~: : :OoO «-.¸¸,.-~*تجمع أحلى صحبه ,,,بنات ليبيا "التجمع الثانى" *~-.,¸¸.-..OoO: : :~

هذا تصحيح اجابتي اللي اكثر من نصها غلط

*********

كيف حالكم يا بنات اليوم
ان شاء الله تمام


ام الاء
صحتين وتسلم ايديك عالكعك والحاجات الثانية

ام محمد
ربي يوفقك

وتسلم ايديك عالبسبوسة والخبزة وصحتين

وسلامات يا حلوات

السلام عليكم ورحمة الله وبركاته
كيف حالكن يا بنات وشنو الاخبار ؟
أن شاء الله كلكن بخير وربى يعينكن على الحفظ وييسره لكن .
ذات الهمه أن شاء الله ربى يهدى سرك ويفتح عليك يالحفظ
اسمعى انتِ مؤمنه وتقدرى تشفى روحك بروحك
وثقى وتوكلى بان الله هو الشافى
وأنه لو أجتمعوا شياطين الانس والجن مش حيضروك ألا بقدرة الله
وأن ربى كاتب لك الخير وتمسكك به والايقان بالشفاء اهم خطوه اديريها
اول حاجه شيلى فكرة انك مسحوره من راسك وحطى مكانه انك بقوة ايمانك راح تكيدى السحره وتردى الشر ,واتجهى بقوه الى كتاب الله
ما تقعديش ابروحك ديما اتجهى للاماكن اللى فيها الناس بيش تبعدى عنك الوسوسه
وارقى نفسك كل يوم
لو ما تقدريش تفتحى المصحف وتقرى شغلى اشرطة القرأن (خصوصا سورة البقره تبعد الشيطان)
واستعيذى بالله من الشيطان ومن نفثه ونفخه ومن شياطين الجن وأن يحضرون
ولو ما عندكش اراده تشغلى شريط خلى حد من اللى امعاك فى الحوش يفتحلك شريط قرأن ويغصبك انك تسمعيه .
امشى للجامع وحاولى تسمعى حلقات الذكر وما اكثرها فى جوامعنا
دورى ماء زمزم وأشربيه بنية الشفاء من السحر فماء زمزم لما شُرب له
واقرى عليه ايات الرقيه المعروفه
وادهنى جسمك بماء مرقى
الفاتحه ام الكتاب وحدها شفاء من السحر واحد الصجابه (نسيت من )قراها على احد المسحورين سبع مرات وشفى بأذن الله تعالى
ديرى حبة البركه مع العسل يومياً
المهم انك اديرى حل لروحك واهم شيئ أنك ما تخليش احساس أن السحر متمكن منك ومبعدك حتى عن كتاب الله
نص العلاج يكمن فى الاراده يا عالية الهمه والنفس كل ما تركناها أماره بالسوء (حتى ربى قسم بيها بالنفس اللوامه)
وما شاء الله عليك اسمك ابروحه يفتحلك الابواب
وتأكدى أن السحر ما يتمكنش الا من المؤمن الضعيف وأنتِ لستِ كذلك
أدعى وألحى وأكثرى من الدعاء بالشفاء وربى حيستجيبلك
ربى أن شاء الله يشفيك ويشفى كل مرضى المسلمين ومش حننسوك فى دعائنا ...

مرحبتين بالبنات الجدد (الدرناويه ,وفاطمه كمال )
اريام مو مشكله اللى فاتك اول ما ترتاحى بالبيت الجديد واصلى معنا على نفس الجدول واتركى اللى فاتك للايام اللى بنراجعوا فيها
راح نتوقف بعد كل جزء اسبوع مراجعه للى فاتها شيئ علشان تحفظ وتلحق بالركب

باقى البنات ما نبوش كسل وانشطن خلونا نحفظوا
والله كل ما تحفظى تحسى روحك بتزيدى تحفظى اكثر ...

هذه مواقع تفاسير ابن كثير والطبري، والجلالين، والقرطبي:

http://quran.al-islam.com/arb/

تفسير الجلالين (جلال الدين المحلى وجلال الدين السيوطى) وابن كثير

http://www.islam2all.com/quran/index.php


يا بنات
امبكرى اتصلت بأختى خوفتنى على بوى قالت لى مازال يشكى من العمليه وانهم امس داروا له صور مقطعيه
وانه يبى يمشى لمصر الاسبوع الجاى
بصراحه متت من الخوف
وبعدها اتصلت بيه (الخطوط تعبانه ما حوتك شد امعاى)المهم قال لى لا حالى اكويس وما فيش حاجه ونبى نمشى انا وامك منها دهوره ومنها للاطمئنان
وحلف لى انه ما فيش حاجه مش اكويسه
لكن يا بنات عقلى مش متهنى
وخصوصا نعرف مهنتنا الغبره وكيف تسلسل الاحداث فيها وشنو التحاليل اللى يقعدوا يطلبوا فيهن وليش ؟ وامتى ؟
حسنى خايفه وعقلى ما جابليش خير
ادعن امعاى يارب يطلع حدسى خطأ
وياربى يكون ماشى بس للاطمئنان فى مصر (كيف ما تعرفن فى بلادنا معش حد يصدق فى دكاترنا ولا مستشفياتنا ولا حول ولا قوة ألا بالله والناس بين مصر وتونس والاردن)
المهم ما تنسنش بوى من الدعاء والدعوه فى ظهر الغيب مقبوله ...

