اية احسن اماكن لتعليم اولادنا حاجة مفيدة تنمى مواهبهم للمصريات خاصة ومن الجميع عامة

sahar_rab

الكورسات دى موجودة ف كل مكان انتى تتصلى بالفرع الرئيسى ف الهرم وهما بيقولك اقرب مكان ليكى بس المهم يكون سن الطفل اكبر من 4 سنين

وعلى فكرة ف ف ساقية الصاوى ال ف الزمالك ورش عمل بتعلمهم التلوين والرسم والصلصال والحاجات دى والعضوية 20 ج ف السنة بس برضة سالتهم قالوة بناخد من 7 سنين

مش عارفة اعمل اية؟؟؟؟؟؟؟؟؟

انا رحت مدرسة نيلى كريم بتاعة البالية وعجبتنى اوى بس بابها مش راضى يلعبها بالية واختلفنا ف الحطاية دى انا شايفة جسمها وسنها مناسب وكنت عايزة العبها علشان تاخد fitness بس مش بقصد الاحتراف

لكن هو راية انها ممكن تحبة وتبقى عايزة تكمل فية ساعتها مش حنقدر نقول لا مش عارفة انا محتارة وعاجبنى البالية اوى بس كنت هخليها تلعبة لفترة بس مش تكمل في


,وبالنسبة للانجليزى انا ماشية معاها فى كويس وعلى فكرة ف سايت كانت واحدة هنا كتبها ممتاز للاطفال لتعليم الانجليزى
ال متعرفهوش تجربة انا بنتى بتحبة وعلمها كتير اوى

www.starfall.com

مش عارفة لو كتبت رقت تليفون الكورس هنا اوك ولا لا؟بس ال عايزة ابعتهولة على الخاص

مرمر البتول
اهلا بيكى وياريت حد يساعدنى ويكتب افكارة انا حاسة انى بتكلم لوحدى

السلام عليكم جميعا
موضوع رائع يا مروة
انا ان شاء الله ناوية اشترك لبنتى فى السباحة هى عمرها 4 سنين اهو لعب ومية مناسبة للجو ده
:)

طيب فين هي الاماكن اللي هاتروحوها لتعليم الاطفال السباحه
ياريت الكل يشارك
واللي بعرف اماكن ترفيه للاولاد يقول ضروري

تعليم السباحة فى كل النوادى واعتقد فى الصيف بيقى فيه اشتراكات خارجية لأنشطة الرياضية فى النادى لغير الاعضاء

روشنة عندها حق انا ان شاء الله حقدم لابنى فى السباحة السنة دى انا مشتركالة فى النادي والنادي دة بياخذ من غير الاعضاء فى فترة الصيف فقط وحشوفلة اى لعبة تانية انا شفت اولاد بيلعبوا تايكوندو عجبنى اوى احلى من الكاراتية بس مش عارفة سن ابنى ينفع ولا لا
مرمر فى جناين كتير ممكن تجلسى فيها وابنك بيلعب زى اسمع عن حديقة ابن سندر اللى فى مصر الجديدة بصراحة مجربتهاش وفى نادى تبع الجيش اخويا ودانا فية مرة حلو اوى فية حوانات وملاهى صغيرة وسباحة اسمة نادى 6 اكتوبر مش فاكرة فين بس بتهيالى فى طريق جسر السويس
مروة جوزك عندة حق لما تتعود على البالية مش حتقدرى تخليها تسيبة حتصعب عليك خصوصا لو بقت فية كويسة والسباحة بتخلى الجسم كويس او شوفى لعبة تانية
نسيت اسالكم من كام سنة قرات اعلان فى الهرام ان سوزان مبارك فتحت مركز للاطفال من سن 4 حتى 14 فى فترة الصيف بس مهتمتش لان ابنى كان صغير والسنة اللى بعدها وجدت اعلان علشان الاطفال تتقدم وتحجز بردة مهتمتش المشكلة انى مهتمة الان بس مش عارفة اوصل للمركز دة حد سمع عنة حاجة