~: : :OoO «-.¸¸,.-~*تجمع أحلى صحبه ,,,بنات ليبيا "التجمع الثانى" *~-.,¸¸.-..OoO: : :~

السلام عليكم و رحمة الله و بركاته

كيف حالكم اليوم و شن اخباركم

اني الحمدلله و امس مشيت لدكتور العيون قالي عيونك اخسن لكن لازم تكملي اسبوع ثاني مع الدواء
اني الي متعبني فمي مازال قاعد تقرحات

انتم شن اخباركم و شن امدايرين

حياه حلوه الحلوة
سلمك نشادة و هو هداكا ابجي من توا في الهدايا و ان شاء الله الحال ايلايم

غادة
بارك الله فيك علي النشدة , سلمك نشادة
و الله يسلمك
انت شن اخبارك و اخبار التبتيت و التجهيزات للعرس
الله يكملك علي خير و يسرلك امورك

ام تقي الدين
بارك الله فيك علي السؤال و النشدة
و الله يسلمك
الله غالب كل وحدة متنطرة في مكان , الود ودي نبتع للي تعجبها حاجة

تقربصتي
كيف حالك اليوم
بعيد السو عليها , هم هكي الصغار ديمة برعايشهم , لين يوقفوا الدم في العروق
و شكلها السموحة قنينة الله يحفظها مشي خديتوها بالعين ماهو عين الودود احرف من عين الحسود
ما شاء الله كملي الريجيم , اني توا وصلت ل64 الحمد لله و بنكمل ا ن شاء الله

امواج
وينك ان شاء الله توا حالك احسن , كان ما خشيتيش بعد شوية نكلمك

السلام عليكم ورحمة الله وبركاته

كيف حالكن يا بنات أن شاء الله بخير كلكن ..
وبارك الله فيك يا أم تقى الدين وجعل دعواتك فى ميزان حسناتك ,,,
سامحونى شغلتكم لكن محتاجه لدعواتكم هاليومين
من اشوى كلمتنى امشيمشه تطمن وقالت لى ام تقى الدين لفتت انتباهنا لتوقيعك ,,,
سامحونى ما كانش قصدى نشغلكن

لكن القصه انى امس مشيت للدكتوره ولقت عندى كلبوزه صغيره تحت الابط وقريبه من الثدى الايمن
انا لقيتها يوم الاربعاء واتقول طلعت فجاءه
كل الاحتمالات وارده بس الاهم انى محتاجه فحوص جديده وتحاليل واشعه بسرعه بيش يعرفوا شنو تطلع ...
وهذا عليش طلبت الدعاء
المشكله ان ملفى وفحوصاتى كلهن فى لندن ولازم انتابع غادى علشان الشخص اللى قرا التحاليل والصور الاولى هو نفسه ويقدر يقارن ومن امس كلمتهم الدكتوره وانا عندها ولعند توا ما كلمنويش
وكلمتهم من اشوى قالوا مازال ما حددنالكش موعد وقاعده نستنى فى التليفون امتى يرن ويحددوا لى موعد؟انا متوكله على ربى وحاطه كل الاحتمالات والحمد لله هاديه وامبارح رقدت مرتاحه ,,,
سلمت أمرى لله (ههههه)

ادعولى أن ربى يصبرنى ويثبتنى لو طلعت حاجه مش اكويسه

ممكن يا بنات تستغربن انى نكتب وعادى
بس الحمد لله انى من الاول عارفه ان احتمال عودة المرض خلال الثلاث سنين الاولى عندى 14%
وعودة المرض مش معناها النهايه(لأن اعمارنا امحددها رب العالمين من قبل ما نتولدواوالامراض اسباب بس)
بس اللى شاغلنى انهم بيعاودوا رحلة العلاج اخرى .وهذا المتعب فى الامر .
فيه ناس ايعاود لهم اربع وخمس مرات وفيه اللى يقعد اكثر من خمس سنوات ما ايعاودش فهذا ايسموه كنسر فرى
هذا عليش ايديروا المتابعه لمدة خمس سنوات .
والحمد لله انى قاعده فى بلد متطور والعلاج متوفر والابحاث مستمره

سامحنى حنشغلكن بس ما عندى لمن نشكى غيركن
ومحتاجه لحد يثبتنى وانفضفض له ,,,,
حنحاول انطمنطكن كل ما اتجد حاجه
وان شاء الله ما اهناك الا الخير
ما تنسنيش من الدعاء
وربى ما ايوريكن شر ولا يشغلكن على غالى .

السلام عليكم ورحمة الله وبركاته

اختي ام محمد
ان شاء الله ربي يشفيك وان شاء الله ماعندك الا كل خير

يا رب يا رب اشفي اختنا أم محمد

وياريت اتطمنينا عليك
وتخلي ايمانك بالله قوي كيف ماتعودنا عليك

"قل لن يصيبنا الا ماكتب الله لنا هو مولانا وعلى الله فليتوكل المؤمنين"