السلام عليكم ...
كيف حالكن يإحلي بنااات فى الدنيا <<< خاشة بالغزل خخخخخخخخخخخخخ ... واللهِ ليكن وحشة ومرايفة عليكن غير خايفة من ابلة ام محمد تعاركني خخخخخخخخخ ... قالت ممنوع الهدرزة لغاية مايكمل الامتحان ...
يالله انصحح امتحاني ... ونعاود انهدرزلكن فرداً فرداً ... ان شاالله ...



الحمدلله كيف كنا وكيف اصبحنا ... اللهم لك الحمد والشكر ... ان شاالله انراجع الاخطاء ونحفظ عقاب السور ... يارب قدرني انا وجميع اخواتي على حفظ كتابك الكريم يارب ... قولو امين ياغاليات ...

غادة ..
كيف حالك ياغالية وشنو اخبارك ... وكيف حالها باللهِ حناك ان شاالله طيبة توا ...

حياة ...
وعليكم السلام ورحمة الله وبركاته ...
لاباس عليك ياغالية ... ماوعرهن داء السنون "استغفر الله العظيم" ...
وشنو امس !!! شكلك ضاربك الكساد خخخخخخخخخخخخخخخخ ... يالله جيناك هاي ابدي بالهدرزة ...

ذات الهمة ...
كيف حالك ياغالية ... واللهِ ماني عارفة شنو نقولك ... ماعليا الا الدعاء لكِ وان شاالله يفك سحرك عاجلاً غير اجلاً يارب ...
اللَّهُمَّ ربَّ النَّاسِ ، أَذْهِب الْبَأسَ ، واشْفِ اختِ ذات الهمة ، أَنْتَ الشَّافي لا شِفَاءَ إِلاَّ شِفَاؤُكَ ، شِفاءً لا يُغَادِرُ سقَماً ...
بِسْمِ اللَّهِ أَرْقِيكِ ، مِنْ كُلِّ شَيْءٍ يُؤْذِيكِ، مِنْ شَرِّ كُلِّ نَفْسٍ أَوْ عيْنِ حَاسِدٍ ، اللَّهُ يشْفِيكِ ، بِسْمِ اللَّهِ أَرْقِيكِ ...
قولي امين ياغالية ...

ليبية 100 100 ...
وعليكم السلام ورحمة الله وبركاته ...
وين ياغالية !!! مغطسة !!! كيف حال العويلة عندك وبوهم ان شاالله طيبين ...

امل ...
صباح الانوار ...
كيف حالك ان شاالله طيبة ...
الحمدلله الويك اند مشي بخير وبسرعة خخخخخخخخخخخ ... شي يطير مع العيال والجري "اللهم لك الحمد والشكر" ...

اريام ...
وعليكم السلام ورحمة الله وبركاته ...
مبروك عليك العتبة الجديدة ياغالية ... وانا نقول وين مغطسة !!! كيف حال الاولاد عندك ان شاالله طيبين ...
وان شاالله يارب عتبة خير ...
وشوفي موقع المرتل حلو للحفظ تحطي على كم عدد التكرار ويصير يكرر وانتِ وراه ... وهذا هو الموقع :
http://www.reciter.org/loaderLarge.php?l=a&p=MTE3NDMyMzU2Nw==

ام ءالاء ...
صباح الخيرات ياغالية ...
ليش هكي ياغالية :icon36: بعدك انموت فيها هالكعك <<< يلي يسمعنى هو انا فى حاجة مانحبهش :humm: ...
وبعدك رجيم وسهفتيني بهالحركات :icon36: ... توا تشوفي عليها ...
ياحنا صحة كعكم لكن الحمدلله ماني حامل وكان هذا العيل قعد كعكة خخخخخخ من كثر مانحبه خخخخخخخخخخخخخ ...

تقربصتي ...
كيف حالك ياغالية وكيف حال البنيات ان شاالله طيبات ...
ياحنا امس جابو فى الاخبار ان نيوزلاندا فيها بركان قلت ياساتر يارب ... بس شكله الخبر له ايام ... المهم اليوم ان شاالله انكلمك ... وبوسيلي البنيات :kiss: ...

ليبيا قلبي ...
وعليكم السلام ورحمة الله وبركاته ...
وينك يابتي !!! لاحس ولاخبر !!!
:humm:
وربِ يعينك ياغالية على الخدمة ... ماتغيبش عاد ...

نعدي انجيب بنتي ونعاود انكمل التهدريز معاكن ...
يالله فى امن الله ...