شاركي في النقاش

سجلي الدخول لإضافة تعليق.

التعليقات

406

  1. @rmayh

    موضوعج روعه

    بس تدرين عندي افكار وودي انفذها بس دوم اقول الشهر الجاي ببتدي وتمر شهور ولاسويت شي

    ومشكلتي الثانيه محد عندي يساعدني بافكاري ..اوكي ممكن يتحمسون لها لحظتها بس مافي تنفيذ

    المشكله الثالثه احس اني اصرف على اشياء انا ماستخدمها ...يعني شي عجبني واتحمس اشتريه وبعدين انساه

    ودي اترك هالعاده

  2. @yasmynth

    السلام عليكم ورحمة الله

    قرات موضوعك ومشاركات البنات كلمة كلمة
    فعلا الواحد لازم يعيد حساباته ويعرف كيف يتحكم بمصروفه وفي وين يصرفه

    وانا حاليا توني ابتدي اسوي مشروع وان شاءالله ان شاءالله ينجح "ادعوا لي يابنات"
    اول مره اسوي شي ...واذا شفت في فعلا فايده من المشروع راح اكمل ان شااءالله

  4. @dohasoul

    منيرة بنت السعودية
    يعطيك العافيه عالموضوع الجميل ,, و النصائح الاجمل تسلمين الله يعطيك العافيه



    ماشا الله عليكم .. الكل متحمس // اللي بدا الله يوفقه ( أنا منكم ) واللي مابدوا يشدون الحيل لأن الوقت ماينتظر ... وترى النجاح حلو

    الله يجازي أختنا بنت الدوحه خير على نصايحها لنا

    :26:

  5. @bnt_aldoh2000

    صاحبة الموضوع
    هلا مليووووووووووون خواتي الغاليات :42:

    والله فرحت لما شفت التفاعل الحلو وبالتوفيق بنات

    دوحة سول يا حبيلك والله متابعة موضوعي جعلني ماأخلى منك:26:

    أم البنات تحملي أنتي الحين في منزلق الخطر الحين نص فلوسج ضاعوا شتنطرين؟؟

    عموما أول خطوة تسوينها ألحين تروحين البنك من بكرة وتحطين فلوسج وديعة

    وعقب مخمخي على الكتب والمنتديات لين تلاقين الفكرة اللي تعجبك وتحسين نفسج راح تبدعين فيها

    وعقب أبدي مرحلة التخطيط ودراسة الجدوى

    بعدها تقدرين تفكين الوديعة وتبدين أولى الخطوات لمشروعك الناجح بإذن الله

    رماية حبيبتي لازم تزيدين قوة الإرادة عندج ....حتى اللي حولج مب متحمسين لأن أنتي نفسج مب متحمسة للفكرة ومحسستهم أنها أي كلام..

    بقولج قصة وحدة أمريكية أقترحت على زوجها أنها تكتب كتاب عن طريقة عمل الأشياء اللي حولنا

    قالها زوجها أنها فكرة سخيفة وقالتلها أختها محد راح يشتري الكتاب أصلا!!

    بعدها بشهور قليلة صدر كتاب عن نفس الفكرة وتصدر قائمة أكثر الكتب مبيعا وكانت مبيعاته بالملايين

    فكانت هذي المرأة تتحسف كل يوم لأنها ما عزمت رايها وأستمعت للي حولها!!!!!

    أتمنى تاخذين العبرة وتبدين خطواتج العملية للهدف خاصة أني حاسة أن لج أفكار حلوة...

    ياسمينته

    الله يوفقج يالغالية وبشرينا بالنجاح قريبا إن شاء الله..

تابعي تجارب أخرى من هذا القسم.