مواقف من الحياة ...تلزمنا التفكير والتأني لنفوز بالراحة والسعادة

السلام عليكم
أم الغنادير

أحسنت والله وأخر شيء الوحدة تبغاه يصير ان اهلها يكرهون زوجك ابو عيالك
والله يجزاك خير يا عسل


ام اسمهان
حبيبتي واختي العزيزة كلنا في هالحياة نتعلم وما أحد طالع لهالدنيا فاهم لكن الحياة تعطي دروس
ونبغى نتشارك مع بعضنا البعض خبراتنا حتى الوحدة تتجنب الأخطاء اللي تقع عند غيرنا
وهلا بك يا عسل



مشتبة تسبدي

الله يسعدنا اجمعين قولي امين
ونبغى بعد الأخوات يشاركونا بعد


اسعد الله الجميع

جزاك الله عنا خير

قمورتي كلامك والله درر ويوزن بالذهب الله يسعدك ويوفقك لكل خير


فعلا مثل هالنصايح المباشره اللي بدون تكلف توصل للقلب مباشره --
ا
الله يهدينا ويسخر لنا ازواجنا ويسخرنالهم ويفكنا من العصبيه والغضب وشياطين الانس والجن--

كلام حللللوا

يالله وأنا أسمعوا مني
بس بنتقل لموقف آخر بس مو بعيد عن الزوج؟؟؟؟؟؟؟؟؟؟؟؟اللي هو موقفك مع أهل زوجك
إحرصي دائماً أنك ماتقولين لزوجك علي أي موقف أو مشكلة بسيطة تحصل لك مع أخواته إلا إذا كان شيء كبير يمس كرامتك انت وأهلك ذيك الساعة يكون التصرف غير.....أما المواقف العادية اللي بس الحساسية الزايدة اللي في نفوسنا وما نتحملها وقت وقوعها ماله داعي تجبين طاريها عند زوجك خاصة الأخوات البنوتات اللي ماتزوجو يكون تفكيرهم وتعاملهم أحياناً مع زوجة أخوهم نوعاً ما سطحي

تتدرون ليه؟؟؟؟؟؟؟؟؟؟؟؟؟لإنك بها الطريقة تكهربين زوجك مع أخواته على توافه وهذا ماترضها كل مسلمة وعلى إيش على أمور ماتستحق الذكر
والأمر الآخر اللي أحب أشير إليه....هو أن تحرص كل وحده أنها ماتجرجر أخبار أهل زوجها من زوجها
زي إذاكان ذاك اليوم توه جاي من عندهم متقهوي.....تقعد الوحدة بس في هالأسئلة وش عندهم من أخبار.... أخته أنخطبت جوها معاريس اليوم ولا لا...والثانية رجعت لرجلها ولا لا..........والثالثة وش مجلسها يومين عند أهلها متزاعلة مع زوجها ولاحامل متوحمة..........وحده منهم اليوم رايحه للسوق هاه بس ودها تعرف وش شرت وبكم....وووووووووهكذا وترى كثير من هالنوعية والأشد من كذا انها مستحيل طلع خبر من بيت أهلها لهم
أهل الزوج بها الطريقة راح يتعاملو ن مع أخوهم اللي هو زوجك بتكتم وسرية إذا كانوا يدرون ان الخبر بيوصل لمرت أخوهم...وصعبة ان الأخو يشوف أهله وأخوانه كذا يعاملونة خاصة إذا كان الكبير
حافظي على أسرار أهل زوجك ان علموك بخبر الحمدالله وان ماعلموك على راحتهم


هذا اللي أذكره وان شاءالله أرجع أزيد بعدين لكن نترك المجال للأخوات
على فكرة أتوقع أن فيه مواقف كثيرة للي ساكنه مع أهل زوجها