كيف اتعامل مع الزوووج العصبي

الحرمه الشاطره تعرف للزوجها لأن حتى لو قالو لك البنات طرقهم
في معاملة ازواجهم يمكن ماتنفع مع زوجك لأن اصابيعك مو زي بعض
بس والله لو ان زوجك اسوء زوج بالدنيا يجي بالهداوه واللين والطيبه
داريه ياحبيتي داريه يعني يجي معصب ما خلص الغدا ويهاوش
قولي له ابشر ياحياتي انشاءالله
لأن فيه نساء ماتطلع منها كلمة حب لزوجها تقول مايستاهل
ليش مايستاهل اجل انتي ماتستاهلين الأحترام اذا انتي
ما داريتيه وسمعتيه كلمه حلوه
والله ما فيه اقشر من زوج اختي بس ماشاءالله عليها عرفت
وين تدخله معه
يا حبيبتي داري على شمعتك لا تنطفي

انا زوجي مو عصبي الا ناااار بس اذا عصب اسكت وما اكلمه واذا قال شي ابشر من عيوني هو يقولي احسن مافيك تعرفين لي اذا عصبت اخليه يتكلم ويطلع الي في خاطره الين يهدى واذا هدى وروق كلمته وقبل ما اكلمه هو اصلا يعتذر ولو كنت طالبه شي منه وكان رافض يوافق بعد مايهدى ماشاء الله

بارك الله فيكم وجزاااااااااااكم الله كل خير ووفقكم
ووسخر لكم ازواجكم كلخاتم في اصابعكم
بس بعد يطفر الزوج الي عصبي ويكون احيانا بل كثيرا معصب على اتفه شي بدون شي كذا من
مززززززاااااااااااج ماله مززززااااااااااج يكون رايق معصب
يحب شي اسمه نكد وهواش وكلمة لالالا
انتم قلتو اسكتي اذا عصب طيب احيانا كثيره يكون هو الغلطان
طيب وشلون اناقشه اذا صاااااار كذا
كيف افهمه ؟؟؟؟
حبه حبه حبه فهموني يابنات خصوصا للي ازواجهن عصبيين

اول شئ لازم تكونين صبورة جدا يعني لو عصب خليك في منتهى الهدوء حتى لو قال كلام يغث واذا انتهت الثورة العارمه خليك طبيعيه يعني لاتمدين البوز شبرين وابتسمي في وجهه ولاتخلين له منفذ عليك خلي كل شئ على احسن ما يكون واذا حاول يتقرب كلميه واضحكي وبيني له انك كنتى متضايقة حيل لما زعل بس لما صار راضي انتهت المشكله ونصيحة لا تكثرين العتب وخليك دائما مبتسمه ومفرفشة حتى لو مالها داعى باذن الله راح تخف العصبيه ولاكن مستحيل انه ينشال الطبع
وانا كان زوجي نار وعصبيته شئ لا يطاق بس الحمد لله صار افضل يعصب في الشهر مرتين