شاركي في النقاش

سجلي الدخول لإضافة تعليق.

التعليقات

1,859

  1. @amoag_albhar_1

    امواج البحار
    وعليكم السلام ورحمة الله وبركاته ... كيف حالك ياغدو اليوم ... ماشاء الله تبارك الله ... بسبوسة مرة وحدة مممممممممم ... قاعدة امديرة رجيم مانقدر ناكل منها صحة وعافية عليكم خخخخخخخخخ ...
    نسيت انقوللكم !!!
    معلش تحملوني ... خخخخخخخخخخخخ ...

    كلمت امس سلفية ...
    الحمدلله احوالها بخير وصحتها كويسة والبنية ماشاء الله عليها كويسة حتى هي ... وطلعت من المستشفي ...
    الحمدلله علي سلامتك ياسلفية ومبروك عليك البنية وتتربي فى عزكم ويارب ان شاالله من الذرية الصالحة هى وخوتها يارب ...

    عيوني ...
    وينك ياغالية !!! ان شاالله خير !!!
    وكيف حال حناك هاليومين !!!

    وشنو اخبار الرجيم معاك انا ماشية تمام التمام "ماشاء الله تبارك الله" خفت انصك روحي عين خخخخخخخخخخخخخخخخخ ...

    مرااام ...
    وينك ياهرابة !!! تعالي وهدرزي ...

    قرين ستار ...
    طمنينا عليك ياغالية !!! شنو صار فيكِ !!!

    امل ...
    كيف حالك ياغالية ان شاالله طيبة !!!

    تعرفو هاليومين نفكر فى لوشا معاش بانت ان شاالله خير وحتي مرت راجلها ان شاالله خير !!!
    يارب ان شاالله نسمعو الاخبار الطيبة على البنات الغيبات ...

    وطالبة عفو الله ...
    من كم يوم شفتها اون لاين لكن ماخشتش !!! غريبة !!! ان شاالله خير !!!
    طمنينا عليك ياغالية !!!

    ليبيا قلبي ...
    وينك ياغالية !!! مغطسة !!!

    مهاد ونونا وكل البنات وينكن !!! طمنونا عليكن !!!

  2. @amoag_albhar_1

    حياه حلوه
    السلام عليكم كيف حالكم جميعا ان شاء الله بخير الحمد الله درجه كانت كويسه تسعه وثمانين من مائه89.100 والحمد الله نجاحت علي درجه بس وكانت تسعين لكن الله غالب مكانش عندي فيه ناصيب وان شاء الله سمستر تاني بعد شهر
    وعليكم السلام ورحمة الله وبركاته ...
    مبروك
    وياحنا ان شاالله السمستر الجاي اطبقي الدرجة <<< واووو ماقدمني اطبقي خخخخخخ ...

  3. @em_mohamed

    صاحبة الموضوع
    السلام عليكم ورحمة الله وبركاته ,,,
    كيف حالكن اليوم وشنو الاخبار؟
    وشنو امدايرات فى الحفظ ؟

    الحمد لله ما رحتش وتاريتنى ما شاء الله خبره فى الطرق والزناقى
    هذه اول مره ننزل بروحى للداون تاون حوالى 25 دقيقه من حوشى ديما مع راجلى
    ولما تقعدى راكبه مش كيف وانتى اتسوقى اتحسى روحك امودره الخريطه
    بس امس الحمد لله عرفت الشوارع الكبار ولما روحت خذيت شورت كت (طريق مختصره)
    ويا حنا دهورت العويله لان الجو كان سمح والثلج بدأ يذوب
    ولقينا عرض امتاع حيوانات امدايرته حديقة الحيوان للعيال تفرجنا عليه وغديتهم وروحنا على وقت مشيتهم للجامع بيش لحقوا دروس الحفظ وبعدها جبت البوستر اللى درت بيه الموضوع امتاع الصدقه الجاريه
    يا بنات كان تقدرن انشرن الموضوع رانا مستحقين لمتبرعين ومعش فيه وقت
    فى شهر اربعه لازم يكون عندهم نص مليون دولار ولعند توا لموا 10 الاف بس
    يعنى حيريح عليهم القرض وما ايصيرش من بنية المسجد
    بالله ديرن اللى تقدرن عليه وأن شاء الله اجركن حاصل ...

    وخطرها على البسبوسه من امس خاطرى فيها ودرت عسلها امس لكن كسلت على دورتها
    واليوم اول ما نضت عجنت خبزه ودرت بسبوسه محشيه بالقشطه باذن الله بس اتطيب انصورها لكن ..

    ولاباس على راجلك وبنيتك يا امواج أن شاء الله هذا حد السو

    ومبروك النجاح يا حياه أن شاء نفرحولك يوم عرسك

    باقى البنات أن شاء الله كلكن بخير وما بيكنش .

  4. @hyah_hloh

    حياه حلوه
    السلام عليكم كيف حالكم جميعا ان شاء الله بخير الحمد الله درجه كانت كويسه تسعه وثمانين من مائه89.100 والحمد الله نجاحت علي درجه بس وكانت تسعين لكن الله غالب مكانش عندي فيه ناصيب وان شاء الله سمستر تاني بعد شهر

    امواج البحار .. .. عيوني..ام مودي وميمي ..ام لاء ..ام محمد .
    قولا دليف..مشيمشه..مرام..هناء..سلفي ه..غاده..تقبرصتي...اريام..مهاد ..ليبية100 100 .. ..ليبيا قلبي.. ..سهلولة1 ..ريحانة السنة.....بهراء.... nonasemo.....greenstar..
    ...almsbahi ..de lyon ..بهراء...ام تقي دين.. انا اعتزلت الغرام
    ان شاء الله بخي جميعا
    وشكرا الي كل من دعالي باني ننجح وبارك اله فيكم وعقبال الي صغاركم يارب
    ام محمد
    توه اني شهر راحه كويس .تسميع احسن يوم الاحد ان شاء الله واليوم نراجع الي مش حفظته
    وشكرا علي الموقع والله شكله حلو توه نخشله بعد نكمل من هنا
    الله يبارك فيك وعقبال الصغارك
    غاده
    شن بسبوسه حتي اني اليوم درته البسبوسه كاسترد واخيرا صحه مقدما
    امواج
    ان شاء الله لاباس علي راجلك وكيف حال عبد كريم ان شاء الله احسن
    الله يبارك فيك وعقبال صغارك
    اريام
    شن خبارك وينك متعش تخشي دهدرزي معنه
    عيوني
    وينك تعالي هدرزي غير جوك اول ماتحصلي فرصه وكل بنات وينكم معاش دهدرزو كيف قبل ان شاء الله خير
    توه سلامي للجميع

  5. @ana_aaatzlt_alghram

    اهلين كيف حالكم توااااااااااااااا ومشكورين اللي سال عليا واللي مسالش
    اني في ليبيااااااااااااااااااااااا من الزاويه وعمري 22 سنه ومكمله القرايه والحمد لله

تابعي تجارب أخرى من هذا القسم.