هلا ام نواف
انا لي خبره سابقه
بالطبخ والبيع ..
بنصحك نصائح حطيها حلق
بإذنك اذا تبين تنجحين ومابي منها
الا دعواتك الصالحه:
1-اذا تبين تتخصصين بالحلويات
كمثال لاتسوين الا نوعين
بس..
يعني شوفي نفسك انتي مثلا
متميزه بإيش؟
التشيزكيك والبسبوسه مثلا..
لاتسوين غيرهم
خاصه لحد ماتشتهرين ويصير
لك سوق ومردود مالي
تقدرين بعدها تتوسعين وتجيبين
عاملات يساعدونك بعدها ممكن
تعلنين لزباينك الاصناف الجديده
2-حطي لك ثلاجه خاصه بالحلويات
لان اي ريحه تأثر عليها وبالتالي
يأثر على زباينك..
3-اشتري الاغراض بالجمله
بالدرزن كبدايه لحد ماتتوسع
اعمالك وربي يرزقك.
4-سوي دعايه لك عن طريق..
اخواتك مثلا ياخذون عينات
من شغلك يذوقون حمايلهم
مدرسات قرايبك ترسلين لهم
عينات ياخذونها للمدرسات
ويعطونهم رقمك..
جاراتك..
والمجال واسع بس العينات
طبعا تكون مجانيه :)
5-ضروري ياقلبي تحطي رقم
خاص للطلبات علشان لااحد
يزعجك..
6-تنظمين وقتك زين ..
لازم الطلب يجيك قبل بيوم
على الاقل
اذا كثرت الطلبات تنظمينها
بجدول..
اتصلت عليك اليوم السبت
مريم تكتبين بالنوته عندك
تسليم طلب مريم يوم الاثنين
تاريخ 6/4 كمثال
وهكذا يكون على طول النوته
معاك تستلمين الطلبات وتكتبين
الاسم ووقت التسليم والرقم..
لانه مع الوقت والزحمه تنسين
الاسامي والارقام
:buck: 7
-لاتنسين ياقلبي قراءة الورد
اليومي لاتتركيه الناس ماتعطي
خير ..
وفلوس الدنيا ماتساوي العافيه
8-يالله عاد دعواتك الحلوه
ولاتنسين ترسلي لي رقمك
ع الخاص لابديتي بصير
زبونه عندك :biggrinlo
ربي يوفقك ويسهل امورك.
8
8
8
شفتي عاد التلوين كيف طالع
شي من الحماس:humm:
المهم تستفيدين.
انا احب الطبخ وقلت ليه ما افيد واستفيد؟ ارجو انكم تساعدوني في بعض الاستفسارات ؟
متابعة النقاش، صفحة 2