مجنونة ولا ايش ؟؟؟؟؟؟؟؟ زوجت زوجها ثلاث مرات !!!!!!!!!!

اليوم قالي زوجي ابغاك تزورين زوجة ولد عمي فلان

ومن يوم قال اسمه مغستني بطني وصابني الله يعزكم سهال

زوجته مهيب صاحية كل يوم خاطبتنله وحده

لحد اليوم مزوجته ثلاث ومطيرتهم ((( بالطبع هي تقول طاروا من حالهم )))

قلت في نفسي يابنت وشي يبي زوجك بهالزياره شكله يخطط على شي

وقامت الافكار تدور براسي

وزي الرسوم صار فوق راسي ثنين واحد يقول :) شي طبيعي زياره ودية والثاني :30: يقول ايه هين وديه الرجال شياطين يالرقله جهزي اسلحتك

المهم قلت في نفسي يابنت مالك ومال الشك اقلها تعرفي على هالمره وش قصتها وتزويج رجلها وخصوصا ان زوجي كل ساعة راجني فيها هذى المره السنعة :09:

ماطول عليك سيرنا عليهم وبعد السلام و قليل من الكلام دشيت عرض بالموضوع

انتي ليش تبين تزوجين رجالك ؟؟؟ شكلة ماتحبينه ؟؟ يمكن انك مريضه ومنتي قادره على واجباته ؟؟ والا عيالك مشغلينك عنه ؟؟ والا ايش ؟؟

ضحكت بكل برود :42: وكشرت عن انيابها وقالت ليش انتي خايفه

على فكره انا ما اقول لاي وحده انها تزوج رجلها كل زوج وزوجته حرين بحياتهم

وانا متفاهمه مع زوجي واحبه ووهو عنده رغبه يتزوج وانا احقق له هذي الرغبة

قلت لها : في رجال ماعنده هذي الرغبة صدقيني عيونهم فارغة مايملاها الا التراب

قالت بكل برووود : شي حلو ، مادام عنده هذي الرغبة انا بحققها له وبسعده زي ماهو مسعدني

قلت : انتي بجننيني ، مسعدك دلعيه ، هنيه بحياته باي شي يطلبه الا الزواج انتي تيبن رجال ولا نصف رجال .

طاحت من الضحك و قالت : اي نص واي ربع ، ليش هو كيلو لحم ، عموما صدقيني انا ما انصح اي وحده انها تزوج رجلها لان الازواج مو زي بعض انا زوجي عارفته وواثقه فيه ، وعلى فكره انا مزوجته ثلاث قبل اللحين وكلهم احلى مني وللاسف كل وحده منهم كانت تبغى تتحكم فيه فيطلقها رغم اني اعاملهن زي خواتي والله ماكرهت ولا وحده فيهم ، انا مايهمني اي احد مادام انا مرضيه زوجي اللي صدقيني لو امشي له على رموش عيوني ماوفيت له حقه ، واذا خايفه من زوجك يتزوج قولي له يصير مثل زوجي وتزوجينه .

قلت لها : والله فكره نكسب شوي :30: ،،، واما زواج الا يامزوجته واذا يبي يتزوج الا ياقاعده عنده في البيت

واللحين قولوا لي يابنات هذي مجنونه ولا وش قصتها لاني بكره بزورها مره ثانية ((( الموضوع شدني )))

55 تعليق 4,820 مشاهدة

شاركي في النقاش

سجلي الدخول لإضافة تعليق.

التعليقات

53
  1. معقولة هالحرمة ماتحس بغيرة او اي شيء تجاه زوجها يوم تزوجه ثلاث مرات

    انا ما فهمت بصراحة وش تسوي بالضبط علشان ثلاث يطيرون مرة وحدة

    انا فوق راسي علامة استفهام ؟؟؟؟؟؟؟
  2. @bsyr

    لاهي مجنونة ولاشئ
    لكن الله العالم إنها عارفة إنه زوجها متزوج متزوج رضيت ولا مارضيت
    فقالت خليني أنقي له وحده أعرفها أحسن من وحدة ما أدري من أي أرض جايبها
    وصارت لوحده أعرفها وراحت خطبت لزوجها
    تصدقين إنه الرجال طاير بزوجته الأولى ويحبها ويحترمها
    والثانية بذلت مجهود كبير تسحبه لها بس ماقدرت
    وترى على حسب علمي عادل بينهم بإلي يقدر عليه
    حتى سفرياتهم الخارجية يسافر بالأولى ويمشيها ويبسطها
    وبعدين يرجع السعودية ويرتاح يومين وبعدين ياخذ الثانية ويسافر فيها لخارج المملكة
    يعني مايجبرهم يسافر مع بعض لتوفير تذاكره على الرغم إنه مديون بسبب البناء
    وعلى الرغم إنه الأولى لاحلى ولا جمال بس أخلاق ومحترمة
    والثانية جمالها متوسط وصغيرة في السن بس شخصيتها قوية ..
    وأولاً وأخيراً
    البيــــوت أسرار...
  3. @dory_1

    و أنا فوق راسي لوحة المفاتيح كلهااااااااااااا ...


    فيه إحتمال إنها زوجة ماااليه يدها من زوجها و فاهمته بدليل كلمتها ((( يبون يتحكمون فيه و يطلقهن ))....يعني فاهمة كيف يرتاح و كيف تجذبه و هذا اللي مخليه يميل لها ...

    او إنها تتبع أسلوب كثر عليه يمل !!!........يعني ما تعارضه و تزوجه مثل اللي يعطي الطفل كيس حلاوة بدل الحبة عشان يعافها من ثالث حبة ....لأن كل ممنوع مرغووووووووووب

    أو إن عندها شيء ما قالته ...

    عموما ما نقول إلا ما شاء الله عليها و الله يديم المحبة بينهم و لا يغير عليهم
  4. @klmh_hadfh

    صاحبة الموضوع
    قمووووورتي
    معقولة هالحرمة ماتحس بغيرة او اي شيء تجاه زوجها يوم تزوجه ثلاث مرات انا ما فهمت بصراحة وش تسوي بالضبط علشان ثلاث يطيرون مرة وحدة انا فوق راسي علامة استفهام ؟؟؟؟؟؟؟
    انا فوق راسي مليون علامة

    ليتك شايفتها وهي تقول ((( عادي وش فيك انتي متعجبه )))

    عموما بكره او بعده بوريها كل الردود
  5. @klmh_hadfh

    صاحبة الموضوع
    بصيرة
    لاهي مجنونة ولاشئ لكن الله العالم إنها عارفة إنه زوجها متزوج متزوج رضيت ولا مارضيت فقالت خليني أنقي له وحده أعرفها أحسن من وحدة ما أدري من أي أرض جايبها وصارت لوحده أعرفها وراحت خطبت لزوجها تصدقين إنه الرجال طاير بزوجته الأولى ويحبها ويحت…
    بصيرة شكرا على مشاركتك

    والله انا مافهمتها ولا عرفت وش تفكر فيه

تابعي تجارب أخرى من هذا القسم.