بنت المدينة هل تستطيع العيش في قرية مع زوجها ؟؟

اتوقع اختي ماعندك خيار لازم تروحين معه لانه مثل ماقلتي عذره مقنع
ولو اني اقولك من واقع تجربه بتتعبين في القريه
انا عشت طول عمري في الخبر ولما تزوجت رحت الجنوب بصراحه تعبت نفسين بعيد عن اهلي ومافي اسواق ولا طلعات ولا شي راقي..طفش وملل
لكن الحين الحمدالله نقلت جده صحيح اني بعيده عن اهلي بس جده ارحم بالعكس ماطفشت فيها
كله طلعات ومطاعم واسواق ووناسه وزوجي الحمدالله كل مابغيت اهلي وداني
وكمان يعتمد اذا كان نقل زوجك مؤقت ولا دائم اذا كان مؤقت روحي وتحملي اما اذا كان دائم!! اممممم برضه روحي والله يعينك واذا مثل ماقلتلي المسافه بين القريه والمدينه ساعه تقدرين اذا ماعجبك الوضع ترجعين لاهلك وتخلينه يروح ويجي متى ماحصل فرصه
تحياتي لك

هلا بك فجر الاحاسيس والله ملل لكن كل شيءيهون وانا عنده لاني جربت البعد
ويأست من الحياة عذرت اللي ينتحرون والله
وانا قررت اروح مع زوجي الله لايحرمني من شوفته كل دقيقه
والنقل دائم لان اهله نقلوا هناك
وانتي بعد اهم شيء انك عند زوجك واولادك وكمان اهلك ماهم بعيدمرره
والحمدلله زوجك مايقصرياخذك لهم
الله يسهل علي وعليك وتقبلي خالص تحياتي

انا ما قرأت اراء الاخوات و لكن ..............
ما رأيك لو رحت و بديتي رحلة جديدة بعالم جديد ببيت جديد باصدقاء جدد .............؟!
ماذا سيحصل لو جربتي هذا الوضع الجديد؟؟؟؟؟؟؟؟!
و من قال ان بالقرية الناس ما تهتم ببعض؟ و هل رأيت بعينك؟
ليس كل الناس مثل بعضهم فانت عندما ترتاحي لاخت اعزميها لعندك البيت و تعرفي عليها اكثر و اعملي جو لك ؟!
ماذا لو جربت؟
انت ستبقي بنفس البلد ,نفس اللغة, ........... اذن فما هو ردة فعلك لو تغربت؟
انا بنت مدينة و لكن بحكم عمل زوجي سكنت بقرية صغيرة..........و هذه القرية هي في الغربة كذلك..........كانت اجمل ايام حياتي..............حتى هناك تعرفت باخت مسلمة الوحيدة في هذه القرية من العرب............و انا و هي اصبحنا اعز اصدقاء ...........شفتي الصدف؟
اكيد الناس بالقرية نفسيتهم افضل من نفسية ناس المدينة
يا اختي كل شيء جديد سيكون صعببببببببببببب جدااااااااااااا و لكن بعد فترة سيتأقلم بالجو و الحياة مستمرة
ملاحظة مهمة......لو وضعت في بالك انك لن تحبي هذه القرية فلن تحبيها و لكن لو قلت لنفسك انك ستكوني سعيدة فيها فعقلك الباطني سيحب القرية ........ ارجو ان تكوني فهمت قصدي
بغض النظر عن كل اللي كتبته لك.........لو كنت مكانك..........لكنت تبعت زوجي حتى و لو كان مكان عمله بالمريخ........

شوفي الغرب يبحثون عن القريه علشانها حتى افضل في التربيه واريح نفسيا ويدرون البيوت القريبه وبعيده في نفس الوقت

يعني انتم قريبين من المدينه يمكن 1 وحده حلو صيرووا انزلووا ايام العطل للمدينه تعشووا وزوروا الاسواق وحتى في الايام العاديه اصلا الرياض بعض الاحياء للاخرى نفس الوقت

اذا المسافه اقل من ساعه احمدي ربك وتقدرين تروحين لاهك وتجين بنفس اليوم ,انا بصراحه تزوجت وسافرت لمدينه بعيده عن اهلي مسافه 14 ساعه , صحيح تغير علي كل شي وحسيت الطفش والملل خصوصا اني متخرجه ولا وظيفه ولاشي بس هي فتره وتعودت على الوضع وبالعكس حاولت استغل الوقت باني اخذ دورات تدريبيه تطور من مهاراتي في تخصصات مختلفه وفي نفس الوقت احفظ قران وهونيها وتهون ,وخلي براسك انه دوام الحال من المحال
والله يعينك ويوفقك