شاركي في النقاش

سجلي الدخول لإضافة تعليق.

التعليقات

20
  1. @taytnk

    صاحبة الموضوع
    بالنسبه للعبايه صدق لازم تاخذي وحد احتياطي بالشنطه الكبيره
    يانا مريت مراره عشان العبايه باقولكم حكايتي عبرة لمن يعتبر
    مره وانا مسافره لامريكا طبعا بعبايتي الراس وطرحه ونقاب(الله يخلف علي) وقبل ما انزل مطار نيورك لبست حجاب مثل العبايه على الكتف بس لونه رمادي ولبست حجاب على الراس مثل خواتنا المصريات وحطيت عبايتي بالشنطة اللي انا شايلتها بيدي ومسكت ولدي وقابلنا زوجي بالمطار وبعد السلام جلسنا ننتظرفي كراسي انتظار في المطار ويوم ما دريت إلا كتف ولدي احمر كانه دم ويوم شفته واثاريه كتشب قمت من غير شعور للحمامات ابي اغسل قميص ولدي وخليت الشنطه وولدي الثاني عندابوه ويوم رجعت ما لقيت الشنطة وسالت زوجي قال احسبها معك اثاريه كمين لي عشان ياخذوا الشنطه
    المهم بلغنا وانتظرنا ما حصلنا شي ورحنا للشقة ونسيناها ويوم جت الرجعه ابي عبايه مثل عباتي ما لقيت وسالت البنات ابي عبايه وكلهم كانوا يبون يسافرون بعد !!!!!
    وش اسوي قلت مابي ارجع إلا بعبايتي ويوم قامت وحده الله يجزيها خير عطتني عبايتها وهي حجازيه ولا تلبس نقاب وعطتني عباية عالكتف وطرحة
    قلت العوض ولا القطيعه ورجعت للسعوديه لابسه هالعباية واثاري عمنا اخو زوجي واخواني جايين يستقبلونا بالمطار !!! تعالي شوفي وجهي <<<قد السمسمة من الفشيله وحلفت عقبها ما اروح إلآ بعبايتين او ثلاث
    والله تطيحة وجه حسبي على من كان السبب
  2. @shaylh_hmom

    معليش تايتنك عجبني موضوعك وعلى طاري اخذ اللبس من احدتذكرت سالفه صارت لي وانا بالطياره ..

    تعرفين رحلات امريكا طويله وانا من النوع الي يجيني غثيان بالطياره ..

    ويوم اركب الطياره ويطفون النور افسخ جزمتي وانتم بكرامه واتمدد ..

    وذاك اليوم جاني الغثيان واشتد علي .. وكنت متعرفه على وحده قدامي سعوديه سواليف معها وكان جنبها زوجها وانا وراهم .. يوم حسيت بالغثيان قلت لها بروح الحمام بس انا حافيه وجزمتي بوت تاخذ وقت على مالبسها هاتي جزمتك .. الا زوجها فاسخ جزمته وعطتني البسها عشان اروح للحمام ..
    انا مسكت جزمة زوجها .. وقبل البسها استفرغت عليها وانتم بكرامه :(

    شوفوا الفشيله .. تخيلوا يقوم الرجال ويلقى جزمته كذا :(

تابعي تجارب أخرى من هذا القسم.