الحقوو تضاربت مع اختي وامي اليوم واريد ان اموت

أنتِ حساسة ..

بالنسبة للطفل لاتحطين راسك بروسهم .. تراهم مايفهمون مثل مانفهم حنا ونظرتهم للأمور تختلف عنا ..

حتى أمك وأبوك والناس الي أكبر منك .. نظرتهم تختلف .. ينظرون للمواضيع من منظار خاص يختلف عنا ..

لو قست عليك أمك أو أختك الكبيرة تأكدي انه النهاية تصب في صالحك ..
يعني هم لاحظوا عليك سلوك سيء وملاحظاتهم هذي هدفها انهم يشوفونك بشكل أفضل وصورة أجمل ..

وتأكدي انك مهما كبرتِ تظلين طفلة بعيون أمك .. فأتمنى ماتخذلينها وترفعين راسها ..
وحركة رمي الجوال أوجعتني كثير .. أختي هذي الأم .. والأم معناها كبير .. الله لايحرمك منها ..

بل !!

أنتي ما تستحين على وجهك ! ترمين التلفون على أمك ؟؟

أنتي عندك عنف زايد وتعاملك مع الناس بالعنف
حاولي تتذكري أنك بنت

الله يفرج همج ، وهم جميع المسلمين

أختي لمار

أنا بتكلم مثل أخت لك ووالله بس بوريك أشياء يمكن تكوني غافلتها لانك بالموقف لكن لما تكوني طرف محايد بتشوفيها بوضوح


1- أنا يوم كنت بعمرك أو أصغر يوم يجي ولد خالتي أو أي طفل ويقل أدبه وأضرببه أمي تخاصمني
والحين يوم عندي ولد عرفت ليه أمي كانت تخاصمني لان مهما كان ولدي قليل أدب ماأحب أحد كبير يمد يده عليه دامني وأبوه عايشين
يعني ماكان من حقي أمد ايدي على ولد مهو ولدي
حتى لو كنتي عمته أو خالته
لو انتي ضربتك خالتك أو حتى أختك أو أخوك والله بتنجرحين وبتحسي بالاهانه مو مثل الأم أو الأب

يصير هذه النقطة لازم تعدليها يوم تزعلي من طفل اتركيه وابعدي عنه
مهما قال تراه طفل مرفوع عنه القلم
مثل ماقالت أمك تمام


2- يوم أمك زعلت منك هي أمك بكيفها تزعل تضرب تبهذلك مو من تردي عليها كأنها صديقتك العين بالعين
يوم رميتي الجوال عليها والله كبييييييييييييييرة وهذا الشي كله لان أمك خاصمتك ودعت عليك لانك ضربتي ولد أخوك ؟؟؟
ترى كل أو أغلب الأمهات يدعون بس من ورى قلبهم والكل عارف ان الأم مهما دعت هذا تنفيس مو أكثر


3- أختك انقهرت على أمها ومعاها حق بصراحة وغلطت نتيجة قهرها على أمها فحبت ترد عليك بانك مريضة
يعني هي مو كرها لك لكن حبا لأمكم لو انتي شفتي أخوك أو أختك غلط على أمك ممكن تقولين أكثر من كذا
في المقابل انتي رديتي برد أسوأ من كلام أختك فهي انصدمت من طريقة كلامك وفعلا
بعد ماهي استضافتك وكانت مهتمة فيك تقوليلها هالكلام مهما كان هذه أولا الكبيرة وثانيا استقبلتك عندها ترى مو كل الأخوات يرحبون بأخواتهم ببيوتهم


بالنهاية لازم تهدي من نفسك وتشوفي أخطائك وتصليحيها قبل ماتنظري لخطأ غيرك

والله يهديك ويوفقك

الله يهدي سرك ويسعدك ويفرج كربك