سنه أولى ربه بيت :)
* استعملي المناديل المعطره مثل تشابز وغيرها في مسح اي شئ يحتاج للمسح
احسن من الفوطه وأوفر بعد لانك اكيد اذا توصخت بتغسلينها بمويه وصابون وتجفيف وحاله :09:
بينما المناديل مسحه وحده بس وانتهينا :)
* استعملي ملصقات التسعير في التمميز بين علب البهارات او الاكياس او العلب اللي تحطينها بالفريزر
* ألصقي ورقه ورا باب احد دواليب المطبخ وكلما خلص شئ او نقص شئ او تذكرتي حاجتك لشئ على طول روحي اكتبيها وفي اخر الشهر تكون قائمة المقاضي جاهزه!!
* خلي لك مسجل في المطبخ وحطيه على اذاعة القرآن واستفيدي من وقتك
*إذا عندك جزمة جلد باهت لونها ومشهب ادهنيها بفازلين
* إذا غسلتي الملابس وجففتيها في النشاف حق الغساله على طول خذيها واكويها وهي لينه لانها اذا نشفت مره بتتعبك اكثر .. و تقدرين بعد الكوي تعرضينها للشمس
*حواف خبز التست الزائد اجمعيه وحمصيه على النار ودقيه واستخدميه بقسماط
* إذا جيتي بتدقين شئ بالنجر لبسيه كيسه بلاستيك ولبسي العصا بعد تغليف عشان تفتكين من الغسيل وعلشان ماتمسك الريحه في النجر
*خصصي لك كيس او صندوق بالفريزر واجمعي فيه بقايا الاكل واذا امتلى اخرجيه للبر
* ا اطحني سكر مع الزعفران واحتفظي بالخليط في علبه وراح تشوفين ان الزعفران يتبارك معك ويكثر ,, وتقدرين تستخدمينه في مشروب النعاع ومشروب الزنجبيل الخ,,,
*اطبعي كرت أعجبك في النت تهنئة بمولود او تهنئة بزواج ودخليه في برواز وأرفقيه مع هديتك
* لتنظيف عيون الفرن استعملي منظف أدوات ستانلس ستيل واستعملي الليمون
*غلفي الفرن بقصدير وغيريه من فترة لفترة وإذاا حبيتي تغلفين عيون الفرن بعد بس خرمي الفتحات بعود اسنان وغيري التغليف من فترة لفترة ,,
* استعملي طيب الليمون وبخي منه في ارجاء البيت وعلى المفارش للتعقيم
* إذا مالقيتي لك روج يناسب مع لبسك حطي شويه من شدو العيون على شفايفك وحطيه عليه قلوس شفاف واذا ماعندك قلوس حطي فازلين .. بيمشي الحال ..
*إذا اعجبك تصميم موديل فستان معين اقتبسي اللي اعجبك ونفذيه بسرعه و لما تبين تلبسين فستان جديد يكون هذا جاهز عندك وافتكي من لفلفه الأسواق ووجع الرأس والحيرة والقلق وتضييع الوقت ..
* وانتي تبدلين ملابسك قولي اللهم استرني فوق الأرض وتحت الأرض ويوم العرض
*خلي بشنطتك شويه بلونات وحلاو خفيف واذا شفتي بزر اعطيه واحتسبي
هذي مقتطفات من تجربة سنة أولى ربة بيت .. اعطونا مقتطفاتكم وسنه كم انتم