جرحي عميق

كلامك عين العقل

مشكورة أحلاام
أنا بعد ماتزوجت ما كلمته أقسم بالله الا من خلال الماسنجر فقط وهو يلح دايم علي انه يسمع صوتي لكن أنا أرفض قبل ما أتزوج صح كنت أكلمه بالجوال وكنا نتقابل كثير في مكان عام مو بمفردنا يعني هذا الكلام قبل ما اتزوج يعني ما خنت زوجي لكن بعد الزواج انا ما قدرت انساه لكن أنا الحين محتاجة أحد يوقف معي ويساعدني مو أحد يلومني ويسبني الله يسامحك

مشكورة أختي مجرد ردك على موضوعي هذا يعتبر اهتمام منك جزاك الله خير

يااختي ارجوكي لاتضعين مستقبللك بسسبب هذا الحب الوهمي انتي تقولين انك عارفه كل هالقصص ليش ترمين بنفسك بالدوامه وصدقيني ان هذا الشاب الي تحبينه اول انسانه يحتقرها هي انتي والشباب مايرضون ابدا ببنت يكلمونها عن طريق خطا تداركي نفسك وتوبي وحسني علاقتك بزوجك وانتبهي تخبرينه والحمد لله ان ولد عمك خطبكي علشان يبعدك عنه وقبل ماتصرين ضحيه له فانتي تعرفين الشيطان وساوسه والله يوفقك0

اختي غدا اجمل سلمت يداااااااااااك قلتي اللي في قلبي

يابعد عمري ندى كلامك كلللللللللللللللله مغالطات مع نفسك

ماكلمته بس ماسنجر والماسنجر وشو ؟؟؟؟؟؟ ماهي محادثة؟؟؟
لاتكابرين التواصل بحد ذاته اكبر غلط
وولد عمك بارد مايعبر عن مشاعره؟؟؟ لانه مهو راعي بنات مثل الاول ولانه صادق رجال فعلا مااراد يحط عواطفه بشات وايميلات لاي بنت ورفض اي شي الا في اطار شرعي
وهو الاجدر بالحب الصادق والاحترام...ووالله خيانتك له اكبر غلط ترتكبينه بحياتك؟؟
واستقيمي قبل مايعاقبك الله ومثل ماتخونينه قد يخونك...
واعطيه كل الحب اللي في قلبك واملي حياته لايمل منك ويدور غيرك هو تزوج يعني محتاج للحب والاهتمام مهو وحده تبكي وعايشه على احلام البنات؟؟
ودك بوحده تقول احبك وانتي عارفة حقيقة انها ماتحبك؟لا وكل ماشافت احد قالت احبك؟؟توزع كلام؟
ولا وحده ساكته وعيونها وتصرفاتها تحكي مليون كلمة حب؟
حكمي عقلك واتخذي قرارك اليوم قبل بكرة فهذا امر حااااااااااااااااازم

