~: : :OoO «-.¸¸,.-~*تجمع أحلى صحبه ,,,بنات ليبيا "التجمع الثانى" *~-.,¸¸.-..OoO: : :~

خير كم كل مانخش الدويرة فاضيه

السلام عليكم و رحمة الله و بركاته

كيف الحال و الاحوال شن اخباركم و شن امدايرين
و ان شاء الله تكونوا كلكم بخير و صحة و سلامة و مبسوطين و مرتاحين

سامحوني مقصرة معاكم , تعرفوا من التخميم في المرواحة نحس في روحي معاش قادرة اندير حتى حاجة و اموري ملخبطة ستين الف حاجة تبي اديران و حاجات ناقصتني و الهدايا ........الخخخخخخخخ
و في الاخر من كثر التفكير انجي و انقعمز و ماندير شي

و حاني توا الحمدلله حالتها كويسة

حبيباتي معليش بنطلب منكم طلب انكم تدعولي ان الله يسر لي اموري و يفتحها قدامي و مشكورات مقدما يالغاليات

بنات اليوم كلمت سلفية هيا الحمد لله ان شاء الله ربي يزيدها من الصحة
و بنيتها:04: حتي هيا باهية الحمد لله و سمتها {ود} سبق صحفي:hahaha: :hahaha:
انشاء الله تتربى في عزكم ياسلفية و ربي يحفظها هيا و وخييها ووخيتها

امواج
ان شاء الله لباس علي ابو الشباب:arb:
و كيف حال الصغويرة توا و كيف حال كرومة توا ان شاء الله افضل
ان شاء الله ما يشوفوا شر كلهم
صار هاذي المرة ارادة من حديد اني متابعة معاك في الريجيم

حياه حلوه الحلوة
:icon28: :icon28: :icon28: :icon28:
الف الف مبروك و ان شاء الله لما انباركولك في فرحك عما قريب
و معليش انة شاء الله في السيمستر الجاي اتحصلي فوق ال90
و هادي مني ليك:kiss:

غادة
ما شاء الله اليوم رجعتي لناشاطك زي قبل
و صحتين البسبوسة غير صوريهالنا

اهلين و مرحبتين
انستي و شرفتي و ان شاء الله معرفة خير
غير تعالي و هدرزي و ليك علينا عالة شاهي مش طويسة
انت غير تعالي و الي تبيه احني حاضرين
:)

ام محمد
كيف حالك و حال عويلتك
صار حصلتي ادهويرة امس , باهي وسعتي خاطرك و فرهدتي علي الصغار

ياريت تبعتيلي بريدك علي الخاص بش نبعتلك الي نقدر عليه

و صحتين علي البسبوسة و سلم ايديتك
اليوم ما شاء الله علي البسبوسة , حتى غادة امدايرة بسبوسة

و بالنسبة للحفط لاني مكملة جزء عامة اليوم نحفظ في المرسلات و ان شاء الله يدوم علينا العزيمة و الهمة في الحفظ
و بارك الله فيك علي كل مجهوداتك

اريام الحنين
كيف حالك و حال عائلتك
ان شاء الله تكونوا بخير

مشيمشة
كيف حالك و حال عويلتك
وينك و الله الموضوع موضوعك و اللمة لمتك تعالي طلي علينا


تقربصتي
حتى انت بوسيلي البنوتات الحلوات
و شن اخبار ريجيمك , ان شاء الله ماشية تمام , تعرفي شكلي حتى اني بنديرها علي الصيام
اليوم بديت في ريجيم امواج متاع اكل الرسول عليه الصلاة و السلام

هنيوة
كيف حالك و حال صغويرتك
ما شاء الله عليك شكلك طباخة ماهرة و تحبي المطبخ

قودلايف
كيف حالك و حال وليدك و خيرك معاش اتهدرزي زي قبل

ام ءالاء
كيف حالك و شن اخبار أللولة ان شاء الله توا باهية و امورها تمام

قرين ستار
وينك ان شاء الله خير طمنينا عليك و علي بنيتك

ام مودي و ميمي
وينك تعالي قوليلي شن امدايرة في تحضيرات المرواح لليبيا حايسة زي و الا مرتبة كل امورك و شن اخبار الريجيم و النيولوك

ليبيا قلبي
وينك شكلك الريجيم واخد فيك حصة

امل المصباحي
كيف حالك و شن اخبارك ,شن قاعدة معسلة , ادلعي و اتعسلي توا لين تشبعي, تعرفي بعد ما اتجيبي الصغار تبدي تتمني فيهم ايام انت عروسة, تمتعي بقد ما تقدري توا

ليبية 100100
و ينك , كيف حالك و حال وليداتك
ان شاء الله تكونوا بخير