خخخخخخخخخخخخخخخخ
ومضة
تعالي شوي
*
*
*
*
اسمها الخوالي مو الخلاوي
:)
أهلاً وسهلاً بالبنات اللي لحقوا علينا...
تحية خاصة للأخت عبرات نادمة...
حبيبتي حطي عفشك بأي غرفة تبين والدعوة بوفيه مفتوح.. كلن يقلط متي ما بغى...
المهم,
هذا يا مجبورين الخاطر العام رحنا لمكة.. وأخذنا لنا شقة نظام فنادق...
الفندق تحت فيه راعي شاورما وغرفة واسعة تطرد بها الخيل فيها ملاهي.. وكشك حلويات وألعاب وبلياردو..
وطبعاً بنياتنا ما قصروا طالعين نازلين بهالأسانسير...اللفت أو المصعد...
لا ومن زود الملح.. كل واحدة فيهم تنزل بمصعد خاص..
:angry2:
المهم,
والدنيا تخترش رجال و مراهقين وحريم...
جيت ومسكت البنيات... وقلت لهن... بناتنا كانت أعمارهن 11,7,5 علي التوالي...
فيه شئ اسمه تحرش جنسي...
ولما تكون البنت فيكم لحالها تكون معرضة له أكثر...
وشو التحرش الجنسي؟
ممكن يجي ويلصق فيك من ورا... ممكن يلمسك مع المناطق الحساسة اللي هي كذا وكذا وكذا...
ممكن يقول لك تعالي أعطيك حلاوة ولا يا حلوة أعطيني بوسة...ولا ما تدرين وين المحل الفلاني....
مين ممكن يتحرش فيك؟
أي جنس رجال بالدنيا ممكن يتحرش فيك إلا أبوك وأخوانك... حتي الأولاد اللي بالطعشات وشكلهم صغير ممكن يتحرشون...
ممكن حتي المرة تتحرش فيك لو لقتك لحالك وتخطفك!
وشلون ما يصير لنا هالشئ؟
أولاً... دائماً نكون مع بعض.. نمشي مع بعض...أقل عدد نكون فيه هو أثنين!
نطلع المصعد مع بعض.. ما ندخل مصعد فيه رجال...ولو رجال ركب معنا المصعد نطلع ونخليه له...ما نطلع من الشقة بملابس نص لفة :)
ما ننزل من الشقة بأوقات الناس يكونون فيها شويين..
طيب لو قرب مننا رجال ولا حرمة أغراب وخفنا منهم؟
أول شئ نصرخ ونهج... لو ما قدرنا نهج؟
مثل ما البنت عندها مناطق حساسة... الرجل عنده منطقة حساسة واحدة لو تضربينه عليها... انتهي أمره...
:)
طبعاً هالمقطع أعجبهم مررة... كركروا عليه لين ما قالوا بس...
الله يستر ما يروحون هم للرجال يتحرشون فيه عشان يضربونه مع منطقة حساسة..:42:
بالنسبة للتحرش الجنسي من الناس المألوفين...
أنا معلمة بنتي...
نزول بقالة لحالها لأ>>>> متعقدة من البقالات!:09:
ما تقرب من السواق ولا تأخذ وتعطي معاه.. لما نكون راكبين معاه ما تستهبل وتسوي حركات... تصير رزينة>>>>>إيه هين!ما تركب السيارة لين أحد كبير يركبها أول...
الفترة الأخيرة ما أخليها تركب السيارة مع السواق بعريان...طبعاً أنا أكون معها..
لو مع أبوها هي حرة تلبس علي كيفها... لكن السواق لأ..
تلم نفسها بجلستها... ما تختلي برجل.. أي رجل مهما كان قريب...
ما تخلي أحد يروشها ويتعورها...كنت ألبسها مايوهات شفتشي.. بس السنة هذي ونظراً لأنها كبرت.. لقيت لها واحد بلوزة كم حيران وشورت لتحت الركبة بدبنهامز بأشتري لها إياه... ونخلي الشخلعة للصغيرة...
يوم شفتها عيت لا تفهم... قلت لها بصريح العبارة... الرجال خطر...
أي رجل في الدنيا لا تأمنين له ولا تقربين منه كثير.. إلا ثلاثة... جدو وبابا وأخوك...
طبعاً كل هالتعليمات أطبقها وهي عندي... بس عند غيري الله أعلم وشهي تسوي...
أنا دارية إن طريقتي داجة ولا هي تربوية...:09:
بس اللي عندها حل تعطينا إياه...
والله خير حافظ... أنا ما أطلعهم من عندي إلا وأنا مستودعتهم الله وقارية عليهم آية الكرسي...
غير كذا الله يستر علينا بستره ويحفظنا بحفظه ولا يورينا حيله في ما نكره...
بيت المنطلقات لتبادل الخبرات!
متابعة النقاش، صفحة 15