شاركي في النقاش

سجلي الدخول لإضافة تعليق.

التعليقات

3,000
  1. @ttm

    أم مودي وميمي

    كيف حالك وحال العويلة شن بتروحوا انشاءالله ربي يسهل عليكم وتروحوا

    والله هالغربة شينة الواحد لايحضر مناسبة لافرح لايشارك اهله وناسه في شئ

    الحمدلله علي كل حال

    والله ماتستاهل انه الواحد يقعد فيها ديمة بلاد كفر وفسق والواحد مايأمن علي روحه ولا علي صغاره

    اني ننصحك انكم تحولوا لمصر اهو بلاد مسلمة اذا كان الاقامة برة ضرورية بالنسبة لزوجك في عمله
  2. @am_mody_omymy

    tt.m
    أم مودي وميمي كيف حالك وحال العويلة شن بتروحوا انشاءالله ربي يسهل عليكم وتروحوا والله هالغربة شينة الواحد لايحضر مناسبة لافرح لايشارك اهله وناسه في شئ الحمدلله علي كل حال والله ماتستاهل انه الواحد يقعد فيها ديمة بلاد كفر وفسق والو…
    كيف حالك انتي والاء وباهي لقيت من يهدرز عليا ويحنا الغربة اخيه عليها يكفي لما تسمعي خبر مش كويس شني يصير فيك والله اني كرهتها كندا من لما وصلت وقعدة مستقريتش يعني ليا اعشرة ايام ونسمع بخالتي الصبية توفت بعدي وهي تعتبر صاحبتي قريب هبلت والله هالموقف خلانني نعاود التفكير في ها الموضوع
  3. @ttm

    عندي طلب منكم لوسمحتوا اذا وحدة منكم عندها طريقة اصابع الكورن فلكس لي فترة خاطري فيها

    اني لقيت وصفة لكن من ضمن مكوناتها حاجة اسمها بودرة الكستردة والله الحق معرفتها خاصة في هالبلاد

    وفي حاجة ثانية .......... المنياكة امتاع الكعك الحلو شن يقولولها زعمه هي البيكن صودا ولي لا
  4. @ttm

    والله الحمدلله صحتنا كويسة والله عندك حق والله الا اخيه عليها

    لكن وش ينفع الندم ........ سلامة راسك انشاءالله في خالتك انشاءالله خلفتلكم البركة

    حتي اني عندي خالتي في كندا قبل عام ونص
    تقريبا مرضت جداي وقسيت والله مسكينة قتلهم ماتقولولها الله يرحمها الا لما توفت قالولها وقريب هبلت وقعدت يومين موصلتش حتي الجنازة ماحضرتهاش

    اني وقتها مازال علي عرسي 5 شهور والله تأثرت هلبه خاصة لاني انحبها هلبه جداي الله يرحمها:(
  5. @aaml_hyaty

    greenstar
    عدنا... والعود احمد ...خلى انقوللك طريقة العصيدة يا almsbahi بنقوللك طريقة ساهلة لأنى حتى انى كيف اتعلمتها { والدوة بينى وبينك ..} ردى بالك اتقولى لحد من المنتدى راهو كلهم فنيات فى الطبخ وشيفات ...ههههه المهم هدى طريقة لشخص واحد فقط او لأ…
    شكرا على الطريقة هكي نبيها ساهلة لكن قالت ام مودي بتطلع نية خايفة انديرها يلكزها على وجهي لكن توا نعاود نطيبها ونديرها ونقولك شن صار معاي يا بيها كلاها يا اما الكناسة حشاك تجيبها
    عموما شكرا وانا اصلا نبي مقدار صغير لي راجلي بس

تابعي تجارب أخرى من هذا القسم.