الف شكر لصاحبة الموضوع وعلى كل من اغنى الموضوع بالردزد المفيدة وحابة اتشكر الاخت ام عبد الرحمن ويا رب الله يوفقها ويوفقنا جميعا لرتبية ابنائنا التربيه الصالحه اللي بيرضاها
بس اخت ام عبد الرحمن في سؤال عم يدور براسي من كم يوم وما قدرت ما اسالك ياه
لفت انتباهي وقت عم تقولي عن ابنك انه لما عم يشاهد عالتلفزيون الحيوانات المفترسه اللي عم تلاحق حيوانات ضعيفه
انه قال (كأنهم حمر مستنفرة فرت من قسورة)
بسم الله ما شاء الله عليه بصراحه من لما قريت هالجمله وانا عم فكر فيها ......
كتير حابة اعرف من اي عمر بديتي معه بحفظ القران وكيف طريقتك
لانه اغلب الي حولي بيحفظه اولادن فرضا جزء عم بسم ما بيشرحولن ابدن يعني مجرد حفظ
يعني حضرتك كيف كانت طريقتك .
وشي تاني كمان الي حولي كلن بقولو للولد انه بتحفظ سورة عم وبجبلك سيارة وحبيبتي اذا حفظتي النازعات رح جبلك فلة
يعني هيك دائما لازم يكون في مقابل
انا كل ما بناقشن بهالموضوع وانه لازم يحفظو من اجل الله مو من اجل مقابل مادي بيقولولي انه هدول صغار واذا ما اغريتين بالمقابل المادي ما رح يحفظو
انا بنتي عمرا سنتين ونص بس ما حابه ابدا انه لما ابدأ معها بحفظ القران انه يكون دائما في مقابل
كيف بدي ازرع بقلبا حب الله وحب حفظ كتابه لاجله وحده عز وجل
عندي اسئله كتييييييير ومو حابة الموضوع ينتهي
ياليت كل من عنده تجربه مفيدة يأتحفنا فيها لاني بجد هالموضوع كتير اثر فيني
مين فيكم تقدر تقول بفخر"أنا تعبت في تربية عيالي"
متابعة النقاش، صفحة 17