جرحي عميق

اعذريني ماقصدت بالمعنى اللي فهمتي بالعكس انا احب الكتابة
بس حبيت اوضح لك رغبتي في مساعدتك وهي انك توعديني بقطع كل السبل بينك وبينه واليوم قبل بكرة.......
ومع ذلك ماوعدتيني ....
وانتظرك توعديني وقبلها تعاهدين نفسك وربك ماترجعين للاثم هذا...
الله يهديك ويرزقك مافيه خير لك دنيا واخره
وترى الله يمهل ولا يهمل فخافي من فضح سرك في الدنيا قبل الاخرة
وش نظرة اهلك لك وزوجك لو يعرفوا؟؟؟
ومن ترك الحرام متعه الله بالحلال... لان ( من ترك شيئا لله عوضا الله خيرا منه)
الله يهديك ويصلحك واسفة ان كنت جرحتك
وانتظر وعدك...

الله يفرجها عليك وقوي صلتك بالله حبيبتي وكل شي يهون

مشكورة يالله الجنة
بس ليه الناس كذا ظالمين يعني مطلقة وش فيها ليه المجتمع دايم ماسك علينا كل صغيره وكبيره ويتجاوز كل شئ عن الرجل يعني ما أتكلم عن نفسي اذا وحده ما ارتاحت لزوجها وطلبت الطلاق يبقى الطلاق وصمة عار عليها لييييييش اثنين ما توفقوا مع بعض يعني موملائمين لبعض ايش العيب لو تطلقوا وكل شاف حياته مو معنى ان المرـأة طلبت طلاق ان في زوجها شئ والعكس بس يمكن هي او هو تبي او يبي أشياء ماهي موجوده بالشريك
يعني الرجل الي اشوفه أنا مثلا مو مناسب لي أبدا يمكن يكون هو فتى الأحلام لغيري والعكس الناس يختلفون في ميولهم
***************************************************************************************شوفي ياعيوني انا ما اتكلم عن نظرة المجتمع للمطلقه هذا موضوع ثاني انا اتكلم عن نظرة الي تسمينه حبيبك لك وانتي مطلقه وعلى العموم حبيت انبهك ان مسألتك ليست هينه لانه كما قلتي انك كنت تكلمينه وتواعدينه في الاماكن العامه حتى لو لم تكونا بمفردكما فهذا امر شنيع نسأل الله لك الهدايه فياأخيتي استغفري لذنبك وعودي لرشدك وانصحك ان تطلعي على قصة مستنقع الخائنات في موقع مملكة بلقيس وهي قصه حقيقيه روتها الدكتوره ناعمه الهاشمي حصلت عندها في العياده لتتعرفي على نهاية هذا الطريق

هذا لما دخل الشات مثل ماكلمك كلم 10 غيرك ... تمسكي بزوجك والله يسخركم لبعض
وتعوذي من ابليس

اسمحيلي اختي .. الحين شو المطلوب بالضبط؟؟؟
نصايح ونصحوج البنات ماقصرن .. لوم ولامج القريب والغريب !!
طريق العقل و دلوج عليه!
شوو المطلوب بعد؟؟ انتي انتي شو اللي تحتاجيه بعد ؟؟ تحتاجين فضيحه مثلا او تهديد او ابتزاز عشان تعقلين وتوعين على نفسج ؟؟
تحتاجين تشوفين الويه الثاني من الواقع عشان تقتنعين؟
تحتاجين زوج بخبرات غرامية سابقة ؟؟
انتي استرخصتي نفسج ويا شخص غريب عنج وكله مبني على اوهامج و رغباتج وعلى جانب واحد تشوفينه بس من هاك الشخص!!
رخيصة عنده يسمع صوتج ويلاقيج برع!!
رخيصة عنده يتركج بلا ارتباط!!
احمدي ربج ان الله ما عاقبج وابتلاج بعدم الزواج او الفضيحه
احمدي ربج ان رزقج بزوج وستر عليج !!
احمدي ربج ان زوجج نظيف بلا خبرات!!
احمدي ربج ان اللي باعج ما اخذ منج كثير!!

لين متى الحريم بيتمن عايشات في وهم من خيالاتهن الضعيفة!!
الله اكرمنا بالعقل!!!!!! واللي رزقج اياه الحين ممكن يحرمج منه باجر!!
بسج من هالتفكير المريض وكوني واقعيه وعاقلة
لو بنتج مستقبلا لا سمح الله سوت اللي سويتيه كيف كنتي بتتعاملين معاها!؟
انتي مب محتاجة نصيحه

سلامي