نصيحتي:
*اتقي الله وخافي من عقوبة الله لك لو استمررتي بهذه العلاقة المحرمة لاتقولين حب هذا ببيت اهلك الان انتي متزوجة وهذي خيانه لربك ودينك ونفسك واهلك وزوجك واولادك فيما بعد.
"ومن يتق الله يجعل له مخرجا ويرزقه من حيث لايحتسب"
*قطع الاسباب والوسائل جميعها الموصلة اليه ، يعني الايميل والماسنجر اللي يعرفهم لعد تفتحينهم والمنتدى اللي تعرفتي عليه فيه لعد تفتحينه وعاهدي الله على التوبة وعدم الرجوع للاثم لاتقولين بادخل على اني اختي ابي اعرف اخباره لااااااااااااااااااااا على مين راح تلعبين؟؟؟ لاتغالطين نفسك.
ولاتقولين بادخل بمعرف ثاني على المنتدى تتقصين اخباره من بعيد لااااااااااااااااا كذا راح تمشين بطريق الشيطان اللي راح يجعلك تلاحقينه واخرتها تضعفين وتعترفين له ان هذا انتي ونبدا من جديد عند نفس النقطة لاااااااااااا ابعدي عن طريق الشيطان وافتحي لك ماسنجر جديد وايميل جديد واعزمي النية على مقاطعتها ومن ترك شيئا لله عوضه الله خيرا منه .
*وزوجك البارد ...... كيف تبينه يتحرك وانتي معه باردة كل ازواجنا كانوا باردين ومع السنوات صرنا لهم مثل مايبون وصاروا لنا مثل مانبي
*اعتبري اللي راح علاقة عابرة طفولية مضحكة جميلة بكل مافيها قاسية بما فيها اخطات فيها وتركتيها وحاولي تنسين جميع التفاصيل وكل ماتذكرتيه اخرجي من المكان اللي انتي فيه او ادعي الله انه ينسيك وصدقيني مع هذا الهروب في يوم بتنسين اسمه ومنتداه وكل شي...
*لو حاولتي تذكر صوته اتصلي على زوجك لو احتجتي لكلمة حب ارسلي لزوجك اشتقت لك وانت؟؟
صدقيني راح يرسلللك كلام حلو وراح يتعلم كل الكلام اللي تبينه بس اصبري هذا حلالك زوجك مستقبلك وحاضرك وابو عيالك انشالله
وقوي علاقتك بزوجك وصدقيني راح تنتسين كل الخرابيط الماضيه
ومن منا لم تمر بهذه الظروف بعضهم طلقها زوجها لظروف وهي تحبه حب شديد وقاومت وعاشت وتزوجت غيره
ومنهم من مات زوجها ووالد اطفالها وصبرت وعوضها الله بخير منه
فكيف انتي اللي بس شات وخرابيط كلنا مرينا بهذه الظروف لكن الاستسلام لها اكبر خطا والخيانة اعظم ذنب
ولاتخربين عشك بنفسك
اخيرا بقول لك قصة وحده صديقتي حبت واحد بالجوال وحب شديد حتى انها تكلمه كانها تكلم نفسها وهو اللي عمره ماتاخر عن اختبار في جامعة الطب صار يتاخر ويحذف الفصول لانه مافي وقت يكلم حبيبته
علاقتهم استمرت سنه وبعدين اتقدم لها وجاوا اهله يخطبونها رفضوا اهلها بعد اصرارها ورفضوا لحجج واهية طبعا هي واياه من شدة الحب قرروا ان علاقتهم في طور الخطوبة فطلب يشوفها بحضور اخته وفعلا زارتها اخته واهدتها دبلة الخطوبة وعلى انها تودع اخته عند الباب جا هو وشافها عند الباب وشافته يعني على بالهم نظرة شرعية ووالله فرحتها بدبلة الخطوبة لاتوازيها فرحه كانت ماتفصخه ابد حتى امها شككت فيها
مرت الشهور وهي في خوف ان اهلها يدرون بعلاقتهم طبعا اهلها كانوا شاكين مرة لان البنت لما خطبها كانت متعلقه وناقشتهم كثير في قرار الرفض
دعت الله بصدق وناجته بالليل انه يرزقها اياه او يبعدها عنه
وماهي الال اسبوعين ويتقدم لها ولد عمها طبعا كان مستحيل انه يخطبها لان في بنات اكبر منها ماتزوجوا وعلى كرهها لاهله وافقت واهلهها اخذوه مع انه اقل ماديا وتعليما من خطيبها لكن من العايلة خذوه وهم مغمضين طبعا الاول كان رفضه بسبب عائلته مع انهم اصل الا انهم غير عايلتهم من كذا طلعوا الحجج البايخه
لانها استخارت وارتاحت وقالت هذي استجابة دعائي رزقني الله غيره يعني هو مافيه خيرة
على طول كلمته قالت انا تقدم لي ولد عمي واستخرت وارتحت له اذا بتتقدم لي هذا الاسبوع باوقف معك ضد اهلي واهلك ونوقف بوجههم ونقول نبي بعض قال لها انا عندي اختبارات هذا الاسبوع ومااقدر اتقدم لك مرة ثانية واهلك رفضوني وانا طالب اصبري الين مااتخرج واتقدم لك يعني باقي له سنتين وخاصمها انها مستعجلة على الزواج وانها صغيرة كانت 2 جامعه
لكنها كانت خايفة ان علاقتهم تتطور وتقع بالحرام
فعزمت امرها وتوكلت على الله وتركته
وكل مااشتاقت له تتصل على زوجها يرسل لها كلام حلو فترسل الرسالة لزوجها داااااااااااااااااست على قلبها وتعذبت بس الحين ارتاحت الحمد لله
تدري وين حطت دبلة الخطوبة اللي كانت تسوى عندها الدنيا ومافيها؟؟؟؟
في الزبالة في الجامعه وحرقت كل الاوراق وغيرت شريحة الجوال وقطعت علاقتها باخته وخالته وصديقتها اللي كانت تعرف هذه العائلة بعد
ومرة بلحظة ضعف اشتاقت لخالته والظاهر انها اشتاقت لاخباره فكلمتها من كبينة لانها ماتبي تعطيه اي مجال يوصل لها فاخبرتها انه باقي على حبها وودها وماتزوج وينتظر خبر طلاقها لانه مستحيل تعيش مع غيره فقالت لها قولي له انا حامل ومرتاحة مع زوجي وننتظر خبر زواجه ..
قالت لها كل مازار الخبر يمر على بيت اهلك ويبوس يد الباب لانك اكيد مسكتيها .... ويوقف على شباك غرفتك ينتظر يمكن تكونين عند اهلك وتفتحينه.. قالت لها الغرفة ماعادت لي صارت لاخواني الصغار ..
حاولت تقطع كل طريق عليه لكن بقلبها اكيد باقي له مكانه
لان بعد مكالمتها لخالته ظلت ببيت اهلها شهرين على مااذكر وكانت نفسيتها شينة بس قالت لي استاهل
انا غلطت اللي حاولت اعرف اخباره وربي عاقبني وزاد الهم وتذكرته
بس مارجعت لزوجها الا وهي ناسيه ذاك تماما
بصراحه ابي اوضح لك كيف كانت علاقتها بالاول ومع ذلك قدرت تنساه وتحب زوجها اكثر وسوت نفس اللي كتبت لك فوق اوكي طبقي وادعي لي ....
بصراحة هي تجي اوقات تشتكي انه زوجها مايفهمها مثل الاول وان الاول تكلمه كانها تكلم نفسها بينما تخاف من زوجها وماتعلمه كل شي...
وان خطيبها الاول كان يعرف من صوتها اذا متضايقة وكان تهزأه ويضحك تخيلي..وفي مرة كانت تبكي صار شي مررة مصيبة لاهلها لما علمته بالليل جا وقطع مشوار 4 ساعات سفر وواقف قريب من بيتهم يقول ابي تحسين اني قريب منك
وزوجها لو تبكي بس صرخ وهاوشها وطلع وتركها
مع ذلك تحب زوجها اكثر ... تقول ربي اختاره لي فانا راضية فيه...
فاين الرضا بما كتبه الله..