بلا طيبة بلا بطييييييييخ اللي تقول أنا طيبة قصدها أنا جباااااااااااانة

كلامك في محله00
وانا واحده من الجبناءءءءءءءءءءءءءءءءءءء
لاني افضل السكوت دائما لاسباب:
اولها اني ماتربيت على الرد في بدايه زواجي وصرت مافكر بالي صار الا بعد ماروح لغرفتي
بعد عده مشاكل طاحت على راس زوجي لانه مسكين اجي اصيح عنده من القهر لاني ماعرفت ارد
ثانيها نبهني والدي حفظه الله ان ارد عليهم واقابل زوجي بوجه مبتسم ولا كأن شيء صار فبدئت بدايت غبيه لاني ماعرف ارد واحيانا الرد يكون ناقص مايبرد القلب
وبعد كم رد واجهه مشاكل اكثر من الي حولي ومن نفسي وذلك نظرا لتزايد المجادله والنقاش الحاد وتبادل الرد بينك وبين من يقابلك او اخطىء عليك والمسأله تطول
بعدين انتي نفسك تقولين ليتي قايله وليتي زايده
ومشاكل لاحصر لها خاصه مع الجهله وانك تنزلي مستواك لهم وتدني اخلاقك مجرد انك تثبتي ذاتك
وناس تجرحك وان قلتي كلمه ياويلك
بذلك0000000
فضلت السكوت والنظر لمن حولي بابتسامه
(حر عدوك بالسكات)(الحقران يقطع المصران)
ولا اخفيك سرا ان بسكوتي ايضا لاقيت مشاكل اكثر وخاصه من اهل زوجي ولاكن مازلت افضل السكوت والبعد عن الحديث بالامور الشخصيه والزوجيه والاهليه والزميلات000
ولك خالص شكري وتقديري

مرحبا اخواتي
بصراحه الموضوع مره حلو وحبيت اشارككم فيه واتمنى لو انسانه وحده بس تستفيد من تجربتي
انا كنت من هالنوعيه واسوأ شي كنت اعانيه اني مااقدر اقول وكمان اعرض خدماتي بالمجان

اعطيكم مثال:
بحكم دراستي في الجامعه كانو صديقاتي يلجئولي بدون طلب لانهم عارفين طبعي ويقولون يارا عندي بحث يوووه مره ضايق صدري _لاحظي بدون طلب _ادق الصدر واقولها ابشري انا بسويلك اياه
وحتى لو وحده منهم بالغت بالشكر اقولها لا ولله ماسوينا الا الواجب تستاهلين كذا واكثر اصلا مررره كان سهل ولاتعبت
الان صارت انتظر الين مايطلب مني الشخص واقول بشوف ظروفي وارد عليك وبعد ماارد اقولها شوفي فلانه انا فاضيه بالوقت الفلاني اذا ودك بروح المكتبه معك واساعدك
واذا رحنا المكتبه اقولها اتووقع شوفي الكتاب هذا او هذاك اتوقع بيفيدك او زوري الموقع هذا تلقين فيه معلومات وانسحب انتهى دوري تجي وتشكرني وتبالغ بالشكر ماانطق الا بكلمة العفو عزيزتي بس .......

مثلا موضوع السلام كنت اذا شفت اي وحده اعرفها وطاحت عيني بعينها اقوم افز من مكاني واروح لمكانها واسلم عليها لاحظت انه في بعض ناس يمرون من جنبي ويسوون انفسهم ماشافوني وانا افز واضرب لهم مشوار

صرت اعاملهم بنفس الاسلوب يعني لايمكن اقوم لاي انسانه واروح لها اذا قابلتها بالصدفه سلمت
ومره من المرات مرت وحده من جنبي وسوت نفسها ماشافتني وراحت جلست في الكرسي اللي قدامي رفعت عيني وناظرتها نظره لامبالاة ابتسمت وتوقعت اني بجيها كالعاده سفهتها قامت وجت لحد عندي وسلمت _لاحظي انها مرت من شوي وماسلمت والحين قامت من مكانها وجت عشان تسلم_

