شاركي في النقاش

سجلي الدخول لإضافة تعليق.

التعليقات

1,859

  2. @om_angle

    em mohamed
    السلام عليكم ورحمة الله وبركاته ,,, كيف أخباركن يا بنات وشنو الحال والاحوال؟ معش نلقى فى وقت للنت وقعدت ديما مشغوله (ربى يشغلنا فى طاعته) الجو اسقم عندنا والحمد لله جانا الدفى والربيع ومعش فيه فضوه خصوصاً الصغار يبوا يطلعوا العشيات ويلعبوا…
    جزاكى الله خير اختي ام محمد هي فعلا رجعت ليبيا الشهر الماضي وكنت عايزه اتطمن عليها بس انا معرفش اسمها ايه في المنتدي عشان اراسلها عليه اانا عندي ايميلها هاراسلها عليه شكرأ بس كنت فاكرا ان البنات هنا يعرفوها

  3. @lyby100_100

    السلام عليكم

    كيف حالكم كلكم ان شاء الله بخير معاش انحصل في وقت انخش فيه للنت علشان في النهار نكون لاهية مع العيال ولما يجي بوهم معاش يبينى انقمعز على النت الا مع هلي غير هكى لا؟ وامس كتبت رد طويل وطااار.مش مشكلة

    توا عالسريع نحاول نرد علي الجميع

    ام محمد
    ذكرتينى وانا حامل كنت نركب الدراجة ولا يهمنى بس لو كمنت في ليبيا حايديديرونى تفرجة بس والله كان عندنا دراجتين وكرسي اطفال ولعند الاشهر الاخيرة لين معاش قدرت قعدت نتعب بسرعة ...وتوا نطلع بس مع اولدى الكبير ما زلت ما شريت كرسي اخر او كروسة دراجة ..بس والله جربيها حلوة عالاخر...

    ليبيا قلبي
    لا باس علي خالك ان شاء الله طهورا..

    غادة
    لا باس عليك هذا موسمها حتى انا حالتى حالة عطس والخشوم ان شاء الله خير... في ليبيا من العجاجات وهنا من الربيع والورد ...

    حياة ....امواج.....ام تقي الدين....جرن ستار.....اريام.....وباقي البنات كيف حالكم ان شاء الله بخير...
    انا نستاذن توا


    ولدي يبكى



    مع السلامة....

  4. @am_tk_aldyn

    ليبيا قلبي
    غاده كيف حالك حتى انتي اتعاني من الجيوب ,والله حتى انا الجيوب الانفيه والحساسيه دايره فيا حاله بذات الجو هنا في دبي ديما عجاج الفتره هذي وبعدين الرطوبه .
    السلام عليكم ورحمة الله وبركاته
    كيف حالكم جميعااااااااااااااااااااااااااااااااااا اخواتى الحبيبات،،،والله ونستونى فى غربتى بارك الله فيكم ،، اشتركت فى مسابقة المعجنات بقسم المعجنات واليوم زوجى ماشى دبى فاستغليت الفرصة ، قعدت انصور حتى بنتى كل ما تشوف اكل اتقوللى شن تبى تصوريه المهم الحمدلله كملنا على خير
    ليبيا فلبى---ما شاء الله صار قراب من اكتر من جيهه - سبحان الله - ان شاء الله ديما معرفة خير ،، ايش اخبار اختك ان شاء الله احسن ،،وامك كيف حالها روحت ولا ما زال ،،وان شاء الله ربى يطمنكم على خالك
    المصباحى ---كيف حالك وكيف حال زوجك ؟؟ بارك الله فيك على حسن ظنك ،،وجزاك الله خيرا
    انا حوش اهلى جنب مسجد بدر الشارع اللى يقابل فى الشروق من جهة البحر(وحشتنى بلادى)
    ونبى نسالك تعرفيها الدكتورة سكينه -دكتورة نساء-،، نفس اللقب؟!
    ام محمد --كيف حالك ،ما شاء الله مادام بنتك بروحها راغبه فى الحجاب معناها هنيالك مجهودك اثمر ،،وان شاء الله تشوفيها زى ما تحبى واكتر
    ليبيه 100100 كيف حالك واسرتك ان شاء الله تكونوا بخير
    امواج----وينك امغطسه،، شكل الوحم جايك عالنت ،،ربى يساعدك وان شاء الله تكونى بخير
    حياة حلوة ----اللى صار فى الوافى مول شفته فى النت معروض فى واحد من المنتديات ( واحد مصور السرقة بكاميرة الجوال)،صرااحه شى عجيب --السيارات يجارن وسط المول ،عوينه فيها البلاد كلها امن وآمان،ان شاء الله يمسكوهم عن قريب
    بقية الاخوات العزيزات ان شاء الله كلكم تكونوا بخير،،،،،،وفى أمان الله

  5. @lyby100_100

    صباح الخير والسلام عليكم

    وينكم ان شاء الله المانع خير..خاشة عالسريع انشغلت عليكم؟؟
    لمتنا في الصفحة الثانية:(


    في رعاية الله
    :26: :26:

تابعي تجارب أخرى من هذا القسم.