شاركي في النقاش

سجلي الدخول لإضافة تعليق.

التعليقات

1,859
  1. em mohamed
    السلام عليكم ورحمة الله وبركاته ,,, أمشيمشه ...عيونى....أم تقى الدين ....ليبيه 100%.....أمواج ... حياة الحلوه....سلفية .....هناء......اريام.....مهاد....قودلايف...غاده .... ليبيا قلبي....تقربصتى....أم ميمى ومودى....مرام....قرين ستار.. ..شا…
    السلام عليكم ورحمة الله وبركاته
    ما شاء الله تبارك الله الحمدلله عاودت ورجعت الروح فى ملتقانا- احلى صحبه-
    ادام الله عليك النعم يا ام محمد ولا حرمنا الله طلتك علينا ،،،، ما شاءالله لا قوة الا بالله عندك شعبيه كبيرة ،،تهيألى كان ترشحى روحك للرئاسه تفوزى :) ،،،، الحمدلله دير خير تلقى خير ، ان شاء الله حالك توة احسن وان شاءالله ربى يزيد ايطمنك ويهنيك

    سلفيه-----كيف حالك والبنوتة وطمنينا عليك وربى يسهلك امورك

    خواتى كلكن كيف حالكم ربى يسمعنا عنكم كل خير :) :26:
  2. @g_libya

    السلام عليكم ورحمة الله وبركاته

    الغالية أم محمد ألف الحمد لله عالسلامة ...... وان شاء الله ماتشوفي شر

    وننتظروا معاك نتائج يوم الاثنين

    والامتحان ان شاء الله انكونوا في الموعد ونكتبوا صح

    والحمد لله عالسلامة يا غالية
  3. @em_mohamed

    صاحبة الموضوع
    em mohamed
    السلام عليكم ورحمة الله وبركاته ,,, أمشيمشه ...عيونى....أم تقى الدين ....ليبيه 100%.....أمواج ... حياة الحلوه....سلفية .....هناء......اريام.....مهاد....قودلايف...غاده .... ليبيا قلبي....تقربصتى....أم ميمى ومودى....مرام....قرين ستار.. ..شا…
    حياة
    بارك الله فيك على المكالمه
    والله فرحت بيها
    غير عطينى مفتاح الامارات رقمك طلع عندى .
    ربى أن شاء الله يقوى سعدك ونفرحوا بيك يا غاليه

    أم تقى الدين
    وعليكم السلام ورحمة الله وبركاته
    يا حنا الملتقى عامر باللى فيه
    ماشاء الله على البنات ربى يحفظهن كلهن ما قصرن
    وأين رئاسه ؟؟؟؟
    ما توديناش فى داهيه بالك انروحوا فى الصيف (خخخخخخ)
    كانش كندا فيها امل نقعد رئيسة وزراء لدوله عظمى :30: .
    (مش قلتلكن العربى كان تنعوش ما ايدير خير)

    غاده
    وعليكم السلام ورحمة الله وبركاته
    الله يسلمك يا احبيبه
    وبارك الله فيكن كلكن ونعم الاخوات

    على فكره اتصلت بسلفيه وما اتردش
    من منكن كلمتها وتخبرنا شنو حالها ؟
  4. @good_life

    شام
    أعيذ أختي أم محمد بالله الاحد الصمد , الذي لم يلد ولم يولد ولم يكن له كفوا أحد من شر ما تجد وتحاذر . اللهم صلي وسلم وبارك على سيدنا وحبيبنا محمد , صلاة ترضيك وترضيه وترضى بها عنا يا رب العالمين .. اللهم اصرف عنها شر الامراض , وشر الأسق…
    بسم الله الرحمن الرحيم
    السلام عليكم ورحمة الله وبركاته
    ام محمد الف الحمدالله على سلامتك الحمد الله ربى العالمين
    ربى يدوم عليك الصحة والعافية
  5. السلام عليكم و رحمة الله و بركاته

    كيف حالكم و شن اخباركم
    ان شاء الله كلكم بخير و صحة و عافية

    ام محمد
    الله يطمن بالك و يريحه
    و الله يديم عليك الصحة و العافية

    امواج
    و ين مغطسة و و ين تهدريزك الحلو
    الحمد لله اطمنا علي ام محمد تعالي واحكينا علي يوميياتك

    حياه حلوة الحلوة
    كيف حالك و بديتي في شري الهدايا والا مازال
    اني ليا هلبة علي السوق و المشكلة كل يوم نقول بنطلع ولكن خلوقي مضايقات و نقعمز و خلاص

    غادة الحبوبة
    كيف حالك و كيف حال الخطيب ان شاء الله اموركم تمام , ربي يكمل عليكم بالخير

    مشيمشة
    كيف حالك و حالك عويلتك
    تعرفي هاذي فرصتة ادلعي علي راجلك و اطلبي و قولي خاطري و خاطري
    ان ياحسرة كلهم قالولي لما كنت حامل ادلعي لكن ما عدلتش

    تقربصتي
    كيف حالك و شن اخبار البنوتات الحلوات

    اريام الحنين
    كيف حالك و اش اخبارك
    انتقلتي للبيت الجديد و الا مازال , الله يعاونك

    مرام
    كيف حالك و حال صغارك
    و ان شاء الله امورك تمام و الله يسر امرك و يفرج همك و غمك و يريح بالك

    ليبيا قلبي
    و ين مغطسة و الله ليك وحشة
    شن اخبار الريجيم معاك , ماشية تمام و الا رخيتي

    قوذلايف
    كيف حالك و شن اخبار وليدك
    علي فكرة كم عمر ولدك , كان فات العام و نص فكري في و نيس و الا ونيسة لوليدك

    قرين ستار
    كيف حالك و حال بنيتك
    شن صار معاك حامل و الا لا {بشري}

    ليبية 100100
    شن اخبارك و شن اخبار عرب المانيا
    ماشاء الله في هلبة ليبيين غادي , انت عندك صحاب ليبيين في نفس المدينة

    امل المصباحي
    كيف حالك و حال العريس
    و شن اخباركم مع العسل الحسوا توا لين تشبعوا قبل ما اتجيبوا الصغار:hahaha:

    ام مودي وميمي
    شن اخبار الريجيم و النيولوك

    ام تقي الدين
    كيف حالك و حال صغويرتك
    شن اخبارك و شن امدايرة

    باقي الحلوات ان شاء الله تكونوا بخير

تابعي تجارب أخرى من هذا القسم.