مجلس السوريات الجديد عامر بذكر الله عزوجل

أهلين حبيبات قلبي
لوليا حبيبتي الله يحلي ايامك ويدبرلك أمرك ويصلحلك كل أحوالك وينولك يللي ببالك ويفرجها عليك يا رب
شام ياذا السيف تسلمي لقلبي حبيبتي خلص ماشي أنا رح بلش
بسم الله الرحمن الرحيم
(الحمدلله رب العالمين)
سبحان الله أول درس بحس رب العالمين بدوا يعلمنا ياه دخيل اسمه أنا
هو الإستعانه بكل أمورنا بالله والإلتجاء لإله وحده
مشان هيك لازم قبل أي شي نذكر اسم رب العالمين ونعلم هالشي لولادنا وأنا بالنسبه لشغلي بحاول بين هالشي قدام طالباتي مشان يعرفوا إنو نحنا ما بنساوي شي إلا ونحنا عم نستعين برب العالمين

تاني شي الحمد وشكر النعمه وهاد الشي كتير مهم لأنو إذا فكرنا بحياتنا رح نلاقي إنو رب العالمين طامرنا بنعمه طمر والفرق بين المؤمن وغيره إنو المؤمن دائم الشكر لله
( وقليل من عبادي الشكور)
اللهم اجعلنا من الذاكرين الشاكرين.. شو رأيكن بنات نتفق من اليوم إنو على الأقل مرتين بالأسبوع نصلي ركعتين شكر لله على نعمه الغالية
وأولها هالنعمة العظيمة نعمة هالجمعة الحلوة والحب في الله والإجتماع عالطاعة والدعاء لبعضنا بظهر الغيب

ما شاءا لله حولك يا هنودة

الله يجزيك الخير كلامك وصل للقلب لأنه طالع من القلب
وفعلا الحمد لله على كل شيء
والله مقصرين بالحمد ومكثرين شاوى ..الله يعفي عنا

تابعي غاليتي

وإن شاء الله سأفعل بتوصيتك صلاة الشكر ..... لئن شكرتم لأزيدنكم ....

بارك الله فيك

آية .. يفضل تستشيري شي آنسة عندكم .... لأن موضوع النفاس موضوع شاااااائك

الله يهدي بالك ويقويك

سبانش .يسلموا ايديك تم الرد

صباح الخير .. عندي استفسار ويا ريت تساعدوني .. بنت خالتي عرسها قريب وبدها تجيب فستان العرس من الشام ..ممكن ادلوني على أحسن محلات هناك .. وشكرا جزيلا

والله يا بنوتة انا ما عندي علم بهالشي لانو الغالبية بيفصلو تفصيل ...............على كل يا ريت يلي بيعرف من البنات يقدر يفيدك وميروك لبنت خالك

للأسف يا بنوتة أنا ما عندي خبرة بهالمواضيع أبداً مع أنه أختي اشترت البدلة من الشام الصيفية الماضية وصار عرسها هنيك ما لحئت تفصل لأن أهلي عايشين بالكويت
إن شاء الله رح أسألها ،،، بس على حسب علمي سمعت أنه في محلات بالجسر الأبيض ،،، شو صبايا صحيحة معلوماتي ولا عم خرف :)
موفقة إن شاء الله بنت خالتك وألف مبروك