قصة ولادتي التي لم تكن عالبال
يوم الاحد بتاريخ 19/11/2006م جلست من النوم الساعه 9,30 صباحا ورحت على المستوصف علشان اتطمن على البنوته واول ما شافتني الدكتوره قالت لي انتي الى الحين ما ولدتي قلتلها لا طبعا المهم قالت بكتبلج تحويل على مستشفى الولادة قلت لها اوكي وعطتني ورقة التحويل ورحت المستشفى وجلست انتظر نصف ساعه الى ما جاء دوري وبعدها جات الممرضه واخذت الضغط ودقات القلب البيبي وبعدها جات الدكتورة وقالت شنو مشكلتك قلت لها اني متأخرة عن موعد الولادة وبعدها اسألتني متى اخر دورة قلت لها انها بتاريخ 1/2/2006 م وحسبت وقالت لي انتي متأخرة 11يوم وقالت بكشف لج وكشفت قالت في توسع 1,5 ونزل دم مع الكشف وقال لازم اكتبلج على تنويم لانج متأخرة طبعا انا قلت لها بطلع من المستشفى وبروح مستشفى ثاني قالت لاءما يصير تطلعين انتي متأخر ولازم تولدين قلت لها بطلع قالت خلاص على مسؤليتك قلت لها اوكي وقعت على مسؤليتي اني اطلع ورحت على مستشفى خاص وفتحت ملفي الموجود عندهم وهو نفس المستشفى اللي ولدت فيه عبود المهم هذا تقريبا الساعه 1,30 الظهر وجات الدكتوره وقلت شنو فيك قلت لها اني متأخرة عن الموعد وحسبت قالت ايوه انتي متأخرة 11 يوم وبعدها كشفت علي وقال في توسع 2,5 وقالت لي ما تحسين بألم قلت لها لاءيعني ما كاني فيني ألم والدكتورة مستغربه وحتى انا كنت مستغربه ان في توسع وبدون ألم صعدت على الغرفه وحطوا لي الحقنة الشرجيه وفضيت بطني وبعدها حطوا جهاز التخطيط وقالت لي فيج طلق بس خفيف وبعدها جذي على الساعه 3 العصر شالت الجهاز وخلوني وكان نفس الشي الألم خفيف وعلى الساعه 4,30 العصر جات امي وخالتي ام زوجي واخته وزوجي وبعدها جات الدكتورة اكشفت علي وقالت التوسع 3 وقالت لي بعد قليل راح ندخلك غرفة الولادة طبعا انا اقول تو الناس للحين ما فيني ألم قوي وحتى امي قالت بدري وبعدها جات الممرضه جذي على الساعه 5 وبتاخذني على غرفة الولادة وانا ما ابي اروح لان زوجي راح يودي امه البيت لان قالت اهي توالناس عليج المهم بالغصب خذوني ورحت ودخلت غرفة الولادة وحطوا علي جهاز التخطيط وركبت المغذي وبعدها حسيت ان زاد الألم وجات الدكتورة اكشفت علي وفي توسع 4 وبعدها وانا طبعا على اعصابي ابي زوجي يجي معاي وبعدها بالغصب دخل زوجي لان اهم ما كانوا راضين يدخل وبعدها زوجي طلب الدكتورة اللي ولدتني بـ عبدالله انها تولدني وجات الدكتورة على طلب زوجي وكشفت علي هذا الساعه 6 وقالت
التوسع 4 وبعدها وطبعا الألم يزداد وعلى الساعه 7 نفس الشي التوسع هم4 وقالت الطلق حقج بارد بحط لج طلق صناعي قلت لها اوكي حطي وحطت لي وزاد الألم اكثرمن الاول وكان زوجي طبعا يهديني وبعدها قلت حق زوجي ان شاء الله ماتجي الساعه 9 إلا وانا خلاص ولدت وبعدها على الساعه 8,25 اكشفت قالت التوسع 7 ما شاء الله عليج وهي دقايق إلا واحس اني ابي ادفع وطبعا دكتوره راحت وانا خلاص اقولهم بتطلع وجات دكتورة ثانيه وتشوفني قالت بسرعه نادوا على الدكتورة خلاص بتولد وطبعا صار كل شي بسرعه وجات الدكتورة تركض وقالت ما شاء الله عليج طبعا انا خلاص ابي ادفع وانا مالي شغل فيهم قمت ادفع وهم يجهزوني حق الولادة وصرت بعدها ادفع وزوجي يشجعني مع الدكتورة والممرضه وبعدها خلاص شرفت البنوته على الساعه 8.38مساء
والحمد الله كانت ولادة سهلة ....
قصص ولادات ((منقوله))
متابعة النقاش، صفحة 3