جرحي عميق

ماشاء الله تبارك الله ردك اعجبني:26:

للحين في بنات تدفعهن المشاعر لتكرار قصة النعجة والذئب وتجربتها!!
والله توقعت البنات صاروا اكثر ثقافه ووعي بس الظاهر ماعندي سالفه!


المهم
شوفي ياعزيزتي انا ماراح اقول لك انه يتوهم لك انك تحبينه وهذا الشيطان والخ

انتي فعلا تحبينه!!

بس هو حب تعود لااكثر
وصدقيني لو كان واحد ثاني وكنتي تحادثينه بنفس الساعات كنتي راح تحبينيه نفس الحب!!

وبالنسبه للشخص اللي حبيتيه صدقيني ومستعده احلف لك انه كلمك وكلم غيرك بعد وانك بالنسبه له مجرد انثى..... قصه حب (ترفيهيه) اذا صح المسمى!!

انتي للحين صغيره ومااعتقد تعرفين كيف (عقلية الرجل)!
هو يقضي وقت فراغ وماراح اقول ماحبك ...حبك ... بس حب ترفيه!! وبالنسبه لكلام الحب اللي يقوله !!
ترا الكلام ببلاش مثل ماقالت وحده من البنات.... اي شخص يقدر يقول نفس الكلام وصدقيني سهل جدا
ولاتعتقدين ان كل من قال احبك صادق او انه يعني خلاص بيتزوجك اذا قالها لك!!
وقد يكون صادق!! بس فيه فرق بين الزواج والحب!!
فيه فرق بين العشيقه والزوجه



اجلسي مع نفسك جلسه صادقه وفكري (بمنطقيه) وعقل
وحددي لنفسك هدف



هل يرضيك تكونين عشيقه لرجل مافكر فيك كزوجه ابدا وحابه تكملين معاه حتى تشوفين لوين بتوصلين معاه!

او يرضيك تكونين زوجه سعيده ومرتاحه مع ولد عمك؟


انتي في رد قلتي انه ولد عمك كل بنت تتمناه ومافي سبب يخليني ارفضه؟
طيب وحبك لراعي التشات ماتعتبرينه سبب كافي يخليك ترفضين؟؟
ردك العفوي هذا يدل انك في قراره نفسك عارفه انه نزوه ... ترفيه .... ممكن حب بس حب تعود !!
تحبينه لانك تعودتي تكلمينه كل يوم لشهور عديده قلتيله عن ايامك الحلوه والمره عن افراحك واحزانك.... عجبتك شخصيته .. ردوده ... تعامله الخ

المشكله الحين مو في مشاعرك .....

نجي لمشاعر الرجال اللي مادرى عن هوى دارك وحاب يسلي نفسه بقصة حب

الرجال لو صدق فكر فيك كان تقدم لك او حاول يمنع زواجك!!
تدرين ليش مافكر يسوي شي!!
لانك بالنسبه له مجرد انثى مو ندى؟



وش تبين بالضبط؟؟
تستمرين مع حبيبك وتكلمينه؟
هل فيه نهايه لمكالماتكم بالماسنجر؟؟
هل حابه تستمرين زوجه وتتواصلين مع الحبيب بالماسنجر؟!
طيب الى متى؟

هل تبين تتطلقين من زوجك مثلا وتكملين مع حبيبك على امل انه يتزوجك؟؟

وهل تعتقدين ان حبيبك بيفكر فيك كزوجه اساسا؟؟
انا اعرف انه لو اقول لك من اليوم الى بكره انه يحبك بس حب ترفيه وتسليه ماراح تصدقيني لانك حطيتي في راسك فكره ومؤمنه فيها وماراح تصدقين الا اذا جربتي على الواقع وانصدمتي بالحقيقه!


اتمنى تحطين لنفسك هدف واضح وانتي ايش تبين بالضبط؟؟

حياتك بالاسلوب هذا والتفكير والوهم صدقيني ماراح تغير من واقعك شيء... غير حرقة القلب وتضييع الوقت!!!



انتي تشتكين من حبك للشاب وانك ماقدرتي تنسينه!
انتي تدرين مثل ايش ؟؟
اللي جالس جنب النار ويشتكي من حرارتها؟؟
طيب ليه ماتطفين النار او تقومين من عليها؟؟

اقطعي علاقتك بالشاب .. لاتستقبلين منه اي رساله صدقيني بترتاحين
بتفكرين فيه اول شهر ... يمكن شهرين ... بس بعدين خلاص بتنسين ... ويجوز تضحكين على سذاجتك!
كيف تبين تنسينه وانتي الى الآن متواصله معاه بالماسنجر وتسمعين كلامه!!
هو اللي يرسل لك ؟؟ خليه يرسل براحته بس لاتفتحين ماسنجرك ابداااااا
اعمليلك ماسنجر جديد وانسي القديم خليه ورا ظهرك واذا قدرتي تلغينه يكون احسن

انتي اقطعي كل شي يذكرك فيه وتعالي هنا بعد شهرين وقوليلنا وش صار عليك
الله يسعدك ويوفقك ياحلوه

سلام

عفوا الكلام ترا مخربط لاني كتبته بسرعه بس اعتقد ينفهم :)

!!

ردودي ليش ماتطلع
يعني يوم جيت ابي اتفلسف :nerd: واكتب رد ماتطلع :humm:

كفو ووفوا البنات
وربي يهديك للطريق الصحيح