(تجارب المطلقات) دعونا نتشارك بمعاناتنا واراءنا وتطلعاتنا لبناء مستقبل جديد

نقطة ثانية:


اللي يخونك في أول سنة... بيظل طول عمره يخونك...

ما راح ينفع فيه شئ... تدرين درب الخيانة وين يودي... أنت ممكن تسترين وتطنشين وتحطين نفسك ما تدرين... بس بالنهاية يتوصلين لمرحلة تصيرين أنتِ تدمرين فيها ذاتك... بتبدين تنبشين عن عيوبك بنفسك.. وتقولين لنفسك معاه حق... من يتحملني أنا؟ ولا معاه حق من يحبني أنا؟ولا من بيناظر فيني أنا؟

بتدخلين بنفق طويل ومظلم... يمكن تطلعين منه ويمكن لأ...


وبعدين أسمحي لي رده عليك قمة البذاءة! وأنتِ حطيتي نفسك في موقف بايخ...
الرجال ما أقتنع فيك.. ولا ما كان خانك وأنتِ عروس... وإذا الله كتب عليك الطلاق فهالمرحلة فهي خيرة...أحسن ما تصبرين لك كم سنة وتجيبين كم طفل... وبالأخير تقعدين تصارخين زي المجنونة وتقولين طلقني!

لحاق المقفي خسارة!


وما أحد بيخسر في جميع الأحوال غيرك... الحين ولا بعدين!

لا تدورينه ولا تركضين وراه... وإذا علي النسيان والمثل الغبي اللي كان يقول لك إياه ... أحب أقول لك إن البنت تنساه وتنسي أبوه بعد...

اهلا اخواتي العزيزات
الله يرفع من قدرنا ويصير حظنا يطمر الشجر
حبيباتي
اختي بلسومه مكرمه حبيبتي ومشكوره على الدعوه الحلوه جميعا"
بلسومه ولين
ما عندي إلا ولد
أنا ولدي عمره سنه وسبعه شهور ما شاء الله مثل القمر
انفصلت تقريبا" من أربع شهور صار لي ثلاث سنوات متزوجه وما عشت مع زوجي إلا شهور بسيطة يعني طوال هذي المدة وأنا معلقه وطول فترة حملي وأنا بعيده عنه ولدت كمان وخلال هذي المدة جاء أبو ابني وراضاني بعد إلحاح وترجي
انو راح يتغير وتقريبا عطيته فرصتين لا كن أبو طبع ما يغير طبعه
إلى أن جات الحظه الحاسمة وطلبت الطلاق قدام أحد من أهلي أهله
وطبعا عزت نفسه أكيد بتخليه يطلق لانه يقول لاهله ماني مطلق إلا اسمعها منها
وطلق بلفظ والحين يكلم أمه يقول توسطوا لي عندها لكن هيهات هيهات
أنا احب نفسي واحب أن عقلي ما يختل

اختي انوسه
وصل سلامك واعتقد انتي عند شيخ الحرم ترى ولدي يسلم عليه
تقولي كثر العتب يزيل المودة
أختي أنا ما كثرت عتب لكن أنا من جد كنت أبنسحب وأنا زعلانه
أنا جديده عليكم ولسى ما أخذت معكم وأعطيت
وما شفت منكم تجاوب وخصوصا في الاسئله لاني كنت محتارة
وقلت ما احب أكون ضيفه ثقيلة عليكم
واتنوا تعود توا على بعض
الأخوات يردوا على بعض وانا قاعده اكلم نفسي
صادف يوم الأربعاء وكانت نفسيتي زفت
وبعدين أنا لو حتي عاتب ما فيها شي انتي كذا خوفتيني يعني حاسه اني ماراح اخذ راحتي وانا اكتب واشكي
وصراحه انا ما احب اكون مقيدة كرهت التقيد جاءتني عقده منه
بالعكس انا ضد المثل هذا
والدليل شوفي أقرئي لبعض الأخوات فيها عتب
وش معنى ما طبقتي هذا المثل الا علي
وبعدين انا اللي أقول لكي خلي روحك رياضيه
ولا تتنرفزي يعني لمى شفتي اللي كتبت الأخت رينا
بسرعه تنرفزتي
اهيا أكيد ماكان قصدها انها
(( لكن تنتقصين من معاناتنا وتصفينها بالتافهة....لأ!)) التمسي لها عذر قبل ما تحكمي ولا تصيري حساسه
رغم اني انا حساسه لكن الله يعين
يمكن خانها التعبير او ما عرفت تعبر عن شعورها
ويمكن تعتبر ان مصيبتها اكبر المصائب لأنها ماحست بالألم الموجود فيني وفيك وفي أي وحده من الأخوات
ماحست الا بنفسها
يعني أنا ممكن فيوم من الأيام حسيت اني اكثر وحدة شفت الظلم والاتهام من ابو ابني يعني تخيلي وحطي نفسك في مكاني فيوم من الايام زوجك يجي ويتهمك في شرفك ويقول انتي تكلمي وياخذ جوالك منك ويخزن فيه ارقام وانتي تعرفي انوا اهو اللي مخزنها ويقول هذا ارقام اخوياي وانتي تكلميهم واعترفي

وانتي مو عارفه كيف تبرئي نفسك ويقول طلعي الرجال الي معك ويدور حتي بالخزانة وأدراج وتحت الدولاب ويحوسك ساعتين الى خمس ساعت في اليوم
يعنى مره شوي ويقتلني من شكوكه ومن غير ارده منه وربي ما صار بين الموت وبيني ألا شعره
لولا لطف ربي
المشكلة انو يقو ل من شدت حبي لكي أسوى كذا أخاف عليك من الهوى الطاير وما احب تكوني لغيري

