تعالوا شوفوا شو صار---وكلام ابوي الله يسامحه --- خلاني اصيح

السلام عليكم

بقولكم قصتي بختصار:

يونا ناس يمكن الشهر اللي طاف ---المهم قالوا انهم ياين منشان يشوفوني منشان يخطبوني حق ولدهم---ويوووونا وقمنا بالواجب وزياده ولله الحمد--- وعلى فكره ولدهم ما في اي شي يعيبه وهم نفس قبيلتنا ويشتغل ومحافظ على صلاته وفروضه------المهم راحوا واهلي قعدوا يرمسون هم مب صافين وفيهم عرج فهمتوا شو اقصد اسمحلوا بس قالوا انهم (عبيد) ---وعلى طول قالوا اذا وافقوا نحنا بنرفض:( ----كل شي قسمه نصيب بهذي الدنيا واللي ربنا كاتبنه بيصير حتى لو هم رافضين---واعرف ان هم نظرتهم لناس مثل ايام الجاهليه ما ادري بس هم يشوفون جيه---المهم مر على السالفه يمكن اكثر من اسبوعين ما حسبت لكن اخمن وقلت خلاص شكلهم هونوا--- لكن بعدين اكتشفت ان وافقوا لان الابوووو قال بي ايشوف ابويه---ويرمسه بهذي السالفه----المهم يا ودخل وسلم على ابوي وشكله انسان محترم---وفاهم بالدين --وعلى فكره ابوي مدين وفاهم كل كبيره وصغيره بالدين----ما دخل الريال على طول رمسه---سالفوا بعدة امور--- وبعدين وقاله صل على النبي ---اللهم صلي وسلم عليه وقاله نريد بنتين من عندكم حق عيالي اللي بعدهم ما عرسوا والله يوفقجنا ونشوف اللي فيه الخير----ابوي ما قال مب موافقين---خلنا نفكر مع اني اعرف انهم رافضين من الاساس بسبب العرج----او اي شي ثاني---لا جذب عليه وقال ولد عمتهن يباهن:06: ولد عمتي اصلان لو يريدونا كان خذونا من زمااااااااااااااان------لكن ابوي الله يسامحك على اللي قلته----تميت اصيح مب منشان ما وافق ابوي---لا على كلام اللي قاله---لان لو عرف الريال السبب وسال العم وقال لا من قال انا نريدهن بيظهر ابوي بنظره جذاب وممكن الخبر ينتقل بين شخص وثاني ويطلع بنظرهم انسان ثاني--وابوي معروف بسمعته وكرمه واخلاقه ---بس ليش قال جيه ما ادري

والله اكتب لكم وانا اصيح---من كلام ابوي :icon33: -- ابوي بنظري قدوتي وافاتخر فيه واحبه موووت والله يطول بعمره ويخليه لنا :( لكن اخاف تتغير نظري عنه بعد اللي سمعته منه؟؟؟!!