انضربت ولا بالعقال بعد

السلام عليكم

بقولكم مشكلتي وياليت اشوف ردودكم انا تجادلت مع زوجي بسبب اهماله لي من شهر ماطلعت من البيت واناتعبانه وكل مااقوله ابي اروح المكان الفلاني يقولي مشغول ويطلع وكل يوم على هالحاله اعاني وجع براسي الشقيقه وملل من الجلوس في شقه صغيره وطفلين ومشاكلهم وكل يوم على نفس الموال جلسه بالبيت وهو يقولي مشغول ولي قهرني انه يروح المخيم الي هو الاستراحه كل يوم ولايخصص يوم واحد في الاسبوع يكون لي انا واطفاله نطلع نشم هواء المهم والي زاد الطين بله بسبب هاالظروف زاد علي الم الراس والله شهر انام واجلس بالوجع نفسه ويوم اشتكيت له يقول انتي نفسيه مافيك شي مجنونه الدكتور يقول هذا نفسي طيب ونفسي انترك في جو ممل مااطلع مااشوف العالم وطلبت منه مشوارقصير جدا قال انا مشغول طيب قلتله اقل من عشر دقايق حرام عليك انا تعبت انا بنفجر وفعلا حسيت اني انفجرت من القهر كل يوم استراحه وكوره وانا كنبه بالبيت واثناء نقاشنا من حرتي ارتفع صوتي قفام وضربني بالعقال وعلم في جسمي من الضرب وحلفت مااجلس عنده ورحت بيت اهلي واول مره ادخل ابوي في الموضوع ويوم شاف اثار الضرب قال ماتروحين بيته الابتعهد ولا ويقوله ابوي ماتضربها يقول لابوي اضربها وادبها بعد ومصر على كلامه بدل مايعتذر لابوي وهذا خلاني انقهر منه اكثر ولاافكر ارجعله انا نفسيتي تعبت منه ماهو حاس فيني كل همه كوره واستراحه وانا مركونه بين مشاكل طفليه وجدران بيته حياتي معه ممله من جد انا افكر انفصل منه لانه هذي اكثر من مره يمد ايده علي مليته شبابي ضايع ماني حاسه بالراحه وش اسوي ابوي يقول ماترجعين الالما يجيني بنفسه ويعتذر ويتعهد مايضربك وانا عن نفسي احس اني مليته لايسولف وهم مااطلع وشكاك ظن فيني اني لي علاقه مع الشيخ الي يقرا علي والسبب يقول لابوي لما يجي الشيخ تهتم تسوي حلى وعصيرات ليه هو مو ضيف والله قهرني شوروا علي :(

لاتقولون لاتطلقين وهذا فيه ضياع لاني احس ان عمري الي ضاع

119 تعليق 10,165 مشاهدة

شاركي في النقاش

سجلي الدخول لإضافة تعليق.

التعليقات

116
  1. @kdaaa_okdr

    والله ماادري بس انتي للحين سويتي الصح لما ابوك تتدخل في الموضوع..والحين الكوره في ملعبك ..تناقشي معه بوضوح يايتغير..ويعطيك حقوقك واهم شي يتأدب عن رفعة اليد جعلها للكسر.. ويتعهد بهالكلام عن ابوك واخوانك ..
    والايضف وجهه بسلامته..وبالنهايه انتي ادرى بمصلحتك
  2. @alghrabyh

    الله يفرجها عليك وشوفي حبيبتي فكري واستشيري متخصصين في العلاقات الاسريه افضل لك وادعي ربي انه ييسر لك امرك واستغفري وانشاء الله بتنحل
  3. @quotzaafranhquot

    حبيبتي احسن شي سويتيه ان كلمتي ابوك وعلمتيه في الموضوع
    لأن اغلب الرجال مايحترمون المرأة إلا لما يعرفون ان وراها رجال
    انتي اللحين اجلسي في بيت اهلك لما تهدى نفسيتك شوي وتعرفين كيف تفكرين لأن اللحين إذا قررتي وانتي معصبه يمكن بعدها تندمين وتقولين ليتني ماتسرعت حزتها ماراح ينفع الندم
    وبعدين آنه حاسه انك للحين تحبينه وتبينه وكلامك هذا لأنك معصبه
    استخيري وهدي بالك وان شاء الله الي الله كاتبه راح يصير
    والخيره فيما سوف يختاره لكي ربك
    الله يهدي سركم ويجمعكم على كل خير يارب
  4. @um_norah

    صراحه مع احترامي زوجك منزوعه الرحمه من قلبه وما يتاعااااااااشر مدري شلون صابره الله يسخره ويلين قلبه ويكتب اللي فيه الخيرر...

تابعي تجارب أخرى من هذا القسم.