الموضوع مغلق

اول حلى من اختكم ام بندر

مساء الخير عليكن جميعا..

هذا حلى سهل مررررره ويحبونه الكبار والصغار واتمنى انه يعجبكم

وانكم تجبرون بخاطري وتجربونه وتردون علي..

((حلى البنات بتر))

المقادير

اصبع زبده(113جم)

ملعقتين بنات بتر ويفضل انها تكون خشنه

علبه ونصف بسكوت الشاي اولكر

علبه حليب نستله محلى مركز

للوجه:2جالكسي ساده+قطعه صغيره من الزبده

الطريقه

1-تذوب الزبده على نار هادئه في قدر صغير
2-يضاف البنات بتر ويحرك جيدا
3- يضاف الحليب المركز ويحرك
4- يرفع من النار ويوضع في طاسه كبيره نوعا ما ويكسر البسكوت باليد قطعا صغير ويخلط مع الخليط
5-يوضع الخليط السابق في صينيه
6- تذوب الجالكسي مع قطعه الزبده على حمام مائي او بالميكروويف وتوضع على شكل خطوط بالشوكه على وجه الصينيه
7-توضع بالثلاجه لمده ساعتين على الاقل قبل التقديم
8-تقطع مربعات وتقدم مع القهوه العربيه

وبالعاااااافيه:05:

7 تعليق 2,749 مشاهدة

شاركي في النقاش

سجلي الدخول لإضافة تعليق.

التعليقات

7
  1. @bnt_alaarb

    :26: يا هلا وسهلا فيك يا ام بندر ومشكورة على الحلا الرئع .:)
    وبانتظار المزيد من المشاركات .:18: :19: :26:
  2. هلا وغلا بأم بندر ومشكوره على هذي المشاركة الحلوه واكيد بجربها وبرد عليج ونتريا منج المزيد
    تحياتي ام ساااالم :27:
  3. هلا بيج أختي أم بندر .. :26:

    مشكوره على هالحلى .. شكله لذيذ:23: بس في شي ما عرفته وهو

    بنات بتر :30: :29: ؟؟

    ممكن لو سمحتي .. :34:

    تحياتي
    :02: :02:
    :02:
  4. @frh_1

    السلام عليكم:19:
    الاخت المحبه لله ,سارد على سؤالك وان كانت لقافه
    البنت بتر هو زبدة الفول السوداني
    وعذرا على اللقافه مرة اخرى لك ولصاحبة الموضوع اللذيذ ام بندر وسلمت الأيادي :05:
  5. @shms_1

    أهلا وسهلاَ بأم بندر
    وتسلم يداك على الحلا اللذيذ :27: :33: :26: :24: :05:
    *====*====*====*====*

تابعي تجارب أخرى من هذا القسم.