إذا قلت له حبيبي قال لي حبج برص !!!

هذا حالي مع زوجي ...

ما اقدر اقول له كلمه حلوه ... ما اقدر اسوي شي رومانسي ... ما اقدر اييب له هديه إلا علق علي بتعليق سخيف مثل إلي تقرونه في عنوان موضوعي

تخيلوا ...

قتل الحب و الرومانسيه فيني ....
نسيت الكلام الحلو
ماعرف اعامله برومانسيه ... لازم اكون عمليه و واقعيه وبلا هالسخافات !!!

مايعرف يقول كلمه حلوه ولا طيبه
لا السلام عليكم و لا صباح الخير و بالغصب و بطلوع الروح يقول تصبحين على خير عشان ينهي اي موضوع بس...

تعبت و مادري شاسوي وياه

اهم شي عنده غرفة النوم و البزنس و النجاح في شغله

انا شو موقعي من الاعراب ... !!!!!!!!!!!!

احساس قاتل والله

39 تعليق 3,536 مشاهدة

شاركي في النقاش

سجلي الدخول لإضافة تعليق.

التعليقات

36
  1. ياقلبي000طيب انا برسل لك رساله خاصه تخلي زوجك ينطق غصب عنه وبرضا منه

    وهو يقول لك الكلام الرومنسي موب انتي000 برسل خاص لان الكلام مايصير ينقال عام00

    وابغى منك الدعاء بس0000 الله يوفقك ياحور00
  2. @frs_asylh

    والله يسخره لك بس مااقدر افيدك ياليت كتبتيه في الاسريه يكون احسن لاني لسى مو متزوجه بس اكيد الدعاء له دور كبير وياليت تكرري الموضوع زي ماقلتلك في الاسريه والله يجزاها خير الي بتساعدك
  3. @hor_uae

    صاحبة الموضوع
    اختي اوراكيد

    انتظر ردج على احر من الجمر على الخاص
    بليز
    و يزاج الله خير
  4. حــــــور
    اسئل الله العظيم ان يعينك ويسعدك...
    بالنسبه لمشكلتك لستى انت من تعانى من هذه المشكله فمعظم النساء وخاصة المجتمع الشرقى تفتقر الى الرومانسيه مع الزوج حتى وان كان بالكلام فقط.... طبيعه المجتمع والتربيه وكذلك مايتصف به الشعوب العربيه وخاصة الرجال بكبت المشاعر الرقيقه والتى يعتقد الاغلب منهم انها تنقيص من رجولته....... وكما قلتى ينحصر اهتمامه فقط بغرفة النوم والعمل؟؟

    لكن مايجب عليك هو ان تثابري على ماتقدمينه من رومانسيه لزوجك حتى وان كان لايبادلك بالكلام فهو قد يبادلك بالافعال........ فتقديم هديه لك هى تعبير عن حبه حتى وان لم يقول حبيبتى......
    المراءه تحتاح الى ان تسمع كلاما جميل من زوجها والرجل يحتاج الى ذلك وبشده حتى وان لم يعبر عن ذلك......

    دمتــــــــــــــــــــى

تابعي تجارب أخرى من هذا القسم.