السلام عليكم ورحمة الله وبركاته
مبارك علينا التجمع الجديد وان شاء الله يكون فاتحة خير علينا
ام محمد
ما شاء الله بارك الله فيك ويعطيك الصحة والهنى على الجدول ومجهود تؤجرى عليه باذن الله
وان شاء الله ربى يقدرنا على الحفظ
اللهم اجعل القرآن الكريم ربيع قلوبنا ونورا فى صدورنا وأنيس قبورنا وشفيع لنا فى يوم القيامة
أمواج
كيف حالك يا حبيبة ان شاء الله تكونى طيبة انت وعويلتك ومولى بيتك والله حتى انى نفرح لما نشوفك كاتبة رد سبحان الله الارواح جنود مجندة والله انى احبك فى الله
عيونى
كيف حالك يا غالية ولا باس على حناك ان شاء الله ماعندها سو يارب والله هى الغربة قلق ويزيد لما تسمعى عن المرض ان شاء الله تسمعى عليها خير يارب وبالنسبة لسؤالك والله شن بنقولك انى مش متأكدة من اسم الحجر بس يتهأيلى اسمه" آقوا ماريا "وهما هلبة قداش بتحفظى فيه الياقوت الاخضر وفيه التوباز السماوى ويشبه آقوا ماريا وفيه الزمرد وفى البرازيل قرية اسمها كرستالينا مشيتلها
وهى مشهورة بالاحجار الكريمة وسبحان الله حتى من الرشاد اللى نمشوا عليه مش عادى فيه لمعة وابيض تقولى لولى
سلفية
كيف حالك حبيبتى ولا باس على شابنيك ورويجلك صخفنى ربى يصبره والله ما فيه اغلى من الوبى
ربى يشفيه ويهنيكم يارب وتنوضى بالسلامة
حياة حلوة
ما شاء الله عليك فالحة ونص خير ربى يوفقك والتورتة روووووعة تسلم الايادى والحلو ما يدير الا الحلو
امو مودى وميمى
كيف حالك وحال صيصانك ان شاء الله تمام ربى يباركلك فيهم
المصباحى
كيف حالك ان شاء الله بخير
قود لايف
كيف حالط ان شاء الله بخير
دات الهمة
كيف حالك وشن جو ليبيا ان شاء الله كل اهلها بخير يارب وربى يشفيك ويفرج عليك
ليبيا قلبى
كيف حالك ان شاء الله بخير
gليبيا
كيف حالك ان شاء الله بخير
هناء
كيف حالك ان شاء الله بخير انت وعويلتك
قرين ستار
كيف حالك ان شاء الله طيبة وما شاء الله عليك هدرزتك تحل العين المغمضة بالذات حنى اللى فى الغربة مستاحشين الهدرزة هادى ياريت تكترى دوة خخخخخخخخخخخخ رانى منسجمة عالاخر وانى نقرالك
تقربصتى
كيف حالك وحال بنياتك ان شاء الله تمام ما شاء الله 4 كيلو ونص مش شوية باهى معليشى بنسألك شنى الريجيم وكم ليك اديرى فيه وديرى فى رياضة ولا لا وانت ترضعى صح >>>>> شكلى كثرت على ما وصونى
مشيمشة
كيف حالك يا غالية وحال العويلة كلهم ان شاء الله بخير
باقى البناويت ان شاء الله تكونوا بخير وصحة وعافية وهنى يارب
اما عنى الكساد واخد فيا حصة مرات قريب نشرك شلاتيتى من الكساد والروتين انوض الصبح نفش غلى فى الماكلة ونقول بندير ريجيم خخخخ وبعدين نقعمز عالنت طبعا هادى الرياضة متاعى وبعدين ندير الغدى على مضض >>> حلوة الفصحى ومش هكى بس طبعا يتخلل هذا نحمم ولدى ونبدله ونرضعه ونرقده ونساير ولدى حمودى 4 سنوات ونفطره ومرات يشرط عليا نتفرج عالرسوم ونتفرج معاه وراسى قريب ينفجر من دوشة الرسوم وبعدين نتغدوا ونبدا اناشب فى راجلى نبيه يهدرز فى قولة هدرز وهو عاد يسكت مرة وحدة تقول يعاند وهدوكا الصغار قرينى وواحد وقعيلى ووووو روتييييييييييييييييييييييييييييين يدره الكبد >>>>>>معليش شكلى صدرتلكم منه شوية سامحونا ما عنديش غيركم نفضفضله على راحتى يا حناتى راجلى ديما يبينى هنية رضية يعنى حتى قريب نتبلغم يبينى فرحان ومبسوطة ويقولى شن ناقصك اخخخخخخ كان يعرف انه تقعميزة بحدة اميمتى خير من الدنيا وما فيها لكن شنو عندنا غير الصبر ونعدوا فى الايام ونقولوا يالله
ومع هذا ياريت يخلوك فى حالك من غير مشاكل ما تلقى الا اللى يلوح فى الكلمة تقعدى حاصلة فيها
شكلى طولتها وهى قصيرة
الله المستعان والحمد لله على كل حال
~: : :OoO «-.¸¸,.-~*تجمع أحلى صحبه ,,,بنات ليبيا "التجمع الثانى" *~-.,¸¸.-..OoO: : :~
متابعة النقاش، صفحة 4