بنات وين بتسافرون هالسنة ياليت يكون مرجع لتبادل الخبرات

وش رايكم بدبي بنات تنصحونا فيها وشو الأماكن السياحيه فيها

روحي سويسرا تهبل طبيعه وشلالات وثلوج ومناظر ترد الروح خاصه (( انترلاكن ))وشعبها طيب جدا مو زي شعب الانجليز ثقيلين الطينه واشوف انها ارخص من بريطانيا
توني جايه منها بس حنا رحنا لها من بريطانيا بحكم انا هنا ورحنا بالطيران الرخيص ومره زين اللي اسمه ((ايزي جت ))وكانت تكلفة السفره التذاكر 150 باوند رايح جاي انا وزوجي وبنتين
وبالنسبه للاقامه لاتسكنين جنيف ماتستاهل السكن فيها غاليه على الفاضي يعني روحي لها تمشيه بس اسكني لوزان تبعد عنها ربع او ثلث ساعه
واهم شي تروحين (( انترلاكن )) وهي اهم شيء كانك تشوفين هايدي تنهبلين لشفتي الطبيعه فيها تخيلي بحيره وفوقها جبال والجبال خضرا والنص العلوي ابيض من الثلوج وتمشي عليها البقر اللي باجراس والشلالّ يصب من فوق منظر بانورامي ماتتخيلينه سبحان الله
انا رحت ماليزيا كان عيبها جوها بس لكن سويسرا جوها يهبل واعجبتني اكثر من ماليزيا براد وبالليل برد شوي
عندي صور ان شاءالله احطها عشان تتشجعين تروحين لها بحمسك تروحين لها:)
حنا جلسنا اسبوع فيها ورحنا اغلب الاماكن السياحيه وكفانا الاسبوع
ولو بكيفي ارجع لها مره ثانيه من زينها وان بغيتي تسوق روحي برلين العاصمه (( احلى مافيها التسوق ))

تكفون الله يخليكم
لا أحـــــــد يقول ابروح ماليزيا <<<< (وجه ميت من الصياح)

ام حصة فعلا سمعت انها مرة حلوة بس افضل اوروبا عشان الجو
حمودي وعبودي : يلة معانا
انسام الليل :المرات الجاية ان شاء الله خططي من الحين
اوبجكشن : ياليت نتقابل
ام غنومي : كم كلفتكم الرحلة
دانة : ياحبي للرياض واهلها
ام محمد : مصر حلوة بس على قولتك مليناها ماليزيا برضو حلوة بس مرة وحده لها تكفي
الدكتورة : والله انك عسل حبيبتي ياليت تكلميني عن برنامج خط السير العرب المسافرون رائع بس احترت ابي وحده مثلي تقول روحو كذا ومن ناحية الاكل احس الي بيروح اوروبا بيهلك جوع لحوم ممنوعة واسعار غالية
فاتنة الوجود : الله يخليلك النونو
شمالية :ميته انا على سويسرا ابي برنامج وخط سير طيب من ناحية التنقلات كيف تكون سهلة يعني تدلون بسهولة
الراحلة : والله انك صادقة

ترى قصدي بيرن عاصمة سويسرا وانا قلت برلين وهي بالمانيا :)
لابغيتي تروحون اقولك كل الاماكن الزينه اللي تستاهل تروحون لها هناك واقولك وش الفنادق بعد بس اصبري علي لين بكره ان شاءالله عشان بحط لك الصور عشان تموتين زياده وتصرين انك تروحين لها :)
انا للحين منهبله من طبيعتها وماغير اناظر الصور عجبتني حيــــــــــــــــــــــــل اكثر من ماليزيا وماحسيت انها غاليه مره يمكن عشان اقارنها في بريطانيا
حنا مستأجر زوجي سياره واشوف انه احسن شيء كل ماعجبنا مكان وقفنا فيه ودليلنا كان جهاز الجي بي اس اللي هو فيه تكون خريطه للبلد ويدلك باي مكان تروحين له يعني ماعليك الا تحطين المكان اسمه وهو يدلك روحوا يمين ويسار صوتي يعني
واذا ماتبون سياره فيه قطارات بس اذا بتقعدون خوذوا بطاقة سويس باص تكون مخفضه يعني اذا كانت المده اكثر من عشر ايام تاخذونها وتصير مخفضه مره حتى ركوب المراكب والتلفريك وغيره
وزي ماقلت اسبوع يكفي تمشيه ولو بغيتوا تمددونها حلو بعد تشوفون اماكن اكثر
وبالنسبه للمطاعم كان اكلنا اكثر شيء بيتزا وماكدونلدز وفيه مطاعم تركيه تبيع شاورما وموجوده في انترلاكن وبكل مكان
وان شاءالله اعطيك التفاصيل المهمه اللي تفيدك