بارك الله فيكن يا بنات على الدعوات لبوى وان شاء الله ما تنشغلن على غالى ...
حياه
يوم الجمعه أكتبن امتحاناتكن وصححنهن وبعدين هدرزن
مع ان نهاية الاسبوع البنات ما ايخشنش الرجاله قاعدين ومانعين التقمعيز على الكمبيوترات ,,,
اتسلم عليكن عيونى من بكرى اتصلت بيا
وراهى تعبانه تشكى ما اعيونها ادعلها بالشفاء يا بنات ,,,
اللهم رب الناس أذهب البأس وأشفى أم أحمد وعمر (عيونى) شفاءاً لا يغادر سقما
وما شاء الله ريحة المبطن غابقه الدنيا عطونا حتى اطريف
اليوم طلعت امصيرينات نبى نحشيهن وما زلت امتنبله شكلى نبى انكنسل ,,,
ويا بتى الغاز كمل كيف تبى اديرى ؟
نحن مفتكين من زمان من هالسريب غازاتنا بالضى
لو كان ينقطع الضى انريحوا ليل
حتى الاسواق ايسكرن
زمان انقطع ثلاث ايام (يحسابوه بن لادن جاهم هههه)
المهم قعدنا ناكلوا فى التن بالبشكوط من قلة الخبزه
والاسواق امسكرات ما فيش كيف يفتحوهن
والغريب يا بنات مره كنت فى السوق وانقطع الضى كانت فيه عاصفه
الابواب كلهن اسكرن اتوماتيكى والكاصات امتاع التخليص وجرس الانذار قعد يخبط واشتغلن المولدات بس على الممرات وعلامات الخروج من جهة ابواب الطوارئ
كله بيش ما ايصيرش سرقه عندهم
قالك ناس الامن عندها مستتب
تعرفوا الناس طلعوا بيش ايروحوا وأنا قعدت انتفرج على النظام امتاعهم (وحده مسبوهه)
وفى قطعة الضى السمافروات ما يشتغلنش لكن الناس ما شيين بنظام وما فيش زحمه وتسكيرة الطريق
اللى يوقف الاول يطلع الاول
عطهم عصيده على قولة أمواج ما ايحيروا بكل بتكنولوجيا ومن غيرها ....
امشيمشه حقه شنو صار سقدى روحك راهو نغلبك هالمره .....
امواج
اسم الله عليك وانتِ شغاله تكسيستى (لو كان اتسجلى مع وزارة المواصلات اربحلك هنا)
على الاقل تاخذى امعاها مرتب
ربى يكون فى عونك وعونى وعون كل أم شاقيه .....
وحتى نحن من امس الجو سقع ونزل الثلج اخرى اليوم فى الصبح
بعدك اعيالى عدوا بلا دبش سنو لكن لما جوا للنش لبسوا ووجيهاتهم محمرطات من الصقع ..
ان شاء الله يدفى الجو على نهاية الاسبوع الكنديين ايعيطوا بكرا اول يوم فى الربيع
وما زال ما رينا ربيع رايحه صحراء احرف من البريقه زمان .....
غاده فكرتينى بعجاجات بنغازى لما اينوضن ونحصل فى تسييق الجنان ...
خلنى نمشى اندير غداى
~: : :OoO «-.¸¸,.-~*تجمع أحلى صحبه ,,,بنات ليبيا "التجمع الثانى" *~-.,¸¸.-..OoO: : :~
متابعة النقاش، صفحة 69