~: : :OoO «-.¸¸,.-~*تجمع أحلى صحبه ,,,بنات ليبيا "التجمع الثانى" *~-.,¸¸.-..OoO: : :~

السلام عليكم
هناء
والله تقريبا حد من الاقرباء مافيش في جمراك لكن لو شئ ضروري نكلم عليه بابا ممكن يكون واحد من صحابه يشتغل في الجمراك وان شاء الله خير
اني في اليلا توه نساله
وربي يفرجه عليك
يابنات دعوالي غدوه امتحان النهائ

السلام عليكم

كيف حالكم اليوم

والف الف مبروك على سلفية البنية وان شاء الله تتربى في عز اهلها وربي يحفظها

امواج
لاباس عليكم ... وربي يشفي ولدك وربي يعاونك


عيوني
كيف حالك ... وباهي حناك حالتها استقرت ربي يشفيها ويفرحكم باخبار حلوة عليها
انا حناي اليوم قالوا لها عندها تشعرينة في العظم اللي بعد العصعص والعشية ان شاء الله عندها موعد عند الدكتور

ام محمد

كيف حالك اليوم انت وعويلتك ربي يسلمكم

انا اليوم حفظت من التكاثر الى البينة .... وامي سمعت عليّا قالت لي كويس
مازال توا نشوفوا شنو يصير يوم الامتحان

حياه
ربي يوفقك وان شاء الله بالنجاح


وسلامات للجميع

السلام عليكم ورحمة الله وبركاته ,,,
كيف حالكم اليوم فرداً فرداً؟
ما شاء الله نويشطات ,عينى ما تضركن
ايوه هكى نبوا الحماس والحفظ
أن شاء الله ربى يثبتنا كلنا ونختموا الحفظ ويثبته فى قلوبنا ويكون لنا حرز من النار ,,,
لو تستمرن فى كل 3 اسابيع نختموا جزء بأذن الله يعنى كان عطانا ربى عمر فى سنه نحفظوا المصحف تقريباً بس اشوى عزم وهمه ...
يا رب سخر لنا حفظ كتابك وقدرنا عليه وثبته فى صدورنا يارب ...

حياة قولى انتِ شنو يريحك فى التسميع وحاضر اللى تبيه انديروه المهم استمرى
وربى ان شاء الله ينجحك ومن الاوائل أن شاء الله ...

غاده لاباس على جديدتك بس ما فهمتش شنو تشعرينه فى العظم ؟؟؟

لا باس على كريم يا امواج هذا حال الجو هاليومين لما يتغير فيسع العيال ما يلقطوا العدوى من بعضهم
وبراو شطوره فى الحفظ ديما خليك هكى
أنا نعرف أن شانئك هو الابتر أنقالت على العاص ابن وائل لأنه كان يعجب فى الرسول عليه الصلاة والسلام (شانئك ) وكان ايقول انك يا محمد ابتر يعنى ذريتك بس بنات وما ايعيشولكش الذكور فقال ربى سبحانه وتعالى انه هو الابتر بمعنى مقطوع من رحمة الله ...

بس شنو حكاية الفيل محمود ؟ هذه ما نعرفهش
عندى شريط تفسير للاطفال وما فيش القصه

بس الشريط يحكى على سورة العصر وعلى فضلها ويحكى للاطفال انهم لازم يقروها كل ليله ...

هذا موقع الموسوعه روعه ومبسط بكل فيه التفسير
http://www.islampedia.com/MIE2/MainInter/default.htm



قرين ستار ان شاء الله لابس عليك وما اتخافيش
ممكن احيانا فى نص الدوره ايجى الالم هذا من المبيض ولو تدققى حتلاقى الالم هذا ايجيك كل شهر فى جنب مرات فى اليمين ومرات فى اليسار ويجى يوم التبييض وحتى الاطباء يلخبطوا بينه وبين الم الزائده الدوديه
وعدى للمستشفى ان شاء الله خير
عموما اطمئنى الامراض الخطيره ما يكونش معاها الم بس الامراض البسيطه او الحاده تكون مصحوبه بالم
ان شاء الله ربى ربى يشفيك وطمنينا على صحتك

قود لايف وهناء ومرام والمصباحى وعيونى وامشيمشه وتقربصتى واريام ليبيا قلبى وريحانه وسهلوله وبهراء وكل الغاليات أن شاء الله كلكن بخير

انا طالعه مشوار لتورنتو ادعولى ما انريحش بالصغار
من الصبح وانا نطبع فى الخرايط ويستر الله
كان طولت معناها ودرت الطريق
دورونى وبلغوا الشرطه ههههه

بالسلامه توا

كيف حالكم يابنات اليوم

امواج ان شأالله لاباس على ولدك وعلى الراجل ربي يكون في عونك

حياة حلوة ان شأالله ربي يوفقك في الامتحان وتنجحي بامتياز حاولي ترقدي بكري ونوضي صلي الفجر وابدي بعدها راجعي دروسك وشوفي كيف المعلومات ترتسخ في راسك وموفقة ان شأالله

ام محمد حتى اني حفظ واجبي وتو انخش للرابط باش نشوف التفسير السور وان شأالله تمشي لتورنتو ودجي بالسلامة

السلام عليكم
كيف حالك شنو من موجود منكم