لاني قصيره كانت وحده من البنات تعلق على طولي دائما والبنت طويله ومره سمينه كنت اسكت ولاارد عليها ياأما ابتسم ياأما بكل غباء اقولها يالله اتمنى اطول في مره من المرات قالتلي لقيت جهاز يطول في محل ... قلتلها يوه مدامك رحتي ليه ماشفتي الجهاز اللي ينحف كان اشتريتيه ينفع مع الناس اللي اوزانهم مره ثقيله وصرت دايم اقولها يلا عيوني شدي حيلك بالرجيم شوفي صار جسمك ارحم من اول انتبهي عشان ماتنفرطي مره ثانيه وبعدها توقفت تعليقاتها علي
وحده من قريباني من الدرجه الاولى كانت علاقتي فيها ممتازه وكنت اعلمها اشياء كثير واوريها وافيدها باشياء مره كثيييير واتعامل معها بقمة الغباء ومره من المرات تخاصمت هي واختي تلفظت وعلى خواتي قالت لأختي يابنت الكلب قاطعتها لفتره ماصرت اسلم عليها برغم ضغوط الوالده الله يحفظها وقاطعتها لانو مو شي تافه سبت ابوي وبعد فتره رجعت اسلم عليها ولكن برسميه وحتى لو ضحكت معها ماصارت تستفيد من وراي اي شي ولايمكن ادلها على شي او اعلمها شي وصارت تحترمني وانا سرت احترم نفسي اكثر

المهم عزيزاتي ودي اكمل بس مدري اصلا كلامي احد استفاد منه او لا اذا استفدتو قوليلي وبكمل
والف شكر لصاحبة الموضوع

ياعزيزتي :
انا طريقتي مع من اتعامل معهم إني لازم انتصر عليهم..........كيف؟؟
تفضلي ......







أجبرهم بأسلوبي الخاص بالتغاضى عن الكلمات الجارحة مهما كانت وعدم مقابلتها بالمثل
بل بالعكس تماما مثلا (إذا قالت احداهن فستانك اليوم موضته قديمة....
...............اوقالت طبخك اليوم غير لذيذ .........او ملابس اولادك كذا ..................)) وغيرها من العبارات التي تستحق مقابلتها على الاقل بمثلها......... لكني أتمالك نفسى واسيطر عليها للاخر .
وتجدينني قبل نهاية الجلسة لابد ان امدح اي شئ من الذي انتقدتني فيه مثلا ما شاء الله فستانك في منتهى الجمال عليك............
وانا ما اعتبر هذا ضعف مني بل بالعكس منتهى القوة اني اتحكم في نفسي واخطط اني ارفعها لمستواي
ولا اسمح لها تنتصر علي وتنزلني لمستواها :42: .

وصدقيني مع الوقت راح يتغير اسلوبها معك انت بالذات(ممكن باخذ وقت طويل)المهم في النهايه راح تخجل منك ومن نفسها و تبدا تعاملك بمنتهى الذوق وما تتخيلين مقدار سعادتي واعتزازي لما
اسمع من الناس استمرارها في اساليبها الجارحة معهم ولكن عندي تلزم حدودها...ليش؟؟؟

لاني ماعاملتها باسلوبها بل انتصرت عليها واجبرتها تعاملني باسلوبي انا.

وفي النهايه ضربت عدة عصافير بحجر واحد:
اكتسبت محبة كل من حولي لاني مااجرح احد.
صاروا يتعاملون معي بلطف ومجاملة(مستغنيه عن آرائهم الحقيقية ماني بحاجتها)
والاهم طبقت قول الله تعالى(ادفع بالتي هي أحسن فإذا الذي بينك وبينه عداوة كأنه ولي حميم)




وعموما هذا اسلوبي اللي طلعت عليه واتعامل فيه طول حياتي
واتحدى اي احد يعتبرني ضعيفة.....طيبة نعم..نعم..نعم..نعم
ضعيفةلالالالالالالالالالالالالالالالالالا!!!!!

كلام اختي namire_ra عين العقل ،،،،، وانا افضل اكون طيبة بحدود ولا اكون سليطة اللسان ،،،

ومثل ما قالت سليط اللسان هو الجبان الأكبر ،،،

وصادقة في اننا يجب ان نحسن اختيار الاصدقاء اللذين يستحقون العطاء ،،،،

وصدقيني ما يقدر طيبتك الا اللي من طينتك ،،،

والانسان الشراني يلتفت له الانسان الضعيف و اللي من طينته ،، الطيورعلى اشكالها تقع ،،،،،،،،

الطيبة دليل على القوة والاخلاق الرفيعة وتكون دليل ضعف اذا كان عطاءك للي ( ما يستاهل )

ولا يقدر عطائك وللــ الشخص اللي يدوس عزتك وكرامتك ،،،،

خير الأمور اوسطها يعني طيبة مع قوة شخصية محترمة ،،،،،،،،،،

يعني طيبتي تكون مرآه لاخلاقي العالية لا ان تكون مرآه للضعف واستغلال غيري لي

وانتقاص من قدري وكرامتي ،،،

تقولي حماتك عيب تردي عليها
طيب والحل ؟
نعيش حياتنا والكبار مستغلين احترامنا طول العمر !! يعني اي كبير صار على خلق ! ليه ما نفكر برد محترم مؤدب يوقفهم عند حدهم