السلام عليكم ورحمة الله وبركاته.
اتمنى من الاخوات اللي لهم ضراير انه يساعدوني وياخذون موضوعي على محمل الجد والله الحقيقة اني كلش ضايجة اكوللكم سالفتي
انا اترملت وعمري 16 سنة وتزوجت مرة ثانية وعمري 32 سنة يعني عشت شبابي واني ارملة الرجل اللي اتزوجته متزوج من بنت خالته وهية حلوة طويلة وبيضة ومخلف منها ولد, بهد الزواج اكتشفت انه هية انسانه سطحية ومضوجه خلكة ومطاليبهة هوايا بس الرجال كلش مدللهة اكثر مني يصرف كل راتبه عليهة وعلى ابنه ودائما يشتري هدايا الهة من اني وياه بالسوك, يخاف منها جدا لدرجة انه لحد الان ما كايللهة انه احنا متزوجين ولا تعرف انه الهة ضرة اصلا, هية عايشة في سوريا ويروحلهة كل شهر ينطيهة المصروف والهدايا ويشوف ابنه ويشوفهة ويرجع, بالبداية اني قبلت هذا الوضع لاني حبيت الرجال وردته ايكون زوجي لان شكلة حلو ويعاملني باحترام ويحبني بس لان اني موظفة وعندي راتب مثله ما يصرف علي مثلهة ومن اكولة ايصير عصبي ويكولي لاتقارنين بينج وبينهة لان هية بعدهة صغيرة ويتيمه امهة وابوهة متوفيين اني بصراحة مو مرتاحة من اشوفة يدللهة ويخاف منهة واني ما يصرف علي صحيح اني عندي راتب بس اغار من اشوفة يشتريلهة الاغراض جدامي, وبعد ما يحب ايسوي اطفال واني عندي هرمون الحليب وكاعد اتعالج من غير ما يعرف لانه ما ايريد اطفال هسة ايكول من نستقر ابغير دولة واني اخاف بعدين اكبر وبعد ما اخلف اني عمري 33
يا بنات الله عليكم ساعدوني والله اني اشعر نفسي لا شيء من اشوفه ايدللهة ويمنعني احجي عليهة رغم انه يحبني بس احسة هاملني وصار عندي وسواس انه هوة يمكن بس ايريد يتمتع بية وبعدين يطلكني لخاطرهة اعوذ بالله من الشيطان الرجيم والله افكاري متعبتني حيل ومفكرة اتالج واحمل واخليه امام الامر الواقع
الله ايخليكم تردون علية
مجلس الفوائد للزوجات الثانيات ,, وللأنامل الكريمة
متابعة النقاش، صفحة 74