ثم يجلس معك ولاكن شي صار وعلى هذي الحال واشيا ما تصير في البال ولا الخيال وربي مره صار لي انهيار عصبي من الحيل والتهم والي يسويه فيني وماحد يدري عني لاني سكنت بعيد عن أهلي
وماتحسي بالامن والراحة النفسيه بابنات ترى الراحة النفسيه نعمه كبيره من رب العالمين مايحس فيها الا اللي فقدها وخصوصا في الحياة الزوجيه

يعني أتمنى انك تراعي شعور الآخرين وتراعي تفكير الآراء انها مختلفة ومو كل طريقة تفكيرنا وعقلنا ونفسيتنا وحده وهينا الملف وضع الى كل وحده مجروحة وممكن إننا نحتويها ونرجع لها ثقتها ونوقف معها بدل ما نحطمها
واعتذر على الاطاله

رينا تراك في مرحلة الصدمة وماتقدري تحكمي على شي
استناك بعد ثلاث شهور واشوف كيف بتصيرين والله لاتصيري احسن وحده فينا وتقولي لااطيقه ولا اغاه بس الصبر عليها يانات
اتذكر نفسي اول مرة دخلت الملف وقلت اغاه واحبه واغى ارجع له
اللحين لو اشوفه يزحف قدامي ما ايه والله انه حاول وكي وتقر بس خلاص انتهى
عدين ياماما استخدمي حكمتي المفضلة
هاكونا متاتا
حكمة نغمها لذيذ
هاكونا متاتا
انسى الماضي اللي يغيظ

ويانوسه طولي بالك ترى الدنيا فيها العجب
وربي مرت علينا اشياء احيانا لمن اجلس مع نفسي افكر اقول سبحان الله اللي رزقنا الصبر والقوة نتحملها
نصيحتي اللي اطقها واللي هي ولله الحمد سر من اسرار سعادتيي الهبلة انه لمن تقومي من النوم طالعي وجهك بالمراية وابتسمي ابتسامة عرررررررررررررررريضة وشوفي كيف تصير نفسيتك
رينا ياقلبي عزي نفسك حبي روحك ليه ذالة نفسك له ترى اللي في طع الخيانة مايطله سييك منه وربي يعطيك اللي ير منه واذا ماكان كات فأنت افضل حال بدونه 100 مرة
وعدين نسيت اقلك شي مين قال انه ممكن رجالنا مايحبونا انا اتذكر موقف من مواقف طليقي وهو يكلمني التليفون ويبكي ويقول احبك احبك ولاتسوي فيني كذا
بس ايش فايدة كلمة تنقال وفعل لا ويانة تشوفيها بعينك وتسمعيها بأذنك وتحسيها كل تصرفاتك
يعني ببساطة هكونا متاتا
وعيشي يومك
ترا الدنيا كلها ماتستاهل
تذكري اننا فيها كعابر سيل



كثرت كلام اليوم صح
وقال فيلسوفة الاخت تقول حكم

طيب
أولاً:
المثل اللي قلته لك كان مداعبة وللفائدة... إن حبيتيه ولا أرميه بالبحر! والدليل إني أرفقته بأبتسامة...

بالنسبة للأسئلة الملف قدامك... لو كنتي قريته... كنتِ عرفتي كل واحدة فينا وش شعورها وش قصتها ...إلخ... مو كل البنات عندهم الرغبة في إنهم يجاوبون علي أسئلة شخصية كذا لوحدة توها داخلة عليهم! لو كنتي أندمجتي أول بعدين وجهتي الأسئلة كان لقيتي تجاوب أكبر!

ممكن البنات لما ما ردوا أعتبروا إن المسألة فيها احراج ..فيها تهييج للمشاعر.. أي عذر.. وطالما فيه واحدة منهم ردت عليك فهذا مبرر.. ممكن يقولون لك فلانة ردت!

أما مسألة إننا متعودين علي بعض...فهذا جا من إننا نسأل عن بعض..نواسي بعض.. نحط أحياناً مشاركات نخفف عن بعض.. نشتكي...مو لازم مقدمات ورحبوا فيني...
أنا في الصفحتين ثلاثة اللي راحوا حطيت مشاركتين ما أحد علق عليها... ويمكن هالأسبوعين نفسيتي الله يعلم فيها... بس ما جيت ولمت البنات... خيار شخصي!

ثانياً:الأخت رينا حطت مشاركة... وأنا قرأتها ورديت عليها... وش فهمت من الكلام هذا خياري الشخصي.. ومثل ما أنا كان قدامي خيار ما تقصد وخيار تقصد وأخترت الثاني...
أنت بعد أخترتي من كلامي إني أهينك وأحطمك.. وأخترتي من عدم رد البنات علي أسئلتك إنها تجاهل...مع إنك كنت تقدرين تحسنين الظن!
:)

كلامي اللي حطيته كان ناتج من الألم اللي كنت حاسة فيه لما قرأت اللي كتبته.. وهي ردت علي ما قصرت- يعني تقدر ترد مو ضعيفة ولا جاهلة!

ومصيبة الأنسان إنه ما يشوف إلا معاناته ولا يشوف معاناة غيره! لأنه لو نظر لغيره وحس فيهم كان هانت عليه مصيبته...




النقطة الأخيرة بردك:

أنا ما أعتقد إني حطمتك بردي ولا الأخت رينا... انا رديت... علي الأقل تجاوبت مع كلامكم وقريته...

وإذا علي الجرح فحنا كلنا مجروحين... وكلنا محتاجين لأحد يحتوينا بنفس القدر..

وأنا مراعية مشاعر الجميع... يمكن سبب أنفعالي من رد رينا إني كنت الوحيدة اللي تكلمت عن أنكسارها وألمها!




:26: