديرش فيها لأنها تبى وقت ...وانى عاد { احم احم ماعنديش وقت } الا ...للنت ههههههه

عدنا... والعود احمد ...خلى انقوللك طريقة العصيدة يا almsbahi
بنقوللك طريقة ساهلة لأنى حتى انى كيف اتعلمتها { والدوة بينى وبينك ..} ردى بالك اتقولى لحد من المنتدى راهو كلهم فنيات فى الطبخ وشيفات ...ههههه المهم هدى طريقة لشخص واحد فقط او لأثنين لكن ماياكلوش هلبة ...لازم ما ياكلوش هلبة ...واليكى الخطوات
المقادير : طاسة دقيق ابيض ــ او اذا تحبى دقيق الشعير خلطيها يعنى ربعها شعير والباقى دقيق ابيض
طاستين مية ـــ شوية ملح اذا تحبى الملح ـــ مغرف او كاشيك لوح مفطح ـــ طنجرة
الطريقة : تاخدى الطنجرة وتحطى فيها طاستين المية والملح وحطى شوية زيت { انسيته فى المقادير }
ملعقة بس ...خليهم يغلوا وبعدين نقصى طاسة المية على جنب ...ونحى الطنجرة من النار وبأقصى سرعة عندك صبى الدقيق خلطيه بالمغرف او الكاشيك بسرعة ...وشدى الطنجرة بالكيفية اللى تريحك
واعجنيها بحيث لايكون فيها ولا كركوبة ...يعنى مسبوكة كويس ...وبعدين خودى طاسة المية اللى خليتيها على جنب وصبى نصفها فى الطنجرة ورديها عالنار وخودى المغرف وفترشيها العجينة من بعضها بالمغرف ...لين تنزح المية كلها وبعدين اطفى النار واسبكيها ثانى ...وخلاص حطيها فى صونية بعد ما تدهنيها بالزيت {الصونية } وكركبيها ...وصبى لها الزبدة والرب او العسل ...وتاكلو بالهناء والشفاء ... وهذى الكمية متصرفش هلبة للى بيتعلموا ...يعنى حتى وكان ما جتش معاك من الأول باهية عاودى والا ما تضبط معاك بعدين ... واى سؤال انى جاهزة {{ اللى يسمع ايقول معلمة فى الطبخ }} ههههه وخلاص اعييت وعيونى قريب يطلعوا ....
مع تحيات الشيفة القديرة والخبيرة
انجيــــــــــــــــــمة