الرحم مفتوح 2 سم وعنق الرحم وراوعيزت وانا اخذ عشبة كف مريم !!

وايد نصحوني بعشبة كف مريم وفعلا اخذتها وانا لي الحين 10 ايام او اكثر شوي مفتوح الرحم عندي 2 سم وياتني الام بعد ما شربتها بس ثاني يوم تروح انا اخذت كوب في الليل وكوب في ثاني يوم العصر واخر كوب في الليل ومع المشي لكن ماكو فايدة وبصراحة تعبت التقلصات مو زينة كثرتها على البيبي وانا التقلصات تييني لكن ما تنتظم وفيني عوار مو طبيعي يشد ظهري ودفع للاسفل
المشكلة انه هذي ثالث ولادة لي يعني المفروض اسهل ولو اشوي من اللي قبلها عموما الدكتورة قالت لي انه عنق الرحم رايح ورا راس الياهل ولو بس يتحرك من مكانه ويصير تحت راس الياهل راح يي الطلق وعلى حسبة الدكتورة الحين خلصت 37 اسبوع
اللي عندها خبرة او الدكتورة ياريت تساعدني وتنصحني شسوي


ملاحظة : سألت دكتورتي شنو اسوي علشان اعدل قلبة عنق الرحم قالت لي ولا شي الطلق اهو اللي بيعدله وعليج بمغلي الحلبة صبح وليل لين ايي عوار والمشي ما يفيدج . وفعلن اخذت الحلبة بس نفس سالفة كف مريم عوارات وتقلصات تنتظم اشوي وبعد 3 ساعات ماكو شي !!!

5 تعليق 5,126 مشاهدة

شاركي في النقاش

سجلي الدخول لإضافة تعليق.

التعليقات

5
  1. @shykh_alksman100

    ياختي لاتتهورين تو الناس توك بالاسبوع 37 اصبري شوي لحد مايكتب ربي وييسر لك ولادتك طبيعي بيسر وسهوله مو زين الواحد يستعجل اجل وش تقولين اللي بالاسبوع ال40وتوها ماعندها طاري والبيبي راقي فوق اللي صبرنا 8 شهور نصبر كم يوم الله يفرجها علينا جميعا
  2. @sara_777

    صاحبة الموضوع
    يا بنات اذا في احد مثلي ياريت تقولي اشسوت
    وعلى فكرة انا معروفة في حمالاتي ما اكمل لي 40 اسبوع اولد في ال 36 او 37 اسبوع وماشاء الله عيالي مكتملين واوزانهم 3 وفوق

تابعي تجارب أخرى من هذا القسم.