شاركي في النقاش

سجلي الدخول لإضافة تعليق.

التعليقات

18
  1. @alhnof_21

    صاحبة الموضوع

    المشاركة المقتبسة غير متاحة.



    هذا كله انا ما تعودته من امي !!!!

    امي تغيرت كثيييير .. للاسف صارت مثل ابوي !!

    و حتى اذا الحياه بدت تتعدل .. انا عايفتها خلااااص!
  2. المشاركة المقتبسة غير متاحة.

    امك بحاجتك حتى وان قست عليك امك كانت تطبطب عليك وتسال عنك وتواسيك يوم انت بحاجتها الحين والله امك بحاجتك امك اكيد مجروحه ومحتاجه من يداوي جراحها صدق ارتحتوا بس فيها جرح بس تحمليها حبي على راسها وتكلمي معها تراها تسمعك وصلي وادعي ربك وان شاء الله بيصير كل شيء تمام بالنسبه للدراسه حرررررررررام عليك ربي عطاك كل شيء والحين تهيات لك الضرووف احس بيصير لك مستقبل فقط تعوذي من ابليس وفكري بمستقبلك الذي بيدك انت تدمريه او ترقي به خلك من السلبيه وكوني ايجابيه فلن ينفعك احد غير نفسك وووودمتي :)
  3. @bnt_ngd11

    حبيبتى الهنوف
    البنت فى مثل سنك تكون حساسة شوى بس المفروض ما تخلين هذا الشىء ياثر على علاقتك بالحياة الحياة مليانة ماسى ويا كثرها وبعد مليانة افراح بس اللى يستفيد من مشكلتة ويحولها لصالحة
    يعنى امك لا تلومينها انها زعلانة عليك يعنى حضرتى العرس وبعد رقصتى؟؟؟؟؟؟؟ لا تلومينها لما بكرة تتزوجى بتعرفين ان الضرة مرة حتى لو ان الزوج مو ذاك الزود ........ انا ما ابى اناقشك عن حضورك لانك بررتية تبغين رضا ابوك بس هذا الشىء ما يشفع لك فى نضر امك؟
    يعنى قدرى سبب زعل امك ولا تزعلين عليها روحى لمها وطلعى اللى فى قلبك كلة وابكى وتاسفى وراح ترجع المياة لمجاريها ان شاء الله ولا تياسين اكملى دراستك وادعى دائما الحى فى الدعاء واحسنى الظن بالله وتاكدى انك طرقتى باب الله وهو اكرم الاكرمين لن يخذلك ابدا وان شاء الله بتكملين الدراسة وبترضى عليك امك وابوك بيتحسن لانة بيجرب غيركم ويعرف قدركم والله يوفقك يا رب قولى امين
  4. @mshroaa_fylsof

    بنت نجد11
    حبيبتى الهنوف البنت فى مثل سنك تكون حساسة شوى بس المفروض ما تخلين هذا الشىء ياثر على علاقتك بالحياة الحياة مليانة ماسى ويا كثرها وبعد مليانة افراح بس اللى يستفيد من مشكلتة ويحولها لصالحة يعنى امك لا تلومينها انها زعلانة عليك يعنى حضرتى …
    حبيبتي يالهنوف حاسة فيك الله يكون بعونك

    ماراح اتكلم معك عن الماضي وعن اللي صار لك بتكلم معك عن امك المسكينة وعن مستقبلك .

    ياهنوف زواج ابوك كان من يومين ..

    شلون تطالبين امك انها تكون متماسكة وحنونة وصابرة !!!!

    حتى لو ماتحبة ياختي .. حتى لو كان متعبها .. المرأه جبلت على الغيرة

    رقصك في زواج أبوك كان صفعه لأمك بغض النظر عن نيتك وهدفك . لكن انت رقصتي وانتهينا .

    هالحين اطلب منك تقدرين موقف امك وتحسين بشعورها وبلوعتها


    هالحين هي الدنيا سودا بعيونها.. الزوج وراح أسأل الله ان يرده لها ردا جميلا عاجلا غير آجل .

    تو الناس لاتستعجلين ان امك تستعيد ذاتها يبي لها اقل شئ سنة عشان تستوعب أن زوجها تزوج .

    وهي اصلا ماهي زعلانه منك انت تحديدا لكن هي تبي احد تطلع حرتها فيه ..

    ماعليه يااختي ترى امك ماصبرت هالسنين كلها الا لعيونكم ..اصبروا عليها هالكم شهر .


    حبي راسها ورجولها ,,, وترضيها ,,, وامتصي غضبها ,,, وتقبلي قهرها بصدر رحب ,,,

    وكلميها بعد فتره عن ان رغبتك في انها ترجع حنونه مثل اول ..

    قولي لها لاتصير هي وابوك والزمن عليكم

    ( بعدين قولي لها هالكلام مو هالحين ...هي الآن تبي من يفزع لها ويشد من ازرها ويخفف عنها التعب مو اللي يزيدها )


    بالنسبة لمستقبلك ..

    اصبري شوي.. عشان يومين امك زعلت فيهم حكمتي على نفسك بالفشل !!!!!

    يمكن ابوك بعد زواجه يصير مثل العسل معكم ..

    امك بعد كم شهر تستوعب اللي صار وترجع لكم احسن من اول ..

    انت وتقدرين تذاكرين بكل راحة وسهولة

    وتصيرين طبيبة ( مع اني اكره دراسة الطب ولكن الله يبلغك اللي تبين ) :)

    لاتستبقين الاحداث وخلي ثقتك بالله كبيرة ..


    وبحول من لاتنام عينه تجين بعد فتره قريبة وتبشرينا بصلاح احوالكم

    وراحة بالكم

    وتضحكين على ايام زمان

    الله يوفقك يالهنوف ويسخر لك من يخافه ويتقيه ويعينك ويعدل امورك ويسهل لك

    ويفتحها بوجهك ويعين امك على مابلاها ويرد لكم ابوكم ردا جميلا عاجلا غير آجل
  5. @alhnof_21

    صاحبة الموضوع
    بنت نجد11
    حبيبتى الهنوف البنت فى مثل سنك تكون حساسة شوى بس المفروض ما تخلين هذا الشىء ياثر على علاقتك بالحياة الحياة مليانة ماسى ويا كثرها وبعد مليانة افراح بس اللى يستفيد من مشكلتة ويحولها لصالحة يعنى امك لا تلومينها انها زعلانة عليك يعنى حضرتى …


    انا ما راح اقدر عليك لان ردك و ربي كل ما اقراه ابكي .. !!!

تابعي تجارب أخرى من هذا القسم.