ماهو الحل مع صاحبة هذا المعرف ؟؟؟؟

اخوي
لازم جلسه مصارحه وكل واحد يقول الي بقلبه ومايكون فيها صراخ وهواش عشان كذا ماتكون في البيت عشان ماتاخذون راحتكم في الهواش
ممكن تكون في مطعم او اي مكان وبهدوووء
غير كذا عشر ساعات على النت كثير مره
لو قلنا 10 ساعات نت
8 ساعات نوم
6 ساعات شغل

صارت 24 ساعه

متى بتشوفها متى تطلع انت وياها متى تجلس معها ومع بنتك
اعتقد 4 ساعات كافيه وبزياده
وياليت تكون مقسمه بعد
وبعدين اي شي يضايقك منها قل لها في وجهها وفهمها ان الاعتذار يرفع من قدرها عندك وماينقص كرامتها
واذا هي تحب اسلوب الورقه والقلم اكتب لها كل الي خاطرك فيه

الله يسخركم لبعض يارب

وفقكم الله وأصلح أحوالكم
وعليكم بالدعاء والإلحاح فيه فهو برد القلوب ومفتاح السعادة

أخواتي وأخواني في الله اللي لهم نية يردون على الموضوع

يشهد الله اني لا اريد الا الخير لكم في الدنيا والآخرة

ادخلوا بين الرجال وزوجته بالخير .. لاتكبرون قلبه على زوجته

### تذكروا اننا ماسمعنا الا من طرف واحد ..

### تذكروا انه لايدخل بين الزوجين الا مردة الشياطين واحذوا ان تكونوا من شياطين الانس

### تذكروا ان زوجته قد _اقول قد _ تكون مظلومه ولدعوة المظلوم شأن كبير عند الله

فأحذوا ان تصيبكم سهام الليل بسبب منتدى .

### تذكروا ان ماتقولونه أو تكتبونه سيرد لكم ان كان في الدنيا أو الأخرة ..

### تذكروا انكم اذا دخلتم بين الزوجين بسوء قد يسلط الله عليكم من يدخل بينكم وبين ازواجكم او زوجاتكم من حيث لاتعلمون .

والله ما اردت بهذه النصيحة الا خيرا ..

وخوفا عليكم من دعوة مظلوم أو دمعة مقهور او عقوبة في الدنيا أو القبر أو الآخرة

شف اخي الكريم كلكم مخطييين ؟؟؟بتقولي كيف ؟؟

الحاجه الاولى انااحس من خلال ماوصفت سلوكها معاك ..انها متدلعه عليك بزياده (شف انا موضد ان المره تتدلع على زوجها ويدللها ؟؟بالعكس هذا اللي تتمناه كل زوجه من فارس احلامها) بس زوجتك مزوده الجرعه حبتين !!!وهذا ناتج عن شخصيتك الهزليه او الطيبه اللي ماتاخذ الامور بجديه ...فلازم تكون شخصيتك مع زوجتك متوازنه واعيد مره ثانيه متوازنه يعني موكل شي هزل ومو كل شي جد !!

وبالنسبه للسفر ..لاتلومها تراها ماتزعل ....الا لانها تحبك وتغااار عليك !!(والحريم بالمجتمع ياثرون بعد)انا عن نفسي مره زوجي سافر 3اسبوع لامريكا لوحده للعمل انتداب ..وانا ادرس ؟؟قامو الحريم يشاهقون ويخوفوني خليتيه يروح ؟؟مجنونه ؟؟عند الشقر العراه وووووووالخ ؟؟؟صراحه وقتها جن جنوني ...
اماباالنسبه لك انت ....كونك تقعد 10 ساعت بالنت ....صراحه قهر قهر قهر لزوجتك !!!مسكييينه صراحه .....الوحده تبي زوجها يقابلها ويسولف معاها ويتهاوش معاها ..ويمزح معها
بسسسسسسسسسس مايقعد عند انت مثل التمثال ....صراحه غلط مقصر عليها من هالناحيه

اما بالنسبه لها انها تزعل على اي شي تافه وتقعد كم يوووم زعلانه ولاتخبرك السبب ؟؟؟فانصحك انك تسفهها لين يطيح اللي في راسها ....لانها بهالاسلوب غلطانه