هل جربتي تطبقي أساليب برنامج (سوبر ناني) في تربية عيالك؟...خبرينا كيف...؟...
أنا من محبي متابعة (برنامج سوبر ناني):04: عل قناة MBC4 أكيد كثير منكم تابعتوه أو سمعتوا عنه..وبصراحة أفادني هذا البرنامج بالكثير الكثير من التعليمات و الوسائل الحديثة في تربية الأطفال و تعويدهم عل السلوك الصح وتهذيبهم و بالأحرى تعديل سلوكياتهم...وذلك من خلال الحوار الهادف و الإستماع لهم والإصرار عل السلوك الصحيح حتى لو ياخذ منك الوقت و الجهد...والبرنامج تطبيق عملي لهذه لأساليب واللي يمكن يتضمن بعض القواعد اللي أشارت لها الأخت elms في موضوعها (برنامج تعديل السلوك...) بالرابط و ما رضى يفتح معاي للأسف:(
خلاصة متابعتي لبعض حلقات البرنامج السبوعي شفته يتلخص أساسا في النقاط الأساسية الهامة لتعديل وتهذيب سلوك الأطفال ولالي المفروض نخليها في الحسبان قبل ما نبدأ في البرنامج (طبعا من ملاحظاتي و رأيي):
1) عالوالدين الإتفاق التام في أسلوب ومنهج تربية عيالهم ويكونوا عالنفس الخط وليس في تضارب فالأفكار...يعني مش واحد يقول لا والثاني في نفس الوقت يقول إيه ( عااد ما كوكتيل لغة خخخ) وإل اما سوينا شي بالعكس الطفل يتذبذب ( كأنه عاد أسلاك ) وما يسمع لأحد و يفشل البرنامج كامل!
2) عالوالدين الإصرار و الإصرار في تعديل السلوك اللي يشوفوه خطأ وما يتأثرون لا بصياح ولا صريخ العيال وحتى لو خذ منهم جهد و تعب ..بس مع الإصرار والتكرار بيصير الطفل ..........(كملوا عاد بو يعجبكم )...وما يتساهلون ويرجعوا لوراء .........
3) التعويد من بداية تعليمهم أي شي عالطريقة الصح وليس بالتدريجي يعني يبدأو يتساهلون و يتساهلون و بعدين يشدوا......لا ....أسهل تعلم الطفل علسلوك معين من تعديل ذاك لاسلوك زززوعل قولتهم ( قص صبع ولا تغير طبع).....بس نحن إنشالله بالمحولة الجادة و الصحيحة بنغير الطبع وبدون ما نقص صبع
4) تفهيم الطفل كل شي أول بأول وليش تبيه يسوي كذا أو يتبع أسلوب معين...وتكافإيه إذا نفذ إرشاداتك و تشجعيه ...وفالمقابل معاقبة عند الخطأ أو العناد (بس هاللله فيهم يعني حاجة خفيفة تناسب عمره وتأثر فيه)...مثل ما يشوف رسوم معين يحبه!!!
...........إممممممممم عاد اذا تذكرت شي بخبركم لاحقا.....
أما الأشياء اللي طبقتها مع عيالي من مشاهدتي هذا البرنامج ونجحت ولله الحمد:
- تعويد الطفل بالنوم المستقل في سريره منذ الولادة ...حتى لو يقوموا باليل ويصيحوا أستحمل وأقوم أسكتهم و أرجعهم مرة ثانية سريرهم ...طبعا خذ مني وقت وجهد و تعب..بس مع الإصرار نجحت الحمد لله مع الكبير وخلاص تعود ينام بسريره وأحاول الحين أعود الصغير
- أصر أنه يعدل خطأه( مثلا لو رمى شي في الأرض أصر أنه ياخذه ويرميه فالزبالة حتى لو يصارخ وما يرضى بس أصر معاه بالتحايل و التفهيم والتحبيب لين يستسلم)....
- الحين جالسة أحاول أعوده ياكل وحده و يستغني عن الحفاظ يعني يطلب يروح الحمام عند الرغبة (عمره سنتين إلا شهر ) والحمد لله في تقدم ملحوظ....
- اللي أتمنى أقدر أنجح فيه معاه في تعويده أنه ما يلعب بأغراض البيت مثل التلفزيون أو الطباخة لما يدخل المطبخ ( وأدري أنه بيكون صعب بس بنحاول).
..............هذا بو أتذكره الحين وفبالي....إذا اتذكرت شي برجعلكم..........بس لو شفت تفاعل و مشاركات و تبادل إستفادة.........يعني ما تقرون وتشردون ...نبي نستفيد من تجاربكم..وحياكم