~: : :OoO «-.¸¸,.-~*تجمع أحلى صحبه ,,,بنات ليبيا "التجمع الثانى" *~-.,¸¸.-..OoO: : :~

السلام عليكم
كيف حالكم اليوم كلكن؟
...G Libya .....اريام الحنين ....ليبيا قلبي... تقربصتي ... .....هناء13... مرت راجلها ... ..good life ..مراااااام ...ذات الهمّة ... مدام علي... زوبة الحبوبه ..لوشا..ام لاء...لونتى الحلوة ....greenstar ..ام تقى الدين ...almsbahi ...TITNK ....طالبة عفو الله .....de lyon.... ام السنفور.... مهاد
وفاء المبروك....* براءة * ...فراشة.. بهراء ....حواء118 ...بتول...nonasemo .. maramkhalid .... مدعاة السرور ... A7LA*DAL3*.... albaresih... am &ams .. Homaa ...سومة سيف ... جنان.... Misteriosa ... libyan_girl ... om raya ...meana ... ليبية ...Lole89...nigood....gumati

أن شاء الله كلكن بخير

امشيمشه عاش من شافك كيف حالك وحال الصغار والدكتور ؟
وشن دافى الجو عندكم توا وألا مازال سميطرى ؟
وايه مشيت انهيج فى تورنتو
الله الله تفكرت أول سنه فى الغربه
يا بناويت امشيمشه كانت اول وحده أستقبلتنى فى حوشها لما نزلنا لكندا
من الطياره لحوش امشيمشه على طول هههههه
وطيب على تصليحة جهازكم
العقبه لكمبيوترى
تعرفى مليان فيروسات وبطيئ جداً يقهر لكن ما نبيش نستغنى عليه (القديم يحلى)
المشكله حتى الصغار امعبينه الغاب وبرامج والورد مليان قصص داير روحهم يكتبوا فى قصص
يعنى انخمم شنو يبى يفرغلى الملفات اللى فيه فى واحد جديد
وعلاش رفعتوه للصلاح ؟
لما شريتوه ليش ما شريتوا معه ويندو داعم للعربيه وركبوه لكم من الاول .

حياه
على مهلم امتى ما تلاقيه الجهاز أنا عندى توا
بس نبيه للناس اللى اموصيتنى كيف ما قتلك
وامتى مايسمحن ظروفك دوريه
وما شاء الله على البيتسا شكلها ايسفه
ويا حنا احنا مازال ما تغدينا (انا مازال حتى ما طيبتش الغدا) وشكلى بندير بيتسا وخلاص
بو الصغار شاد ديوتى اليوم وعادى ناكلوا اللى ايجى .

قود لايف
كيف حالك
ويا حنا البسبوسه امس دارتها فى الكوشه اول مره انطيب فيها بسبوسه وما نعرفش طريقتها
وكوشتى تشتغل بالحراره وبالحمل كان تتفكرنه ايام الفيزياء فى انتقال الحراره
المهم ما زلت ما فهمتش دوتها كيف
نوعيتها كيتشن ايد اللى من فوق كلها قزاز وملساء ما فيها شيئ كأنها طاوله وبعد اتولعى الغاز يولى احمر ويطيب الماكله
المهم الفرن مازال ما فهمت تطبيقاته لازم كل مره انطيب حاجه بيش نعرف شنو الخاصيه اللى انعدلها عليه (سريب وانا ما انحبش الحاجات اللى فيهن لبه تكنولوجيا)
المهم حطيت الكوشه على التطيب بالحمل وعدلت الحراره على 300 ما بتش اتطيب
امشيت حطيتها على العادى وخلاص
فجتنى شكلها مش امنفجه لكن المهم طعمتها حلوه وخصوصا انها محشيه قشطه وجبنه كيرى
هذه صورتها المره الجايه حتكون احلى ان شاء الله (احسن حاجه اصغارى كلوها وما عدلوش ليش امشفطه)




وهذه الخبزه

تفضلن اسخونه وبالكمون
ودرت طبيخة سبانخ ورز ابيض امعاهن

قرين ستار
ربى ايعينك
بس اشجعى واحفظى امعانا
راهو تلقى وقت
وكلنا عندنا اصغار وشايلات هم الحوش وخدمة القضيه كلها علينا برا والمدارس والمتابعه ومع هذا عندنا وقت
يعنى حاولى قبل ما ترقدى وألا فى الصبح لما بنتك اتكون راقده تحفظى اشوى
ونحن توا الصور بسيطه وكلكن حافظاتهن هذا عليش مجموعه كل يوم بس بعدين توا انقصوا عدد السور اليومى بيش الكل ايشارك
وما تحرميش روحك من الاجر وهذا الشيطان اعوذ بالله منه يصور لك صعوبة الحفظ ويطلع لك فى السبل فما تعطيهش فرصه
خشى اقرى موضوعى الجديد (تعاونوا على البر والتقوى ) ويارب يقوى عزيمتك

سلفيه
اشربى عصير التين المجفف (البرون)تلاقوه فى قسم العصائر روعه ما ايخليش امساك
وحتى انا عندى اسم مريم حلو

باقى البنات شنو اخباركن وان شاء الله انعاود لكم
معليش ما نقدرش انرد عليكن بالوحده فى نفس الرد (ما شاء الله لا قوة ألا بالله )

السلام عليكم ورحمة الله وبركاته

أنا قلت مدام كنت اول مشاركة في الملف يبقى من حقي أدخل >>>>>>>>> مسمار جحا يعني

المشكلة أن أنا عاملة رجيم والمرة إللي أدخل الاقي مالذ وطاب>>>>>>>كلكوا عليا ولا إيه:42:
بالهنا والشفا عليكم وربنا يبارك لكم .......... وتسلم إيديكم ومطرح ما يسري يمري>>>> شكلي بشحت

:26: أحلى حياة حلوة:26:

جزاك الله خيرا على سؤالك عليا .... بصراحة كانت مفاجأة إني أدخل الاقي حد سال عليا

المهم سلامي لكم جميعا ويارب تكونوا جميعا بخير وصحة:26: :26: :26: