مين بيحب الستيك متلي ؟؟((بالصلصة البنية السرية )) طبق راقي من صنع ايديك

السلام عليكم ورحمة الله

يابنات راح تدعولي بهالطبق
انا بحب الستيك بس ماشاء الله عندي عيلة مو معقول كل يوم اروح الفندق
عشان اتعشى او اتغدى استيك ..عشان هيك تعلمت الطريقة السرية لهذا الطبق
واليكم الطريقة:
2 كيلو ستيك((تقريبا 20 حبة)) نغسلهم وننقعهم بالخلطة التالية:
10 حبات توم، راس بصل، ملعقة وسط بهار كاري
ثلاثة ارباع ملعقة وسط بهار مخلوك (فلفل اسود فلفل اخضر كمون كزبرة )
اذا بتحبي اضافة أي نوع من بهاراتك المفضلة ممكن .
نص كاسة ماء مصفى من التمر هندي نص كاسة خل التفاح او العنب
نص كاسة عصير العنب او التفاح فنجان قهوة دبس رمان عصير نص ليمونة
((صلصة ماء الشعير اذا عندك)) هلأ اخواتي نخلط كل هالمكونات بالخلاط وننقع فيهم الستيك
ونخليهم اقل شي نص ساعة
هلأ نسيح الزبدة نص باكيت ((وراح نزيد كل ما نشفت الزبده لحد ما نخلص باكيت كامل او ثلاثة ارباع باكيت ))
ونقلي الستيك بالزبدة وحدة وحدة او اتنين حسب وسع الوعاء المخصص للقلي ((انتبهي لاتحترق الزبدة"))
وانتي عم تحمري الستيك اذا حسيتي انها نشفت و محتاجة زبدة او عصير عنب ضيفي على الستيك خلال التحمير والقلي
راح يعطي العصير نكهة خاصة ويحمي الستيك من الحرق
هلأ حمرتي الستيكات كلهم صفيهم بالطبق المعد للتقديم ورشي على الوجهه زعتر بري اخضر او يابس او ريحان
الان لعمل الصلصة البنية ((لاترمي ما بقي من الزبدة اللي حمرتي فيها الستيك بل اضيفي الها الصلصة التالية:
<ملعقة كبيرة مليئة لفوق نشا مذوبة بنص كاسة منقوع تمر هندي وربع كاسة دبيس او اكثر شوي وربع كاسة
خل ونص كاسة عصير عنب وملح حسب الذوق > هي الخلطة ضيفيها على الزبدة المتبقية من القلي وحركيها حتى تصير تخينة شوي وصبيها على صحن الستيك ورشي عليها الزعتر الاخضر وقدميها مع البطاطة المقلية والخضار (سوتيه) المغلية بالماء والملح
والف صحة والعافية ولالالا تنسو تشكروا الله على نعمه ودمتم بصحة وعافية

31 تعليق 7,629 مشاهدة

شاركي في النقاش

سجلي الدخول لإضافة تعليق.

التعليقات

31
  1. @alkhyl_oallyl

    صاحبة الموضوع
    عطوني وجهه يا بنات حرام عليكم
    طلعت روحي وانا عم اكتب وابحث عن صور
    اذا هيك ماراح تردوا
    راح أقاطع قسمكم متل مقاطعة أمريكا
    وأروح قسم النحافة والسمنة اعمل ريجيم
  2. @alkhyl_oallyl

    صاحبة الموضوع
    حبيبتي انتي يا عسل اسمر الله يجبر بخاطرك إلهي
    واسمك بيجنن انا بحب العسل
    العصير قصدي عصير العنب يللي يبيعوه مع قسم العصيرات التفاح او المنجا او البرتقال عادي
    وفي منه حجم كبير يبيعه مع قسم الفيمتو والتانج او بيحطوه مع قسم الخل والدبس على نفس الرف

    ان شاء الله فهمتي علي واي سؤال ..انا جاهزة وحلو على قلبي يا قلبي:26:
  3. @alksymy_1

    ولا يهمك لا تعصبين أنا راح أرد عليكي وأقولك


    أنزلي تحت شوي







































































































    الله يعطيك العافيه على ها الستيك


    ا الرااااااااااااااااااائع

    :cook::cook:

تابعي تجارب أخرى من هذا القسم.